లైవ్ , హైదరాబాద్‌లో అమిత్ షా పాదయాత్ర నేడు

లైవ్ కవరేజీ

1. 17 నిమిషాలు క్రితంహైదరాబాద్‌లో అమిత్ షా పాదయాత్ర నేడు, అమరేంద్ర యార్లగడ్డ, బీబీసీ ప్రతినిధి

   

   ఫొటో సోర్స్, Getty Images

   కేంద్ర హోం మంత్రి అమిత్ షా నేడు (నవంబరు 2, మంగళవారం) హైదరాబాద్ రానున్నారు. ఈ సందర్భంగా ఆయన ‘మహా పాదయాత్ర’ కార్యక్రమంలో పాల్గొంటారని కేంద్ర మంత్రి జి.కిషన్ రెడ్డి మీడియాకుచెప్పారు.

   ‘సర్’ ప్రక్రియపై కాంగ్రెస్ సహా పలు విపక్షాలు ఆందోళనలు చేస్తున్న వేళ బీజేపీ ఆధ్వర్యంలో దేశంలోని వివిధ ప్రాంతాల్లో ‘ప్రజాస్వామ్యాన్ని కాపాడండి.. అరాచకాన్ని పారదోలండి’’ నినాదంతో పాదయాత్ర చేస్తున్నారు.

   మొదట అమిత్ షా.. మధ్యాహ్నం ఒంటి గంటకు చార్మినార్ వద్ద ఉన్న భాగ్యలక్ష్మి ఆలయానికి వెళ్లి పూజలు చేస్తారు. అక్కడి నుంచి మధ్యాహ్నం 4 గంటలకు బషీర్‌బాగ్‌లోని డా. బాబు జగ్జీవన్ రామ్ విగ్రహం వద్దకు చేరుకుని.. ఎంజె మార్కెట్ వరకు పాదయాత్ర నిర్వహిస్తారు. అనంతరం అక్కడ జరిగే పబ్లిక్ మీటింగ్‌లో అమిత్ షా మాట్లాడతారని బీజేపీ తెలంగాణ శాఖ ఒక ప్రకటనలో తెలిపింది.

   

   ఫొటో సోర్స్, @kishanreddybjp

   పాదయాత్ర జరిగే రూట్ మ్యాప్‌ను ఆదివారం కేంద్ర మంత్రి కిషన్ రెడ్డి, బీజేపీ రాష్ర్ట అధ్యక్షుడు ఎన్.రాంచందర్రావు పరిశీలించారు.

   మరోవైపు అమిత్ షా పర్యటనపై కాంగ్రెస్ పార్టీ విమర్శలు గుప్పించింది.

   ‘‘తెలంగాణ రాష్ర్ట ఏర్పాటు, తెలంగాణ అమరవీరుల విషయంలో అమిత్ షా గతంలో అవమానకరంగా మాట్లాడారు. హైదరాబాద్ రావడానికి ముందుగానే తెలంగాణ ప్రజలకు ఆయన క్షమాపణలు చెప్పాలి. క్షమాపణలు చెప్పాక హైదరాబాద్ కు రావాలి.’’ అని తెలంగాణ రవాణా శాఖ మంత్రి పొన్నం ప్రభాకర్అన్నారు.

2. ఒక గంట క్రితంఆంధ్రప్రదేశ్‌కు మూడు ఎన్డీఆర్ఎఫ్ బృందాలు, మురసు తుపాను కోసం ముందస్తు చర్యలు

   

   ఫొటో సోర్స్, ANI

   తీవ్ర మురసు తుపాను ఈ అర్థరాత్రికి తీరం దాటనుందని ఐఎండీ అంచనా వేసింది.

   ముందస్తు చర్యల్లో భాగంగా ఎన్డీఆర్ఎస్, ఎస్డీఆర్ఎఫ్ టీమ్‌లను అధికారులు మోహరిస్తున్నారు.

   ఇందులో భాగంగానే మూడు ఎన్డీఆర్ఎస్ టీమ్‌లు తమిళనాడు నుంచి ఆంధ్రప్రదేశ్‌కు రానున్నాయి.

   తమిళనాడులోని రాణిపేట్ జిల్లా, అరక్కోణం సమీపంలో ఉన్న నగరికుప్పం నుంచి ఈ బృందాలు బయల్దేరాయి.

   మురసు తుపాను ఈ అర్థరాత్రి ఒంగోలుకు సమీపంలో తీరం దాటే అవకాశం ఉందని వాతావరణ శాఖ అధికారులు అంచనా వేస్తున్నారు.

3. 2 గంటలు క్రితంమురసు తుపాను: తమిళనాడు సీఎం విజయ్‌కు ఫోన్ చేసిన ఏపీ సీఎం చంద్రబాబు

   

   ఫొటో సోర్స్, @AndhraPradeshCM

   మురసు తుపాను ముంచుకొస్తున్న వేళ ఏపీ ప్రభుత్వం అప్రమత్తమైందని ముఖ్యమంత్రి చంద్రబాబు తెలిపారు.

   సన్నద్ధతలో భాగంగా విద్యుత్ వ్యవస్థల పునరుద్ధరణకు తమిళనాడు ప్రభుత్వ సహాయం కోరుతూ తమిళనాడు ముఖ్యమంత్రి విజయ్‌కు ముఖ్యమంత్రి నారా చంద్రబాబు నాయుడు ఫోన్ చేశారు.

   మురసు తుపాను వల్ల పెద్ద ఎత్తున విద్యుత్ పోల్స్ దెబ్బ తింటాయని, పునరుద్ధరణకు సిబ్బందిని, యంత్రాలను పంపాలని కోరారు.

   దీనికి తమిళనాడు సీఎం దీనికి సానుకూలంగా స్పందించారని ఏపీ ముఖ్యమంత్రి కార్యాలయం ‘ఎక్స్‌’లో పేర్కొంది.

   ఇటీవలే విధ్వంసం సృష్టించిన అర్నబ్ తుపాను సమయంలో తెలంగాణ నుంచి ఆంధ్రప్రదేశ్ సహాయం తీసుకుంది.

   విద్యుత్ పునరుద్ధరణకు తెలంగాణ ప్రభుత్వం సిబ్బందిని, సామగ్రిని పంపించింది. ఇప్పుడు తమిళనాడు సహాయం తీసుకోవడానికి ప్రభుత్వం ముందుకొచ్చింది.

4. 3 గంటలు క్రితంమురసు: ‘గంటకు 100 నుంచి 110 కిలోమీటర్ల వేగంతో గాలులు వీచే అవకాశం’

   

   ఫొటో సోర్స్, @ANI

   బంగాళాఖాతంలో ఏర్పడిన మురసు తుపాను సోమవారం అర్ధరాత్రి తరువాత ఒంగోలు వద్ద తీరం దాటనుందని ఐఎండీ పేర్కొంది.

   "పశ్చిమ-మధ్య, దానిని ఆనుకుని ఉన్న నైరుతి బంగాళాఖాతంలో ఏర్పడిన మురసు తుపాను, గత 6 గంటలుగా గంటకు 20 కిలోమీటర్ల వేగంతో వాయువ్య దిశగా పయనిస్తూ, తీవ్ర తుపానుగా బలపడింది’ అని భారత వాతావరణ శాఖ తన ఎక్స్‌ ఖాతాలోపేర్కొంది.

   ‘నవంబర్ 2, 2026న తెల్లవారుజామున 2.30 గంటల సమయానికి, ఇది 13.6° ఉత్తర అక్షాంశం, 82.5° తూర్పు రేఖాంశం వద్ద కేంద్రీకృతమై ఉంది. ఇది చెన్నైకి (తమిళనాడు) తూర్పు-ఈశాన్యంగా సుమారు 260 కి.మీ, నెల్లూరుకు (ఆంధ్రప్రదేశ్) తూర్పు-ఆగ్నేయంగా 290 కి.మీ, మచిలీపట్నానికి (ఆంధ్రప్రదేశ్) దక్షిణ-ఆగ్నేయంగా 320 కి.మీ, కావలికి (ఆంధ్రప్రదేశ్) తూర్పు-ఆగ్నేయంగా 310 కి.మీ, ఒంగోలుకు (ఆంధ్రప్రదేశ్) ఆగ్నేయంగా 330 కి.మీ. విశాఖపట్నానికి (ఆంధ్రప్రదేశ్) దక్షిణంగా 470 కి.మీ దూరంలో ఉంది’ అని ఆ పోస్ట్‌లో పేర్కొన్నారు.

   ఇది మరింతగా వాయువ్య దిశగా పయనించి, నవంబర్ 2 అర్ధరాత్రి (11.30 గంటలకు) నుంచి నవంబర్ 3 తెల్లవారుజామున (4గంటల) మధ్య, నెల్లూరు, నర్సాపురం మధ్య ముఖ్యంగా ఒంగోలు సమీపంలో తీరం దాటే అవకాశం ఉంది.

   ఈ సమయంలో గాలి వేగం గంటకు 100 నుంచి 110 కి.మీ వరకు ఉండి, గరిష్ఠంగా 120 కి.మీ వేగంతో గాలులు వీచే అవకాశం ఉందని ఐఎండీ తెలిపింది.

5. 4 గంటలు క్రితంతీవ్ర తుపానుగా మారిన మురసు... కోస్తా, రాయలసీమ జిల్లాలకు భారీ వర్ష సూచన

   

   ఫొటో సోర్స్, @APSDMA

   పశ్చిమ మధ్య బంగాళాఖాతంలో ఏర్పడిన మురసు తుపాను తీవ్ర తుపానుగా బలపడిందని ఆంధ్రప్రదేశ్ విపత్తుల నిర్వహణ శాఖ ప్రకటించింది.

   మురసు ప్రభావంతో రాయలసీమ, కోస్తా జిల్లాల్లో భారీ వర్షాలు పడనున్నాయి.

   ప్రజలంతా అప్రమత్తంగా ఉండాలని ఆంధ్రప్రదేశ్ విపత్తుల నిర్వహణ శాఖ ఎండీ ప్రఖర్ జైన్ సూచించారు.

   మురసు ప్ర‌స్తుతం చెన్నైకి 260 కి.మీ, నెల్లూరుకు 290 కి.మీ, మ‌చిలీప‌ట్నానికి 320 కి.మీ, కావలికి 310 కి.మీ, ఒంగోలుకు 330 కి.మీ, విశాఖ‌ప‌ట్నానికి 470 కి.మీ దూరంలో కేంద్రీకృతమై ఉంది.

   ఈ తుపాను నవంబర్ 3న తీరం దాటే అవకాశం ఉందని అంచనా వేస్తున్నారు.

   నెల్లూరు-న‌రసాపురం మ‌ధ్య ఒంగోలు సమీపంలో తీరాన్ని దాటవచ్చని అధికారులు చెబుతున్నారు.

6. 4 గంటలు క్రితంగుడ్ మార్నింగ్

   బీబీసీ న్యూస్ తెలుగు లైవ్ పేజీకి స్వాగతం.

   నేను బీబీసీ ప్రతినిధి ఖగేష్, మధ్యాహ్నం 2 గంటల వరకు ముఖ్యమైన వార్తలను మీకు అందిస్తాను.

   నిన్నటి లైవ్ పేజీ కోసం ఈ లింక్‌ను క్లిక్ చేయండి