Gujarat Weather : બંગાળની ખાડીમાં સર્જાયેલી સિસ્ટમથી ગુજરાતમાં વરસાદ પડશે કે નહીં?
ભારતીય હવામાન વિભાગે જણાવ્યું છે કે બંગાળની ખાડીમાં રચાયેલું વાવાઝોડું અક્વાન આવતીકાલે (19 નવેમ્બર) સાંજ સુધીમાં ખૂબ જ તીવ્ર ચક્રવાતી તોફાનમાં ફેરવાઈ શકે છે.
આ કારણે, ચેન્નાઈ પ્રાદેશિક હવામાન કેન્દ્રે ચેતવણી આપી છે કે ચેન્નાઈ અને તિરુવલ્લુર જિલ્લામાં ભારે વરસાદની શક્યતા છે.
ભારત હવામાન વિભાગ (IMD) દ્વારા 18 નવેમ્બરના રોજ સવારે 5:30 વાગ્યે જાહેર કરાયેલા અહેવાલ અનુસાર, દક્ષિણ-મધ્ય બંગાળની ખાડી અને તેની આસપાસના પશ્ચિમ-મધ્ય બંગાળની ખાડી વિસ્તારમાં સ્થિત વાવાઝોડું 'અક્વાન' છેલ્લા 6 કલાકમાં પ્રતિ કલાક 3 કિમીની ગતિએ ઉત્તર-ઉત્તરપશ્ચિમ દિશામાં ખૂબ ધીમે આગળ વધ્યું છે અને વધુ તીવ્ર બનીને અત્યંત ગંભીર ચક્રવાતી તોફાનમાં પરિવર્તિત થયું છે.
વાવાઝોડાનું કેન્દ્ર ચેન્નાઈથી આશરે 580 કિમી પૂર્વમાં, શ્રીલંકાના ત્રિનકોમલીથી 650 કિમી ઉત્તર-પૂર્વમાં, આંધ્ર પ્રદેશના મસુલીપટ્ટણમથી 610 કિમી દક્ષિણ-પૂર્વમાં, વિશાખાપટ્ટણમથી 610 કિમી દક્ષિણ-દક્ષિણપૂર્વમાં અને ઓડિશાના ગોપાલપુરથી 730 કિમી દક્ષિણમાં સ્થિત હતું.

ઇમેજ સ્રોત, ANI
બીબીસી માટે કલેક્ટિવ ન્યૂઝરૂમનું પ્રકાશન



