امریکا له میاشتې وروسته لومړی ځل پر ایران هوایي بریدونه وکړل
متحده ایالاتو د یکشنبې په ورځ اعلان وکړ چې د هرمز په تنګي کې په يوه وړه جزیره کې یې د ایران د توغندیو توغولو پر اډو هوایي بریدونه کړي دي؛ دا له جولای میاشتې وروسته پر ایران د امریکا لومړی برید دی.
د ایران د خبري او تلویزیوني رسمي سازمان د راپور له مخې، د ایران سپاه پاسداران خبر ورکړی چې د یکشنبې په ورځ پر "لارک" جزیره د امریکا په برید کې یو شمېر ایراني جنګیالي او ملکیان وژل شوي او ټپیان شوي دي، او ژمنه یې کړې چې ځواب بې ورکړي او مسؤلین به سزا کړي.
د امریکا د سمندري ځواکونو کپتان تیم هوکینز فرانس پریس خبري اژانس ته وویل: "نن سهار وختي، امریکايي ځواکونو په لارک جزیره کې د توغندیو توغولو دوه ایراني اډې وویشتې. د سپاه پاسداران غړي لیدل شوي وو چې د هرمز په تنګي کې د سمندري ماینونو لرونکو توغندیو توغولو ته چمتو کېدل."
د سپاه پاسداران ویاند، بریدمن حسین محبي وویل چې د امریکا د ولسمشر ډونلډ ټرمپ د حکومت دا اقدام یوه "اسټرټېژیکه او وژونکې تېروتنه" ده او خبرداری یې ورکړ چې اوبه به یې د امریکا په لور له اقتصادي او نظامي پلوه بهېږي.
محبي زیاته کړه چې دا "تېروتنه" به د هغه چا پر ضد د ځواک انډول بدل کړي چې دا پرېکړه یې کړې، او اشارې یې وکړه چې واشنګټن به د دې "غلط محاسبې" له امله په اقتصادي او نظامي کچه لوړه بیه پرې کړي.
د امریکا مرکزي قومانداني "سېنټکام" ویلي چې ځواکونه یې په عربي سمندرګي کې پر ایران د لګول شوي بندیز پلي کولو ته دوام ورکوي او یادونه یې کړې چې د عملیاتو له پیل راهیسې یې د ۸۳ سوداګریزو بېړیو مسیر بدل کړی دی.
دغې قوماندانۍ پر اېکس (ټویټر) په یوه خپاره شوي بیان کې زیاته کړې چې د دوی ځواکونو ۳ بېړۍ فلج کړې او د ۲ نورو بېړیو سر ته پورته شوي، ترڅو د حصار مراعت کول ډاډمن کړي.
سېنټکام له دې بیان سره یوه ویډیو هم ضمیمه کړې چې پهکې د (MH-60S Seahawk) بڼې امریکایۍ هلیکوپتر ښکاري چې په عربي سمندرګي کې د "یو اېس اېس ډېلبرټ ډي. بليک" ویجاړوونکې جنګي بېړۍ (Destroyer) باندې کښېني.
