Plana 'son bun-sgoil Ghàidhlig fa leth an Lannraig a Tuath

- Air fhoillseachadh
Nì Comhairle Shiorrachd Lannraig a Tuath conaltradh poblach mu bhith a' stèidheachadh bun-sgoil Ghàidhlig fa leth san sgìre.
Bhiodh sin air an aon champas le Bun-sgoil Chondobhrait ann an Comar nan Allt, an àite sruth na Gàidhlig sa bhun-sgoil a th' ann an-dràsta - leis an sgoil sin a' dol na sgoil tro mheadhan na Beurla.
Dh'fheumte na sgoilearan a th' ann a ghluasad gu sgoil eile san eadar-ama fhad 's a bhiodh an obair a' dol air adhart.
Bidh an conaltradh poblach a' ruith chun an Fhaoillich, le coinneamh phoblach na pàirt dheth.
Chuir gach ball de chomataidh foghlaim an ùghdarrais ionadail an taic ris a' mholadh beachdan a' phobaill a shireadh.
Chunnaic iad aithisg a thuirt gum biodh an leasachadh na bhuannachd do sgoilearan Bhun-sgoil Chondobhrait a gheibheadh sgoil agus cothroman oideachaidh nas fheàrr.
20 bliadhna de FTMG aig Bun-Sgoil Chondobhrait
- Air fhoillseachadh6 An Dàmhair 2017
Tha £30m am prògram calpa na comhairle airson togalaichean sgoile ùrachadh, agus tha pròiseact airson dà sgoil a stèidheachadh air làrach Bun-sgoil Chondobhrait le campas eatorra mar phàirt den phlana.
Tha faisg air 30 bliadhna on thòisich Foghlam tro Mheadhan na Gàidhlig (FtMG) san sgìre.
Bha leudachadh a thoirt air FtMG na àrd-amas aig Comhairle Shiorrachd Lannraig a Tuath sa Phlana Ghàidhlig aca airson 2022-2027.
Fhuair suirbhidh a rinneadh san Ògmhios gun robh 85% de phàrantan le clann am FtMG airson agus gum biodh an t-amas sin mar phàirt den ath-phlana.
Bidh an conaltradh poblach a' dol chun an Fhaoillich 2027, agus tha dùil ri coinneamh phoblach uaireigin san dàrna seachdain den mhìos.
Bidh fiosrachadh mun sin air an làraich-lìn seo, taobh a-muigh a bhios a' dol beò air an 23mh den t-Samhain.