Thòisich sgrùdadh an dèidh bàs dàibheir air an Tairbeart

Muir ciùin, cidhe le eathar beag faisg, agus putaichean orainds san uisge. Chìthear rubha fada às.
Fo-thiotal an deilbh,

Chaidh na seirbheisean èiginn a ghairm gu cidhe Loch an Iar feasgar Diardaoin

  • Air fhoillseachadh

Dhearbh Poileas Alba gun do bhàsaich fireannach a bha a' dàibheadh far an Tairbeirt sna Hearadh Diardaoin.

Thuirt iad gun deach fios a chur thuca gun robh dàibhear ann an duilgheadas aig cidhe Loch an Iar mu 2:15f.

Thuirt neach-labhairt: "Chaidh na seirbheisean èiginn a gharim ann agus chaidh am fireannach a thoirt a dh'Ospadal nan Eilean airson cùraim, far an do bhàsaich e goirid an dèidh sin."

Thuirt na poilis nach eil fhios aca fhathast dè bu choireach ri a bhàs, agus gu bheil an sgrùdadh aca a' leantainn.