Uachtarán na hÉireann a' tadhal air Sabhal Mòr Ostaig
Bheir Uachtarán na hÉireann, Catherine Connolly, òraid seachad aig an t-Sabhal Mhòr
- Air fhoillseachadh
Tadhlaidh Uachtarán na hÉireann agus Rùnaire na Gàidhlig air Sabhal Mòr Ostaig Disathairne.
Bheir an t-Uachtarán, Catherine Connolly, òraid seachad aig a' cholaiste agus bruidhinnidh Màiri NicAilean airson cùisean a thoirt gu crìch.
Tha dùil cuideachd gum bi Makar na h-Alba, Pàdruig MacAoidh, an làthair airson pìos a leughadh agus gum bi ceòl beò ann bho Julie Fowlis agus Eamon Doorley.
Fhad 's a bhios iad aig an t-Sabhal, coinnichidh Ms Connolly agus Ms NicAilein ri luchd-obrach 's oileanaich na colaiste agus gabhaidh iad cuairt timcheall baile na Cille Bige, faisg air làimhe.
Tadhlaidh Rùnaire na Gàidhlig, Màiri NicAilein, air Sabhal Mòr Ostaig Disathairne
Chaidh am baile ùr a stèidheachadh mar thoradh air com-pàirteachas eadar Sabhal Mòr Ostaig, Urras Taigheadais nan Coimhearsnachdan, Comhairle na Gàidhealtachd agus a' chompanaidh-togail ionadail aig Seumas MacCuinn.
Bidh cothrom co-chomhairleachaidh an lùib an turais cuideachd agus Ms NicAilean an dùil coinneachadh ri Fèisean nan Gàidheal airson bruidhinn mu phlanaichean gus Companaidh Taisbeanaidh Nàiseanta a stèidheachadh, airson roinn a' chiùil thraidiseanta ann an Alba a bhrosnachadh.
Chaidh sin a ghealltainn ann am manifesto an SNP air thoiseach air Taghadh na h-Alba.
Tha co-chomhairleachadh, taobh a-muigh poblach fosgailte an-dràsta agus beachdan gan sireadh air mar a bheireadh buidheann ùr den leithid togail do cheòl thradiseanta na h-Alba air feadh an t-saoghail.
Taic do cheòl traidiseanta bho Riaghaltas na h-Alba
- Air fhoillseachadh26 An Lùnastal
Duais dhan t-Sabhal Mhòr airson na rinn iad gus baile ùr a stèidheachadh
- Air fhoillseachadh21 An Cèitean
Sgeama taigheadais ùr na Cille Bige ga fosgladh gu h-oifigeil
- Air fhoillseachadh20 An t-Sultain 2024
"Gun an cothrom seo sa Chill Bhig cha bhiodh e comasach dhomh gluasad dhachaigh"
- Air fhoillseachadh6 An Gearran 2025
Thuirt Ms NicAilein gu bheil ceanglaichean domhain eachdraidheil 's cultarail eadar Alba agus Èirinn agus gu bheil Riaghaltas na h-Alba a' miannachadh na dàimhean sin a neartachadh.
"Tha sinn ag iarraidh barrachd co-obrachaidh anns na roinnean cudromach leithid foghlam, cultair agus malairt - a tha a' saoibhreachadh àr dùthchannan agus a' toirt chothroman do dhaoine.
"Agus chan eil àite ann coltach ri Sabhal Mòr Ostaig airson na ceanglaichean eadar coimhearsnachdan Gàidhealach a chomharrachadh.
"Tha Alba air a bhith a' brosnachadh dhaoine gus a bhith ag ionnsachadh na Gàidhlig, gu h-àraid ginealaichean òga - agus 's urrainn dhuinn an t-uamhas ionnsachadh bho ar nàbaidhean an Èirinn a thaobh ath-bheòthachadh cànain agus leasachadh coimhearsnachd."
