Ibikombe 16 mu myaka itanu - impamvu Espagne ari igihugu gikomeye mu mupira w'amaguru

Espagne yongeye gutsinda.

Nyuma yo kwegukana igikombe cy'u Burayi mu myaka ibiri ishize i Berlin, 'La Roja' ubu ni yo yatwaye igikombe cy'isi itsinze Argentine igitego 1-0 ku mukino wa nyuma w'igikombe cy'isi cyabereye i New Jersey ku cyumweru.

Ibi byaherukaga muri 2010, imyaka ibiri nyuma yo gutwara igikombe cy'u Burayi muri 2008.

Espagne ikomeje kwiganza mu mupira w'amaguru w'abagabo ndetse n'abagore.

Ni cyo gihugu cya mbere cyatwaye ibikombe by'isi by'abagabo n'abagore icyarimwe - aho ikipe ya 'La Roja' yatsinze Ubwongereza ku mukino wa nyuma w'igikombe cy'isi cy'abagore wabereye i Sydney muri 2023.

Si ibyo gusa, ikipe y'abagabo yegukanye igikombe cy'ibihugu muri 2023 n'umudari wa zahabu mu mikino Olempike ya 2024, mu gihe ikipe y'abagore yegukanye shampiyona y'ibihugu mu 2024 na 2025.

Mu by'ukuri, mu myaka itanu ishize, Esipanye yatwaye ibikombe 16 ku rwego rw'isi ndetse n'imigabane, kuva ku rwego rw'abatarengeje imyaka 17 kugeza ku rwego rw'abakuze.

"Ni itegeko," impuguke mu mupira w'amaguru muri Espagne Guillem Balague yabwiye BBC Sport.

"Ni nk'uruvange rwiza rw'ibintu byiza bibaho icyarimwe. Mu muco, dukora ibintu mu buryo runaka. Buri wese arabyizera. Icy'ingenzi ni uko tudahagarara."

"Ni nko kongera kuzamuka umusozi wa Everest, kuko ikipe y'abagabo yatwaye igikombe cy'isi mu 2010, imyaka ibiri nyuma yo gutsinda igikombe cy'u Burayi. Ubu twongeye kubikora."

Ibanga rya Espagne ryo gutsinda

Umupira w'amaguru w'abagore (ibikombe 11 hagati ya 2022 na 2026)

Umupira w'amaguru w'abagabo (ibikombe 5 hagati ya 2022-2026)

'Abenshi babonaga ko guha De La Fuente akazi ko gutoza ari ukwishyira mu kaga'

Ubwo Esipanye yashyiragaho Luis de la Fuente nk'umutoza mukuru mu Kuboza(12) 2022, abantu bacye ni bo bizeraga ko azatwara igikombe cy'ibihugu muri 2023, igikombe cy'u Burayi muri 2024 n'igikombe cy'isi cya 2026.

Icyo gihe, Espagne yari imaze gusezererwa na Maroc muri 1/8 cy'igikombe cy'isi cyabereye muri Qatar, bityo ishyirahamwe ry'umupira w'amaguru muri Espagne risabwa gushaka umusimbura wa Luis Enrique wari umaze kuva ku mwanya w'umutoza.

Balague yongeyeho ati: "Bahisemo uyu mugabo [De La Fuente] wari uzi neza imiterere n'imikorere y'ikipe."

"Byari icyemezo gikomeye gakomeye - sintekereza ko hari uwatekereje ko cyari igitekerezo cyiza ."

Nyuma yo gusezera mu mupira w'amaguru mu 1994, De La Fuente yamaze imyaka 15 mu mirimo itandukanye mu makipe atandukanye, harimo gutoza mu makipe yo hasi muri Esipanye, gukorana n'amakipe y'ingimbi ndetse no kuba umutoza wungirije, mbere yo gufata inshingano zo kuyobora amakipe y'ingimbi yo muri Esipanye.

"De la Fuente yari azi benshi muri aba bakinnyi kua bakiri mu marerero kandi bakomeje gukura bakorera hamwe nk'ikipe," uwahoze ari umukinnyi wo hagati muri Espagne Juan Mata abwira BBC Sport.

"Iyi si ikipe y'ubu gusa, ahubwo ni n'ikipe y'ejo hazaza."

Kuva yagirwa umutoza w'ikipe y'igihugu y'abakuru nyuma yo gutoza amakipe y'abatarengeje imyaka 19, abatarengeje imyaka 21 kuggar no ku rwego rw'imikino ya Olympic , De La Fuente yubatse umuco wo kubaha abo bahanganye, kwizera inzira ikipe yihaye no gushishikariza abakinnyi kwihangana ndetse no gutuza.

"Benshi muri mwe muri bato kuri njye rero mugomba kubaha ubunararibonye," uyu mutoza w'imyaka 65 niko yabwiye abanyamakuru mu kiganiro n'abanyamakuru mbere y'umukino i New York kuwa gatanu. "Nyuma y'umukino, hari abakinnyi bambajije bati 'Umutoza, ni iki kindi gihari cyo gutsindira ubu ko twatsinze byose mu nzego zose?'

"Twanzuye ko igisigaye ari umukino utaha muri Nzeri (9), kuko iyi kipe idahwema guharanira intsinzi."

Intsinzi y'igihugu ya Esipanye n'abatoza yageze no ku mupira w'amaguru ku rwego rw'amakipe.

Nubwo Pep Guardiola yafashe icyemezo cyo kuva muri Manchester City nyuma y'imyaka 10 aho nawe yatsinze ibikombe byinshi, nibura kimwe cya kane cy'abatoza bazatangira shampiyona ya 2026-27 ya Premier League ni abanya-Espagne.

Espagne ubu ntabwo iratsindwa mu mikino 38 iheruka mu marushanwa yose.

'Turatsindira byose'

Hagati aho, umupira w'amaguru w'abagore muri Espagne nawo wateye imbere cyane mu myaka icumi ishize kandi utangiye kugera ku rwego rukomeye mu mikino ikomeye kandi irimo guhatana cyane.

Intsinzi y'ikipe ku Bwongereza mu myaka itatu ishize ku mukino wa nyuma w'igikombe cy'isi cy'abagore, bari baryitabiriye ku nshuro ya gatatu gusa muri iri rushanwa, kuko binjiye ku nshuro ya mbere muri 2015.

Nyuma, ikipe y'abagore ya Espagne yegukanye intsinzi y'ibikombe bya imikino y'ibihugu mu 2024 na 2025.

"Impinduka mu mupira w'amaguru w'abagore muri Espagne zabaye nini cyane," nk'uko byatangajwe n'uwahoze ari umukinnyi Maria Garrido, ubu akaba ari umunyamakuru, kuri BBC Sport mu 2024.

"Mu myaka icumi ishize, ubwo nakiniraga FC Barcelona, ​​​​nta La Masia [Irerero rizwi cyane ry'umupira w'amaguru rya Barcelona] ryababakobwa ryari rihari. Twiyishyuriraga amafaranga y'urugendo yacu, ababyeyi bacu bakatujyana mu myitozo."

"Ariko mu myaka itanu ishize, ibintu byarahindutse cyane. Hakozwe ibishoboka byose mu guteza imbere umupira w'amaguru w'abagore, harimo gushinga amatsinda menshi y'abakiri bato, kunoza ibikorwa remezo n'ibidukikije, ndetse no gushyiraho ishuri ryihariye ry'umupira w'amaguru ry'abakobwa."

"Izi mpinduka ntizahinduye gusa umukino, ahubwo zanatumye umupira w'abagore urushaho kubahwa muri Espagne."

Iyi ntsinzi ku makipe y'abagabo n'abagore yaje nyuma yo kwegukana ibikombe byinshi ku rwego rw'ingimbi mu myaka icumi ishize.

'Insinzi ikurura izindi.'

Ejo hazaza hameze neza, benshi bizera ko ubutegetsi bwa Espagne buzakomeza guteza imbere umupira w'amaguru.

Kuba ifite Lamine Yamal na Pau Cubarsi, iyi kipe ifite abana babiri bakiri bato bafite impano nziza, begukanye umudari wabo wa mbere w'abitwaye neza mu mikino y'igikombe cy'isi mu bakiri bato.

Vicky Lopez, ukinira ikipe y'igihugu ya Espagne y'abagore, amaze kwegukana UEFA Women's Champions League inshuro eshatu ari kumwe na Barcelona, kandi yabigezeho ku myaka 19.

Rutahizamu Salma Paralluelo na we amaze guhagararira igihugu cye inshuro zirenga 50 mbere y'uko yuzuza imyaka 23.

Yamal yari umukinnyi wa gatatu muto ukinnye umukino wa nyuma w'igikombe cy'isi, nyuma ya Pele wo muri Brezili mu 1958 (imyaka 17, iminsi 249) na Giuseppe Bergomi wo mu Butaliyani mu 1982 (imyaka 18 n'iminsi 201).

Kubera ko Cubarsi nawe yatangiye ku mukino wa nyuma w'igikombe cy'isi cya 2026 ifite imyaka 19 n'iminsi 178, Espagne yabaye ikipe ya mbere ifite abannyi bakinnye imikino ibiri y'abatarengeje imyaka 20 mu mukino umwe wa nyuma w'igikombe cy'isi.

"Espagne ifite ubushobozi bwo gukina butigeze bugaragazwa n'umuntu n'umwe ku isi," nk'uko byatangajwe n'uwahoze ari umunyezamu w'Ubwongereza, Joe Hart, ubwo yatsindaga Argentina.

"Nta muntu n'umwe washoboye kubahagarika cyangwa ngo abahe ihurizo rikomeye muri iki gikombe cy'isi; bahuye n'amashoti 10 gusa yerekezaga ku izamu ryabo mu gihe cy'irushanwa ryose."

Hagati aho, Thierry Henry, wegukanye igikombe cy'isi mu 1998 akinira Ubufaransa, yabwiye Fox Sports ko Esipanye ifite ubushobozi bwo kuyobora mu myaka iri imbere.

Yagize ati: "Ndashaka gushima gahunda yabo n'ibintu bashyizeho."

"Kuko mbere Esipanye ntiyatsindaga gutya. None ubu barimo gutsinda mu byiciro byose."