Siostam gus Gàidhlig a thionndadh gu teacsa fosgailte don phoball

Dealbh dhen fhacal Èist, a' mìneachadh gu bheil seo a' ciallachadh ecosystem for interactive speech technologiesÈIST

Tha siostam ùr gus Gàidhlig labhraichte a thionndadh gu teacsa air ceum mòr air adhart a ghabhail is e a-nis fosgailte don phoball.

Chaidh Èist a dhealbh le Oilthighean Dhùn Eìdeann, Ghlaschu agus UHI an co-bhann le BBC ALBA agus MG ALBA.

Leis an app ùr, faodaidh duine sam bith clàr-fuaime no bhideo a chur a-steach agus gheibh iad tar-sgrìobhadh air ais.

Tha an sgioba air a chùlaibh air a bhith ag obair 'son còig bliadhna gus siostam aithneachadh labhairt a thogail.

Cha ghabh am post YouTube seo a shealltainn air a’ bhrabhsair agaibh. Ceadaichibh Javascript no feuchaibh brabhsair eile.Faicibh stuth tùsail air YouTube
Chan eil am BBC an urra ri na tha air Làraichean-lìn air an taobh a-muigh. Dh’fhaodadh sanasan a bhith an lùib stuth YouTube.
Leum thairis air bhideo youtube le Will Lamb

Cead do stuth YouTube?

Tha stuth Google YouTube an cois an artaigil seo. Tha sinn a’ sireadh cead bhuat mus tèid sìon luchdachadh, oir dh’fhaodadh iad ‘briosgaidean’ agus teicneòlas eile a chur an sàs. ‘S dòcha gum biodh tu airson poileasaidh nam briosgaidean aca a leughadh a leughadh agus am poileasaidh prìobhaideachd aca mus tèid thu air adhart. Airson sùil a thoirt air an stuth seo, tagh ‘Gabh ris agus lean ort’.

Chan eil am BBC an urra ri na tha air Làraichean-lìn air an taobh a-muigh. Dh’fhaodadh sanasan a bhith an lùib stuth YouTube.

Tha an t-Oll Will Lamb, a tha os cionn a' phròiseict, ag ràdh gur e ceum fìor chudromach a th' ann gu bheil an teicneolas a-nis ri fhaighinn gu poblach.

"Seo a' chiad uair a tha teicneolas dhan t-seòrsa air a bhith ri fhaighinn ann an app earbsach a tha furasta ri chleachdadh," thuirt e.

Tha e ag obair le bhith a' gliogadh air putan gus faidhle-fuaime no bhideo a chur ris agus bheir e eadar beagan diogan agus mu mhionaid airson sin a chur gu teacsa.

Bidh sin a' nochdadh air an sgrion cho math ri còdaichean-ama agus e comasach iad sin a luchdadh a-nuas.

Tha sgioba Èist a' dèanamh a-mach gu bheil an teicneolas a' faighinn eadar mu 80 agus 90 faca a-mach à gach 100 ceart sna tar-sgrìobhaidhean a tha a' tighinn a-mach.

Thuirt an t-Ollamh Lamb gu bheil e ag obair nas fheàrr airson cuid de dhualchainntean na feadhainn eile an-dràsta.

Tha e ag ràdh gu bheil sgrùdadh ri dhèanamh cuideachd mu cho math 's a tha e 'son diofar sheòrsaichean ghuthan, an leithid chloinne an coimeas ri inbhich no luchd-ionnsachaidh an taca ri fileantaich.