Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

1. 55 Daqiiqadood ka horDiyaarado isku dhacay kadib markii duuliyaashii ay bilaabeen in hawada ay sawirro isaga qaadan

   Mas’uuliyiinta Koonfurta Kuuriya ayaa ogaaday in laba diyaaradood oo dagaal ay isku dhaceen hawada sare sanadkii 2021 sababtuna ahayd in duuliyayaashu ay sawiro iyo muuqaalo ay iska qaadayeen.

   Shilku wuxuu dhacay intii ay diyaaradaha ku jireen howlgalkii duulimaad ee magaalada Daegu, sida uu sheegay Guddiga Koonfur Kuuriya ee Kormeerka iyo Baaritaanka.

   Duuliyayaasha ayaa badbaaday iyagoo aan wax dhaawac ah soo gaarin, laakiin isku dhacyada ayaa dhaawacay diyaaradaha, taas oo khasaaraha milatariga ku noqotay 880 milyan oo won (qiyaastii $596,000 si loogu dayactiro.

   Mid ka mid ah duuliyayaasha, oo markii dambe ka baxay milatariga, waxaa lagu amray inuu bixiyo ganaax dhan 88 milyan oo lacata won-ka ah.Shilku wuxuu dhacay sababo la xiriira in duuliyahaas uu doonayay inuu sawiro qaato si uu ugu xuso duulimaadkiisii ugu dambeeyay ee uu la sameyay cutubkiisa milatariga.

   Qaadista sawirrada duulimaadyada muhiimka ah waxay ahayd "caado guud oo ka dhex jirtay duuliyayaasha xilligaas," waxaa sidaasi sheegay guddiga kormeerka ee warbixinta soo saaray Arbacada maanta ah.

   Duuliyaha ayaa shaaciyay ujeedkiisa kahor duulimaadka, sida laga soo xigtay warbixinta.Duuliyaasha ayaa u isticmaalayay sawir qaadista iyo duubista muuqaallada teleefoonnadooda gacanta.

2. Saacad ka horWar deg deg ah, Cabsi la muujinayo iyo waxa dhici kara haddii aan xaaladdu is baddelin

   Saacado kadib markii Donald Trump uu ku dhawaaqay kordhinta xabbad-joojinta, Iran waxay u muuqataa inay kordhisay xakamaynteeda marinka Hormuz, taas oo caqabad weyn ku ah horumarka heshiis nabadeed oola gaaro.

   Warbixinno ayaa muujinaya in doomaha dheereeya oo ay leeyihiin ciidamada Kacaanka Iiraan ay joojiyeen maraakiib isku dayayay inay maraan marinka.

   Inkasta oo aan la soo sheegin khasaarooyin waaweyn ama burbur, tallaabadan ka dhashay waxay cadaadis dheeraad ah saari kartaa xabbad-joojinta cusub, iyadoo sidoo kale muujinaysa in xaaladda is-mari-waaga ah ay si weyn u kordhisay halista dib u qarxidda dagaal cusub.

   Hadaladiisii ugu dambeeyay, Donald Trump wuxuu ku tilmaamay xiritaanka marinka Hormuz “qalad dhaqaale oo weyn” oo ay Iran sameyneyso, balse waxay u muuqataa in Iran ay isku dayeyso inay ka faa’iideysato xaaladdan si ay cadaadis siyaasadeed ugu saarto Mareykanka.

3. Saacad ka horWaa maxay dalabaadka Iiraan ee xabbad joojinta?

4. Saacad ka horWar deg deg ah, Iiraan oo ku goodisay qaadista tallaabooyin lagu ilaalinayo dalka

   Afhayeenka Wasaaradda Arrimaha Dibadda ee Iiraan, Esmail Baghaei, ayaa sheegay in dalku “si dhow ula socdo horumarrada” ka socda saaxadda siyaasadda, isagoo ka jawaabaya codsiyada Pakistan ee xabbad-joojinta, sida ay sheegtay wakaaladda wararka dowladda ee IRNA.

   Qoraal lagu daabacay barta Telegram, ee IRNA ayaa soo xigatay Baghaei oo leh Iiraan waxay qaadi doontaa “tallaabooyin lagama maarmaan ah oo ku habboon si loo ilaaliyo danaha qaranka iyo amniga Iiraan”.

   Xalay, madaxweynaha Maraykanka Donald Trump ayaa ku dhawaaqay inuu kordhin doono xabbad-joojinta, kadib codsi ka yimid Pakistan, isagoo tilmaamay in dowlad “aad u kala daadsan” oo ka jirta Iiraan.

   Marka laga hadlayo suurtagalnimada wadahadallo dheeraad ah oo lala yeesho Washington, Baghaei wuxuu yiri: “Diblomaasiyaddu waa aalad lagu sugo danaha qaranka iyo amniga, mar kasta oo aan ku qancno in ay jiraan shuruudo lagama maarmaan ah oo macquul ah oo lagu adeegsan karo aaladdan… waan qaadi doonnaa tallaabooyin.”

5. 3 Saacadood ka horWar deg deg ah, Markab saddexaad oo lagu weeraray Hormuz

   Markab xamuul oo saddexaad ah ayaa lagu weeraray marinka Hormuz xili uu isku dayayay inuu maro marin biyoodka Hormuz, sida ay sheegtay shirkadda amniga badda ee Vanguard u sheegtay qaybta xaqiijinta wararka ee BBC Verify.

   Markabkan, oo ku uu ka babanayay calanka Panama oo lagu magacaabo MSC Francesca, ayaa lagu bartilmaameedsaday qiyaastii lix mayl oo badda ah meel u dhow xeebta Iiraan xilli uu ku sii jeeday koonfurta marin biyoodka una socday Gacanka Cumaan.

   Markabka ayaa la sheegay in la siiyay diginin inta aan la weerarin.

   Ma jiro macluumaad dheeraad ah oo weli la soo weriyay.

6. 4 Saacadood ka horDabagalka taleefoonka oo lagu ogaaday sida ay calooshood u shaqaystayaal u taageereen kooxda RSF ee Suudaan, iyo raad soo galay Soomaaliya

7. 4 Saacadood ka horWar deg deg ah, Dalka leh markabki labaad ee ay Iiraan weerartay oo la shaaciyay

   Waxaa la ogaaday dalka iska leh markabka labaad ee ay saaka weerartay Iiraan

   BBC Verify oo ah qaybta xaqiijinta wararka ee BBC-da ayaa ogaatay in markabka labaad ee xamuulka ee la weeraray uu leeyahay shirkad ka howlgasha Imaaraadka Carabta, kaas oo uu ka babanayay calanka Panama.

   Xogta AIS ee Kpler waxay muujineysaa, in markabku uu bilaabay inuu ka gudbo marin biyoodka 01:10 UTC (2:10 BST) 22-kii Abriil, iyadoo magaalada Jeddah, Sacuudi Carabiya la ogaaday halka ay ahayd oo uu usocday.

   Warbixintalaga helay Xarunta Hawlgallada Ganacsiga Badda ee UK iyo Vanguard, ayaa tilmaamaya in markabka lagu weeraray siddeed mayl oo badda ah galbeedka Iran saacadda 06:38 UTC (07:38 BST). Markabka ayaa la joojiyay.

   Shaqaalihii markabka ayaa la sheegay inay badqabaan, mana jiraan wax khasaare ah oo soo gaaray markabka.

   Waa markabkii labaad ee saaka lagu weeraryo gacanka. Horey waxaa la soo sheegay in markab ay leedahay Giriigga ay rasaas ku fureen Ciidanka Ilaalada Kacaanka Iiraan.

8. 4 Saacadood ka horKim Jong-un oo lasoo ogaaday meesha uu ka keeno lacagta uu gantaallada ku sameysto

   Sida ay Qaramada Midoobay ku sheegtay warbixin lagu shaaciyay warbaahinta, Kuuriyada Waqooyi ayaa lacago malaayiin doollar ah ku xadda dhinaca internet-ka si ay ugu maalgeliso barnaamijyadeeda sameynta gantaallada ee uu kharashka badan ku baxo.

   Baareyaasha ku howlanaa arrintan ayaa sheegay in lacag dhan $50 milyan oo doolar oo nooca digital-ka ah la xaday intii u dhaxeysay 2020-kii ilaa 2021-kii, taasoo lagu qaatay qaabka xatooyada internet-ka.

   Waxa ay saraakiishu sheegeen in habkaas dhaca internet-ka ah ee lagu jabsado bangiyada uu il dhaqaale oo muhiim ah u yahay Kuuriyada Waqooyi, si ay ugu kharash gareyso hubkeeda nuclear-ka iyo gantaallada riddada dheer.

   Waxaa lasoo tabiyay in xogtaas maalintii Jimcada lagu wareejiyay Guddiga qaabilsan arrimaha Cunaqabateynta ee Qaramada Midoobay.

   Weerarrada dhaca internet-ka ayaa lala beegsaday ugu yaraan saddex meelood oo ku kala yaalla Mareykanka, Yurub iyo Aasiya.

   Warbixintu waxay sidoo kale soo xigatay daraasad la daabacay bishii lasoo dhaafay oo ay sameeyeen khubarada shirkadda amniga ee Chainalysis, taasoo muujisay in weerarrada dhinaca internet-ka ee ay sameysay Kuuriyada Waqooyi lagu qaatay lacag nooca digital-ka ah oo dhan $400 oo milyan oo doolar, sanadkii lasoo dhaafay.

   Qaramada Midoobayna waxa ay ku sheegtay mid ka mid ah warbixinnadeeda la daabacay 2019-kii in Kuuriyada Waqooyi ay dhaca internet-ka ku heshay lacag dhan labo bilyan oo doolar oo ay ku maalgelisay sameynta hubkeeda wax gumaada.

   Sii akhri

9. 5 Saacadood ka horMarkab labaad oo lagu weerary Hormuz

   Ururka badaha UK ee (UKMTO) (UKMTO) ayaa ku warameysa in markab labaad lagu rasaaseeyay marin biyoodka Hormuz.

   UKMTO oo ay hoggaaminayso Ciidanka Badda ee Boqortooyada Ingiriiska, ayaa sheegtay in markab xamuul ah oo dibadda u soo baxay uu sheegay in lagu rasaaseeyay meel siddeed mayl u jirta galbeedka Iiraan hatanna lagu joojiyay biyaha.

   Waxay sheegtay in aysan jirin wax khasaare ah oo soo gaaray shaqaalihii saarnaana markabka.

   Bayaanka ayaa intaa lagu daray: "UKMTO waxay la socotaa dhaqdhaqaaqyada heerka sare ah ee ka socda aagga Marinka Hormuz, waxayna ku dhiirrigelinaysaa maraakiibta inay soo sheegaan dhaqdhaqaaq kasta oo laga shakiyo."

   Weerarkan ayaa daba socda weerar kale oo ay daqiiqado ka hor Ciidamada Ilaalada Kacaanka Iiraan (IRGC) ku qaadeen markab xamuul ah oo marayay marin biyoodka Hormuz.

   Sidoo kale akhri

   Maxay tilmaamaysaa aamusnaanta aan caadiga ahayn ee Al Qaacida ka aamustay dagaalka Iiraan ay kula jirto Maraykanka iyo Israa'iil

   Afar arrimood oo ku saabsan hubaal la'aanta wadahadallada Maraykanka iyo Iiraan

   Muxuu siday Markabka Iiraan ee Maraykanku qabteen

   Iiraan-Hormuz: Go'doominta weligeed ma shaqeysay?

10. 5 Saacadood ka horMaxay ahayd hadiyaddii laga qaaday Soomaaliya ee 'Nabi Ciise loo geeyay markii uu dhashay'?

    Waxaa khatar weyn ku jira geedaha malmalka iyo luubaanka ama fooxa ee Somaliland ka dib markii ay bateen howlaha dahab qodista oo dad badan ay u go'een.

    “Hadiyaddii dahabka, luubaanka iyo malmalka ahayd ee ay nabi ciise (CS) markii uu dhashay u geeyeen saddex nin oo caaqiliin ah waxaa laga qaaday halkan,” ayuu yiri nin oday ah oo hoos fadhiyay geed.

    Waxa aan Aadan Xasan Saalax kula kulmay buurta Daallo oo ah qeyb ka mid ah buuraha Golis oo ku taalla Jamhuuriyadda Iskeed Madax-banaanida ugu dhawaaqday ee Somaliland.

    “Waddooyinkii loo isticmaali jiray gaadiidka geela ee ilaa bariga dhexe gaari jiray ee qarniyo ka hor ayaa waxaa laga arki karaa halkan,” ayuu yiri Aadan.

    Wiil yar oo ku labisan maaliyadda naadiga Manchester United ayaa ka soo baxay meel aan iga fogeyn. Magiciisa waxaa la dhahaa Maxamed Saciid Cawid Carraale.

    "Sida aan hubo inaad ogtahay, 'Puntland' waxay la macno tahay 'dhulka udgoonka ee wanaagsan'," ayuu yiri.

    “Kun iyo shan boqol oo sano ka hor dhalashadii Nebi Ciise, haweenaydii ugu awoodda badnayd Masar, Hatshepsut, waxay safar caan ah ku timid halkan, waxayna amartay in loo raro shan doonyood oo ay ka buuxaan saddexdii walxood ee qaaliga ahaa, ka dib na waxay dib ugu noqotay dalkeeda.

    Sii akhri

11. 5 Saacadood ka horIiraan oo Markab weerartay

    Iiraan oo Markab xamuul weerartay

    Ciidamada Ilaalada Kacaanka Iiraan (IRGC) ayaa rasaas ku furay markab konteenar ah oo marayay marin biyoodka Hormuz, sida laga soo xigtay Xarunta Hawlgallada Ganacsiga Badda ee UK (UKMTO).

    UKMTO, oo ay hoggaaminayaan Ciidanka Badda ee Boqortooyada Ingiriiska, ayaa sheegay in dhacdadu ay ka dhacday meel 15 mayl waqooyi-bari ka xigta Cumaan.

    Warbixintu waxay sheegtay in dooni ay leeyihiin IRGC ah ay u soo dhawaatay markabka iyadoo aanan la siin wax diginiin ah

    Intaas ka dib doontii ayaa rasaas looga furay markabka, taasoo waxyeello weyn u geysatay xarunta laga kantaroolo markabka.

    Wakaaladaha wararka ee Iiraan ayaa sheegay in markabku uu "iska indho tiray" digniinaha uga imanaya militariga Iiraan.

    Khasaaraha weli lama soo werin iyo cidda eh markabka.

    Halkan kala socda wararkii ugu dambeeyay ee waxa ka dhacay Bariga Dhexe.

    Sidoo kale akhri

    Maxay tilmaamaysaa aamusnaanta aan caadiga ahayn ee Al Qaacida ka aamustay dagaalka Iiraan ay kula jirto Maraykanka iyo Israa'iil

    Afar arrimood oo ku saabsan hubaal la'aanta wadahadallada Maraykanka iyo Iiraan

    Muxuu siday Markabka Iiraan ee Maraykanku qabteen

    Iiraan-Hormuz: Go'doominta weligeed ma shaqeysay?

12. 6 Saacadood ka horIiraan oo diniin u dirtay Mareykanka

    Wasaaradda Arrimaha Dibadda ee Jamhuuriyadda Islaamiga ah ee Iiraan ayaa si xooggan u cambaareyneysa falkii “sharci darrada ahaa iyo naxariis darrada ahaa”, waa sida ay hadalka u dhigtayee ee ay ciidamada Mareykanka ku qaadeen markabka ganacsi ee Iiraan "Toska," weerarkaas oo dhacay fiidnimadii Axadda, Abriil 19, 2026, kana dhacay meel u dhow dhulka biyaha Iiraan ee Badda Cumaan.

    Falkan, oo ay la socotay afduubka badmaaxiinta markabka, shaqaalaha markabka, iyo qoysaskooda, wuxuu ka dhigan yahay burcad badeednimo iyo fal argagixiso, ayaa lagu yiri bayaan ay soo saartay wasaaraddu.

    “Ma aha oo kaliya inuu jebinayo mabaadi'da aasaasiga ah iyo qawaaniinta Axdiga Qaramada Midoobay iyo sharciga caalamiga ah, laakiin sidoo kale waa tusaale kale oo muujinaya jebinta cad ee is-afgaradka xabad joojinta ee ku taariikhaysan Abriil 8, 2026, waxaana loo arkaa fal gardarro ah oo ka dhan ah Jamhuuriyadda Islaamiga ah ee Iiraan”, ayay tiri wasaaraddu.

    Iyadoo ka digaysa cawaaqib xumada aadka u daran ee ka dhalan karta tallaabadan sharci darrada ah iyo tan dambiyeed ee Mareykanka, Jamhuuriyadda Islaamiga ah ee Iiraan waxay xoogga saareysaa baahida loo qabo in si degdeg ah loo sii daayo markabka Iiraan, badmaaxiintiisa, shaqaalihiisa, iyo qoysaskooda, ayay tiri.

    “Shaki la'aan, Jamhuuriyadda Islaamiga ah ee Iiraan waxay adeegsan doontaa dhammaan awooddeeda si ay u difaacdo danaha qaranka Iiraan iyo amniga iyo sidoo kale inay ilaaliso xuquuqda iyo sharafta Iiraaniyiinta. Waxaa iska cad in Mareykanku uu mas'uul ka yahay dhibaatada sii kordheysa ee ka jirta gobolka”, ayay ku soo gabagabeysay.

    Sidoo kale akhri

    Afar arrimood oo ku saabsan hubaal la'aanta wadahadallada Maraykanka iyo Iiraan

    Muxuu siday Markabka Iiraan ee Maraykanku qabteen

    Iiraan-Hormuz: Go'doominta weligeed ma shaqeysay?

13. 6 Saacadood ka horMaxay tilmaamaysaa aamusnaanta aan caadiga ahayn ee Al Qaacida ka aamustay dagaalka Iiraan ay kula jirto Maraykanka iyo Israa'iil

14. 7 Saacadood ka horTrump oo hadda ku dhibban wax uu ku faanayay

    Madaxweynaha Mareykanka, Donald Trump, wuxuu ku faanay isbeddelka nidaamka Tehran laakiin hadda wuxuu la tacaalayaa waxa uu isagu ugu yeeray kala jabka nidaamka gudaha.

    Hadda oo la dilay inta badan hoggaamiyeyaasha ugu sarreeyay Iiraan, su'aasha ka taagan cidda mas'uulka ka ah Iiran waa mid dhab ah, taasoo ka dhigaysa shaqada diblomaasiyadda mid aad u adag.

    La-taliyaha afhayeenka baarlamaanka ahna madaxa wadaxaajoodka Iiraan, MaxamedBaaghir Ghalibaf, ayaa sheegay in Trump uu waqti u h raadinayo weerar kale oo lama filaan ah.

    Afhayeen u hadlay militariga ayaa ku celiyay digniin ah in Iiraan ay diyaar u tahay inay jawaab celin sameyso haddii taasi dhacdo.

    Halkaas iyo Islamabad, waxaa weli ka socda qabanqaabada wareeg kale oo wadahadallo ah, iyadoo qaybo ka mid ah magaalada ay weli waddooyinkeedu xiran yihiin.

    Laakiin rajadii laga qabay kulan toddobaadkan ayaa u muuqata inay wiiqantay.

    Sidoo kale akhri

    Afar arrimood oo ku saabsan hubaal la'aanta wadahadallada Maraykanka iyo Iiraan

    Muxuu siday Markabka Iiraan ee Maraykanku qabteen

    Iiraan-Hormuz: Go'doominta weligeed ma shaqeysay?

15. 7 Saacadood ka horWaxa sababaya in kansarka ku dhaca xiniyaha ragga uu ku soo bato adduunka

    Sida lagu sheegay warbixin dhowaan uu daabacay wargeyska caafimaadka ee Lancet, waxaa guud ahaan adduunka kusoo badanaya kansarka ku dhaca xiniinyaha ragga.

    Lancet ayaa maqaalkan ku sheegay in kiisas cusub oo kansarka borostaatada ah uu ku badan yahay dalalka soo koraya sida kuwa Afrika ku yaalla.

    Tirada dhimashada ee sanad walba u geeriyoota cudurkan ayaa gaari doonta ilaa 700,000 sanadka 2040, taasoo ah sare u kac boqolkiiba 85 ah marka la eego sanadkii 2020, ayaa lagu yiri warbixinta.

    Meelaha Afrika ee ay ku nool yihiin ragga ugu badan ee xanuunkan qaba ayaa ah dalalka Zimbabwe, Barbados iyo Ivory Coast.

    Waxay kaloo warbixintu sheegtay inuu yahay kansarka ugu badan ee ragga ku dhaca kuwaasoo ku nool 112 dal.

    Sanadkii 2020, ilaa 375,000 oo rag ah guud ahaan dunida ayaa u dhintay kansarkan. Waa nooca shanaad ee kansarka dhimashada u sababa ragga.

    Sababta kansarkan ayaa lagu sheegay isbeddelka nolosha iyo iyadoo meelaha qaar sida Afrika aysan ka jirin baaritaanka xanuunka oo casri ah.

    Maxaa sababa cancer-ka xiniinyaha?

    Ilaa hadda si dhab ah looma oga waxa sababa kansarka ku dhaca xubinta taranka ee ragga, khubarada seyniska caafimaadkuna waxay ku howlan yihiin in ay sharraxaad helaan.

    Sii akhri

16. 8 Saacadood ka horNolosha iyo aqoonta Jaalle Siyaad Barre hogaamiyaha muddada dheer xukumayay Soomaaliya

    Jaalle Maxamed Siyaad Barre, hoggaamiyihii kacaanka askarta ee xukunka afgembiga kula wareegay 1969-kii waxaa lagu qiyaasaa in uu dhashay 1910-kii. Siyaabo kala duwan ayaa loo tebiyay halka uu ku dhashay. Mid ka mid ah werintu waa in uu ku dhashay degmada Garbahaarrey ee gobolka Gedo.

    Si la mid ah madaxda ka horreysay qaar, waxaa la rumeysan yahay in hoggaamiyaha muddada dheer xukumayay Soomaaliya uusan gelin waxbarasho aasaasi ah oo dhammaystiran. Laakiin, waxa uu ahaa sarkaal ciidan oo leh waayo-aragnimo, tababar iyo aqoon sare oo dhanka ciidanka ah. Waxaa uu tababar sarkaalnimo oo labo sano ah ku qaatay koleej ciidan oo ku yaalla Talyaaniga.

    Jaalle Siyaad oo si wanaagsan ugu hadli jiray Talyaaniga iyo Ingiriiska waxaa lagu xusuustaa oo cilmi-baareyaashuna ay soo xigtaan khudbaddii uu jeediyay labadii sano ee ugu horreysay xukunkiisa.

    Wasaaradda Warfaafinta ee dowladdii Kacaanka ayaa khudbadaha Jaalle Siyaad u rogay labo buug oo la kala daabacay 1970-kii iyo 1971-kii. Waxaa loo bixiyay labadaas buug ‘Dadkeyga iyo Dalkeyga’ iyada oo Ingiriis iyo Soomaali lagu qoray. Oraahyada aadka loo xigto ee Maxamed Siyaad Barre waxaa ka mid ah: ‘Haddii dadka Soomaaliyeed ay naar galaan, waxaa naarta geysay qabyaalad’.

    Sarreeya Gaas Maxamed Siyaad Barre oo ahaa madi, agoon iyo rajay ah oo ay labadiisa waalidba geeriyoodeen isaga oo yar waxa uu ku geeriyooday waddanka Nigeria 1995-kii, kaddib 21 sano oo uu xukumayay Soomaaliya.

    Wax ka ogow nolosha iyo aqoonta Xasan Sheekh iyo madaxweyneyaashii kale ee soo maray Soomaaliya

17. 8 Saacadood ka horDhamaan xogta iyo macluumaadka aad u baahan tahay in aad ka ogaato koobka kubadda cagta adduunka ee 2026

18. 8 Saacadood ka horTrump oo bedelay mowqifkiisa dagaalka Iiraan

    Madaxweynaha Mareykanka, Donald Trump, ayaa shaaciyay in la kordhin doono mudada xabad joojinta dagaalka Iiraan ilaa wadahadalladu ka soo dhamaanayaan, balse wuxuu dhanka kale sheegay inay sii socon donto xanibaadda Mareykanka ee dekedaha Iiraan.

    Kahor inta uusan Donald Trump ku dhawaaqin inuu kordhin doono xabad joojinta, wasaaradda arrimaha dibadda ee Iiraan ayaa BBC u sheegtay in Tehran aysan weli go'aansan inay ka qaybgasho wareeg cusub oo wadahadallo nabadeed ah oo ay la yeelan doonto Mareykanka dabayaaqada toddobaadkan.

    Aqalka Cad ee mareykanka ayaa xalay xaqiijiyay in la baajiyay safarkii Madaxweyne ku xigeenka JD Vance uu ku tagi lahaa Pakistan, si uu uga qayb galo wadahadallo nabadeed oo wareeg labaad ah.

    Xofhayaha guud ee Qaramada Midoobay, Antonio Guteres ayaa soo dhoweeyay ku dhawaaqista Trump ee kordhinta xabbad-joojinta lala galay Iran ilaa wada-hadalladu ka soo gebogaboobayaan.

    Afhayeen u hadlay Antonio Guterres ayaa ku tilmaamay tallaabo muhiim ah oo abuuraysa fursad muhiim u ah diblomaasiyadda.

    Qoraal uu ku daabacay baraha bulshada, Mr Trump ayaa uga digay in xayiraadda Maraykanka ee dekedaha Iran ay sii socon doonto ilaa Tehran ay soo bandhigto waxa uu ugu yeeray “soo jeedin mideysan.”

    Ra’iisul wasaaraha Pakistan, Shehbaz Sharif—oo martigelinayay wada-hadallada nabadda—ayaa sheegay, inuu rajeynayo in labada dhinac ay sii ixtiraamaan xabbad-joojinta hadda jirta.

    Wareeg labaad oo wada-xaajood ah oo ka dhaca Islamabad weli lama dejin jadwalkiisa, halka madaxweyne ku xigeenka Maraykanka, JD Vance, uu baajiyay qorshihii uu halkaas u tagi lahaa.

    Sidoo kale akhri

    Afar arrimood oo ku saabsan hubaal la'aanta wadahadallada Maraykanka iyo Iiraan

    Muxuu siday Markabka Iiraan ee Maraykanku qabteen

    Iiraan-Hormuz: Go'doominta weligeed ma shaqeysay?

19. 22 Abriil 2026Maxay Afrika ugu baahan tahay Khariidad cusub?

20. 22 Abriil 2026Iiraan oo soo bandhigtay dhowr gantaal

    Gantaalka ballistic-ga ee Iiraan ee Ghadr ayaa si buuxda loo soo bandhigay caawa xilli habeen ah isu soo bax lagu taageerayo xukuumadda oo ka dhacay fagaaraha weyn ee Tehraan, halkaas oo dadkii isugu soo baxay ay ku dhawaaqayeen "Ameerika ha dhacdo" waxayna ammaaneen Taliyaha Hawada Sare ciidamada islaamiga ah ee Iiraan Majid Mousavi, iyaga oo ugu baaqay inuu " weeraro Tel Aviv".

    Meel kale oo ka mid ah caasimadda, gantaalka ballistic-ga ee Khorramshahr-4 ayaa lagu soo bandhigay fagaaraha kale ee weyn ee Tehran.

    Sawir ku lifaaqan gantaalka ayaa lagu sheegay in bartilmaameedku uu yahay shirkadda RasGas ee Qatar, oo ah shirkad gaaska dareeraha ah sameysa.

    Bandhigyadani kuma koobna Tehraan caawa. Magaalada koonfureed ee Shiraz, magaalada Tabriz ee waqooyi-galbeed iyo bartamaha magaalada Zanjan, ayaa sidoo kale lagu soo bandhigay gantaallo.

    Isu soo baxyadan lagu taageerayo xukuumadda ayaa maalin kasta lagu qabanayay fagaarayaasha waaweyn ee dalka Iran tan iyo markii uu dagaalka billowday 28-kii Febraayo, iyadoo mas'uuliyiinta Iran iyo TV-ga dowladda ay dadka ugu baaqeen inay ka qaybgalaan.

    Inta badan waxaa la qabtaa xilliyada habeenkii, isu soo baxyadan kaliya kuma eka in ay soo bandhigaan sawirka taageerada shacabka ee dowladda iyadoo dadku ay ruxayaan calanka Jamhuuriyadda Islaamiga ah, balse sidoo kale waxa ay sii adkeynayaan in mucaaradka ay isugu soo baxaan fagaarayaasha waaweyn.

    Si aad wax badan u akhrido:

    Iiraan-Hormuz: Go'doominta weligeed ma shaqeysay?

    Afar arrimood oo ku saabsan hubaal la'aanta wadahadallada Maraykanka iyo Iiraan

    Muxuu siday Markabka Iiraan ee Maraykanku qabteen