Fiosrachadh ga shireadh an dèidh goid airgid aig Oifis a' Phuist an Tiriodh

Oifis a' Phuist ann an Tiriodh. Togalach geal le mullach dearg air làrach air a cuairteach le feur ghorm. Tha rathad teàrr air beulabh an togalaich. Google

Tha na poilis a' sireadh fear le masg air a ghoid còrr is £1,000 bho Oifis a' Phuist ann an Tiriodh.

Thuirt oifigich gun deach an duine a-steach dhan togalach ann an Sgairinis dà thuras na bu thràithe air a' mhìos seo agus dh'fhalbh e le airgead aig aon àm.

Tha iad ag ràdh gu bheil e geal, caol agus gun robh miotagan tiugh, stoc agus còmhdach-aghaidh air.

Dh'iarr Poileas Alba air duine sam bith le fiosrachadh mun chùis fios a chur orra.