Fèis ùr 'son Inbhir Pheofharain 800 a chomharrachadh air soirbheachadh

Daoine nan seasamh ann an cearcall agus iad a' seinn.FÈIS ROIS

Thàinig faisg air 150 neach-ciùil, dannsair agus sgrìobhaiche còmhla mar phàirt de dh'Fhèis Chiùil agus Leabhraichean Inbhir Pheofharain.

Chaidh an fhèis a chur air dòigh le Fèis Rois mar phàirt dhan chomharrachadh gu bheil 800 bliadhna ann bho chaidh inbhe Borgh Rìoghail a bhuileachadh air Inbhir Pheofharain.

Chaidh 28 tachartas a chumail uile gu lèir - eadar seiseanan ciùil, òraidean bho ùghdarran, bùithean-obrach, clasaichean dannsa ceum agus consairtean.

Leum seachad air gailearaidh dhealbhan
  1. Daoine a' dannsa ann an talla.
    Pòl Caimbeul/FÈIS ROIS

    Bha dannsa ceum mar phàirt den fhèis

A thuilleadh air an sin, chaidh cuairt dualchais a ghabhail tron bhaile.

Bhathas ag amas air togail air dìleab Fèis Chiùil Tradiseanta na Gàidhealatchd, a bh' air a chumail sa bhaile eadar 1982 agus 2002.

Thàinig an fhèis gu ceann le consairt feasgar na Sàbaid ann an Talla-baile Inbhir Pheofharain.