BBC News, پښتو - کور پاڼه

"د شاپور ځدراڼ حالت ښه نه دی، خو ډاکټران هيله من دي"

د افغانستان د کرېکټ د پخواني تېزتوپ اچوونکي شاپور ځدراڼ روغتیايي وضعیت که څه هم ډېر خراب ښودل شوی خو کورنۍ او ډاکتران یې وايي "هيله‌من دي چې روغتیا به یې ښه شي". شاپور له تېرو نږدې درېیو میاشتو راهیسې د هندوستان د پلازمېنې ډيلي په یو روغتون کې تر درملنې لاندې دی. د ده کشر ورور غمی ځدراڼ چې په ډیلي کې دی، بي‌بي‌سي ته وویل چې "ډاکټرانو د ښه کېدو ډاډ ورکړی دی".

د ایران او امریکا پر خبرو د شک ورېځې، خو اسلام اباد کې تیارۍ بشپړې شوې

د ایران او امریکا ترمنځ د خبرو دویم پړاو په اړه د ایراني چارواکو تازه څرګندونو له امله شک وریځې خورې دی، خو ددې خبرو تجویز شوي ځای د پاکستان پلازمېنې اسلام اباد کې په چمتووالي کې کمی نه لیدل کېږي.

د طالبانو حکومت د خپلو فعالیتونو په اړه د "باوري او کره" معلوماتو خپرولو لپاره نوې ویب پاڼه پرانېسته

په افغانستان کې د طالبانو حکومت د حکومتي فعالیتونو په اړه د معلوماتو خپرولو لپاره یوه نوې وېبپاڼه جوړه کړې ده. د طالبانو حکومت وايي، د دې هدف رسنیو او خلکو ته "باوري او کره" معلومات ورکول دي. د دې وېبپاڼې کاروونکي کولای شي د دولتي ادارو د فعالیتونو، د پرمختیايي او بنسټيزو پروژو د پلي کېدو د څرنګوالي، او د حکومت د پروګرامونو او کړنلارې د تطبیق د کچې په اړه معلومات ترلاسه او خپاره کړي.

پولیسو څنګه تر پنځو ساعتونو په اوبو کې پټ غل ونیو؟

پر غلا یو تورن چې تر پنځو ساعتونو د یوه جھیل په اوبو کې پټ و، اخر هم پولیسو ونیو. ده د نیلوفر ګل د تنې په وسیله ساه اخیستلو سره له پولیسو ځان تر اوبو لاندې پټ کړی و. پولیسو له ۴۰۰ د زیاتو غلاوو په تور د ده لټون کاوه. دغه تورن د اورګاډي په یو تمځای کې له یوې مېرمنې د لاسي بکس د تښتولو هڅه کوله چې پولیس پرې راغلل.

د طالبانو حکومت د عامې روغتیا وزیر: 'د ټیټ ظرفیت له امله کلنۍ بودیجه نه مصرفیږي'

د روغتیا ولایتي رئیسانو څلورورځنۍ غونډې ته یې وینا ک کې دروغتیا وزیر له هغوی وغوښتل چې مهال وېش سره سم د بودجې لګولو لپاره خپل تدارکاتي پلانونه پر وخت چمتو کړی. افغانستان کې په ځانګړې توګه دلرې پرتو سیمو اوسیدونکي روغتیايي خدمتونو ته محدود لاس رسی لري او د نړیوالو مرستو کمېدو سره دا ستونزه لا پراخه شوې دي. چارواکي وايي د دې غونډې هدف ی " د همغږۍ او وړتیا لوړولو" دي.

درس