காணொளி: ஹோர்மூஸ் கட்டண வசூல் அறிவிப்பை திரும்ப பெற்ற டிரம்ப்

ஹோர்மூஸ் நீரிணையை கடக்கும் அனைத்து கப்பல்களும் 20% கட்டணம் செலுத்தவேண்டும் என அறிவித்த அமெரிக்க அதிபர் டொனால்ட் டிரம்ப் 24 மணி நேரத்திற்குள் அந்த அறிவிப்பை திரும்ப பெற்றுள்ளார். இரான் கப்பல் போக்குவரத்து மீதான அமெரிக்கக் கடற்படை முற்றுகை மீண்டும் தொடங்குவதாக திங்கள்கிழமை காலையில் சமூக ஊடகப் பதிவு ஒன்றில் அவர் அறிவித்தார். அதில், உலகிலேயே மிகவும் கொந்தளிப்பான இந்தப் பகுதிக்கு அமைதியையும் பாதுகாப்பையும் வழங்குவதற்காக ஏற்படும் "எல்லா வகையான செலவுகளையும்" அமெரிக்காவிற்கு திருப்பிச் செலுத்தும் வகையில், ஹார்முஸ் நீரிணையைக் கடக்கும் அமெரிக்காவின் நட்பு நாடுகளின் கப்பல்கள் உட்பட அனைத்து வணிகக் கப்பல்களும் 20% கட்டணம் செலுத்த வேண்டும் என்று அவர் கூறியிருந்தார்.

ஆனால், அதற்கு அடுத்த நாளே அந்த முன்மொழிவை அவர் முற்றிலும் கைவிட்டார். அதற்குப் பதிலாக, அமெரிக்காவின் வளைகுடா நட்பு நாடுகளுடன் "வர்த்தக மற்றும் முதலீட்டு ஒப்பந்தங்களை" மேற்கொள்ளப் போவதாகக் கூறினார்.

- இது, பிபிசிக்காக கலெக்டிவ் நியூஸ்ரூம் வெளியீடு