IKIBIRIRAHO , Kyiv ivuga ko ibisasu by'Uburusiya byishe abantu 29 mu kigo gitangirwamo imfashanyo muri Ukraine

Amakuru y'ikibiriraho

Didier Bikorimana na Gildas Yihundimpundu

1. Iminota 11 irahezeUbwongereza na EU bumvikanye ku masezerano y'imfatakibanza yo gukuraho inzitizi ku mfungurwa zatewe na Brexit

   

   Ahavuye isanamu, Chris Ratcliffe/Bloomberg via Getty Images

   Ubwongereza n’Umuryango w’Ubumwe bwa Buraya (EU) bumvikanye ku masezerano y’imfatakibanza ajanye no gukuraho amasuzumwa n’igenzurwa vyashizweho inyuma ya Brexit (ukwikura kw’Ubwongereza muri EU) ku bicuruzwa vy’ibifungurwa n’ivyimburwa bihanahanwa hagati y’impande zompi, imbere y’inama izohuza Ubwongereza na EU itegekanijwe mu mpera z’uku kwezi.

   Nk’uko amakuru BBC ifise avyemeza, integuro y'ayo masezerano ari ku mpapuro 200 yitwa "SPS" (amasezerano ku ngingo zo gukingira amagara y’abantu, ibikoko n’ibiterwa, canke 'sanitary and phytosanitary' mu Congereza), yarungikiwe ibihugu bigize EU i Buruseli kugira biyihweze mu nama itegekanijwe ku wa gatatu.

   Izindi nteguro z’amasezerano ku kugabanya imyuka ihumanya ikirere, hamwe n’umugambi wotuma urwaruka rushobora kuja gutembera no gukora mu bindi bihugu, na zo nyene zarungikiwe ivyo bihugu, ziherekejwe n’integuro y’itangazo rihuriweko ry’impapuro 15 rigenewe abategetsi b’Ubwongereza n’aba EU.

   Gushika ubu, ayo masezerano ajanye n’ibifungurwa ni yo abayeho ahambaye kuruta ayandi yose hafatiwe kw’ihangiro ryo kuvyura imigenderanire hagati y’Ubwongereza na EU kuva habaye Brexit.

   Azotuma hakurwaho amasuzumwa n’izindi nzitizi mu vy’ubudandaji vyari vyagize ingaruka ku badandaza barungika ibicuruzwa mu mahanga, inyuma y’uko Ubwongereza bwikuye mw’isoko rusangi ry’Umuryango wa Buraya.

   Aya masezerano ategekanya gukuraho urupapuro rugurwa amapawundi 200 rwemeza ko ibitungwa n’ibindi bijanye bikwije ivya ngombwa, rwahora rusabwa uwubishoye. Urundi rupapuro ruzokurwaho ni urwahora rugaragaza ko ivyimburwa bishowe vyagenzuwe rukaba rufise agaciro k’amapawundi 25, impapuro zemeza ko ibicuruzwa bitandukanye vyarishe amafaranga y’ubugenzuzi, harimwo no ku bivuko.

   Reta y’Ubwongereza ivuga ko igihugu gishobora kuzohungukira amapawundi agera kuri miliyaridi 5.1 ku mwaka biciye muri ayo masezerano.

   Ayandi makuru yacu mushobora kuyakurikirana kuri YouTube kuri BBC News Gahuza

   Izindi nkuru wosoma:

   Sinari nzi ko mbura Vitamini D kugeza ubwo nituye hasi ndi ku kazi

   Amakuru yanyuma kuri Brexit: Biranyobeye ... mbega bigeze he?

2. Haciye amasaha 2Abanyamerika baraja mu matora ashobora kugira uruhara rukomeye mu kurangiza ikigabane ca Trump ku butegetsi

   

   Ahavuye isanamu, Getty Images

   Mu gihe hasigaye imyaka ibiri ngo ikiringo ciwe nka Perezida kirangire, Donald Trump, amaze imyaka cumi aganza politike ya Amerika akaba mbere yaranayihinduye mu buryo bugaragara, ariko yitegurira amatora ahambaye ashobora kugira ingaruka kuri kazoza kiwe bwite n’ak’ubutegetsi bwiwe.

   Amatora yo hagati mu kiringo ategekanijwe uno musi, agiye kugena umugambwe uzogenzura inama nshingamateka na nkenguzamateka za Amerika, aje mu gihe kigoye ku mugambwe wiwe w’aba Républicains.

   Abatora benshi bavuga ko ikibazo kibahanze kurusha ibindi ari izimba ry’ubuzima. Ibiciro vy’ibifungurwa n’igitoro vyaraduze, bivuye ahanini ku makori ari ku rugero rwo hejuru Trump yashize ku bidandazwa biva mu mahanga, hamwe n’intambara Amerika irimwo na Irani idashigikiwe na benshi.

   Ivyo rero ni vyo bija kuba biri mu mitwe y’abatari bake bagiye gutora.

   Urugero rw’abashigikiye Trump rumaze igihe ruri hasi cane kuruta uko vyigeze kuba muri kahise, akaba yaratunganije imyiyamamazo myinshi mu bice bitandukanye vy’igihugu, aho yagiye ashikiriza amajambo.

   Ariko ibiciro biri hejuru ni ikibazo giteye umutima uhagaze abatora bo mu mpande zose za politike. Ivyo birafasha gutahura igituma Trump ariko ariyamamariza no mu turere twahora dufatwa nk’aho aba Républicains badashobora kudutsindwa. Mu mpera z’indwi ya nyuma y’imbere y’amatora, yarangirije imyiyamamazo muri reta za Iowa na Kansas.

   Umugambwe wiwe na wo nyene wakoresheje imiriyoni amajana z’amadolari mu kwamamaza abakandida biciye mu matangazo yo mu binyamakuru no mu zindi nzira z’itumatumanako, mu turere twahora dufatwa ko udashobora gutsindwamwo, nko guhiganirwa ikibanza c’ubukenguzamateka muri reta ya Kansas.

   Carrie Dann, umuyobozi mukuru w’ikinyamakuru Cook Political Report, gikurikirana kandi kigasuzuma ibikorwa vyo kwiyamamaza n’amatora, yabwiye BBC ati: "Iyo ubonye batanguye gukoresha amadolari [amafaranga] menshi y’Abanyamerika mu kwamamaza abakandida muri reta bari bakwiye gutsindamwo ata ngorane, ni ho utahura ko na bo nyene babona ko bashobora gutsindwa."

   Yongeyeko ati: "Amafaranga azokoreshwa mu kwiyamamaza muri Kansas azoba asumba na kure ayo aba Républicains bari biteze gukoresha." Ivyo vyerekana ko umugambwe wabo uriko uja muri aya matora ugerageza kwigwanira no kwigobotora.

   Mu myiyamamazo myinshi, Trump yateye akamo abanyagihugu abasaba kumutora. Mu kwezi guheze yagize ati: "Muri aya matora, ndabasavye mugire nk’aho ari izina ryanje riri ku rutonde rw’abitoza, ndabinginze.”

   Yongeyeko ati: “Mwishiremwo gusa ko ari ko biri."

   Yamara, ntari mu bitoza. Ico gisabo yanasubiyemwo ku wa Mungu muri reta ya Iowa, kivyura ikibazo gihambaye: Mbega Trump aracafitiye akamaro umugambwe wiwe w’aba Républicains mu bijanye no gutsinda amatora?

   Inyishu kuri ico kibazo ntiyoroshe nk’uko vyahora.

   Trump yasubiye muri White House (ibiro vy’umukuru w’igihugu wa Amerika) afise ububasha n’inkomezi nyinshi, inyuma yo gutsinda amatora yo mu 2024 ku rugero runini. Ivyo vyajanye n’ibipimo vyiza vy’abari bamushigikiye. Imbere y’aho, mu matora yo hagati mu kiringo yabaye mu 2022, aba Républicains bararondera cane ko Trump ashigikira abakandida babo, kuko babona ko ukwo kubashigikira kwari ngirakamaro kugira batsinde.

   Ubu, kubera intambara na Irani iriko imara igihe kirekire kandi ikaba iriko ihungabanya ubushobozi bw’Abanyamerika bwo kwikenura, ibipimo vy’abamushigikiye vyaragabanutse cane.

   Igiciro ca galoni (gallon) imwe y’igitoro ca mazutu cari ku madolari 3.75 imbere y’uko intambara itangura muri Ruhuhuma (2). Ubu caraduze gishika ku rugero rutari bwigere rubaho rw’amadolari 6.52, muri Nyakanga (9).

   Ayandi makuru yacu mushobora kuyakurikirana kuri YouTube kuri BBC News Gahuza

   Izindi nkuru wosoma:

   Kuja mu bantu uri gusa birashobora kugufasha kurushiriza kwishimira umubiri wawe

   Inyuma ya Hormuz, umuhora wa Panama ni wo ukurikira?

3. Haciye amasaha 3Trump agiye kuvana u Rwanda n'Afurika y'Epfo mu masezerano y'ubucuruzi n'Amerika

   

   Ahavuye isanamu, Getty Images

   Perezida w'Amerika Donald Trump yamenyesheje inteko ishingamategeko y'icyo gihugu ko ashaka gukura u Rwanda n'Afurika y'Epfo muri gahunda yo ku byorohereza mu bucuruzi bikorana n'icyo gihugu, guhera ku itariki ya mbere Mutarama (1) mu mwaka wa 2027.

   Ayo masezerano yitwa AGOA (African Growth and Opportunity Act) atuma ibihugu bibyemerewe byo muri Afurika byohereza muri Amerika ibicuruzwa bibarirwa mu bihumbi nta mahoro (misoro) bitanze.

   Soma inkuru irambuye hano

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Amerika yavaniyeho Urwanda inyungu rwavanaga muri AGOA kubera amahoro kuri caguwa

   Amerika yafatiye ibihano minisiteri y'ingabo z'u Rwanda na banki ya gisirikare kubera intambara yo muri RD Congo

   U Rwanda rwamaganye ibihano 'birenganya' Amerika yafatiye kompanyi zarwo z'amabuye y'agaciro

   Kuki Amerika yahannye ingabo z'u Rwanda n'abajenerali bane?

4. Haciye amasaha 4Amerika yagavye ibitero kuri Iran imbere y'amatora yo hagati mu kiringo

   

   Ahavuye isanamu, Reuters

   Abategetsi bo muri Amerika babwiye CBS, ikimenyeshamakuru co muri Amerika gikorana na BBC, ko igisirikare ca Amerika cagavye ibitero kw’izinga rya Qeshm riri mu muhora wa Hormuz, muri Irani.

   Itororokanirizo ry’amakuru rya reta muri Irani, IRNA, ryatangaje ko ku wa mbere humvikanye uguturika incuro nyinshi.

   Abategetsi ba Amerika badondoye ivyo bitero nk’ibitagutse, bakavuga ko vyari inyishu ku gitero ishami rya gisirikare ricungera ubutegetsi bwa kiislam muri Irani (IRGC) ryagavye ku ndege ya Amerika.

   BBC yasavye CENTCOM, bumwe mu buyobozi bw’igisirikare ca Amerika, kugira ico buvuze kuri ivyo bitero.

   Ibi bibaye mu gihe hasigaye umwanya muto ngo habe amatora yo hagati mu kiringo muri Amerika. Ayo matora ni yo agiye kugena abazogenzura inama nshingamateka na nkenguzamateka hagati y’aba Républicains n’aba Démocrates.

   Trump asugerejwe n’igabanuka ry’abamushigikiye, hamwe n’igitsure c’imbere mu mugambwe wiwe kugira arangize intambara yatanguye muri Ruhuhuma (2), igihe Amerika na Israel vyatera Irani.

   Ku wa mbere, imbere y’aho, Trump yari yabwiye abamenyeshamakuru ko “ata kwihutira” kwongereza ibitero kuri Irani.

   Yabwiye ikinyamakuru Axios ati: "Uko biri kwose tuzogira ico dukoze, ariko nta vyo kwihuta. Twarabasinzikaje mu vy’ubutunzi.”

   Yabandanije ati: "Nta mafaranga bafise, nta gitoro, kandi abanyagihugu bararambiwe cane n’ibi."

   Mu kiganiro yahaye imboneshakure Fox News, ku mugoroba w’imbere y’amatora, Trump yavuze kandi ko Amerika "ishobora gukenera kugaba igitero ku kibanza citwa Pickaxe", gifitaniye isano na porogarama ya Irani ya nikleyere.

   Yashimangiye ko ico gikorwa atari ikintu kigoye cane kandi ko coshobora gukorwa “mw’isaha imwe".

   Mu misi iheze, hagiye havugwa cane ko Amerika ishobora gusubira kugaba ibitero bikomeye kuri Irani inyuma y’amatora yo hagati mu kiringo. Ariko ku wa mbere, igihe umumenyeshamakuru yamubaza nimba ivyo ari vyo bitegekanijwe, Trump yishuye ati: "Oya".

   Imbere y’aho, umushikiranganji wa Irani ajejwe imigenderanire n’ayandi makungu, Abbas Araghchi, yari yabwiye itororokanirizo ry’amakuru ryo muri Irani, IRNA, ko ibiganiro bikomeye cane biriko biraba hagati ya Irani na Amerika, biciye ku bihugu bibahuza, mu ntumbero yo kurondera ingene intambara ihagarara.

   Ayandi makuru yacu mushobora kuyakurikirana kuri YouTube kuri BBC News Gahuza

   Izindi nkuru wosoma:

   Ese Israel ifite ubushobozi bwo gutsinda Turukiya mu ntambara?

   'Kudahana abakora ibyaha byibasira abanyamakuru bitiza umurindi ihohoterwa ribakorerwa' - UNESCO

5. Haciye amasaha 5Kyiv ivuga ko ibisasu by'Uburusiya byishe abantu 29 mu kigo gitangirwamo imfashanyo muri Ukraine

   

   Ahavuye isanamu, DSNS / Zaporizhzhia

   Abantu nibura 29 bishwe nyuma yuko ibisasu by’Uburusiya birashe ku kigo gitangirwamo imfashanyo, mu gitero Perezida wa Ukraine yavuze ko “giteye ubwoba rwose”.

   Abandi bantu 10 bakomeretse naho abandi 48 bari babanje gutangazwa ko baburiwe irengero nyuma yuko ibisasu nibura icyenda byo mu kirere bipima ibiro (kg) 3,000 bikubise ku cyaro cya Komyshuvakha, kiri mu karere ka Zaporizhzhia mu majyepfo ya Ukraine, nkuko umukuru w’akarere Mykhailo Semikin yabivuze.

   Perezida wa Ukraine Volodymyr Zelensky yavuze ko nyuma y’igitero cya mbere cyibasiye ishuri ryaho “rikoreshwa mu gutabara imbabare”, habaye igitero cya kabiri cyibasiye ahantu abantu bari bikinze.

   Yatangaje videwo igaragaza ikinogo kinini cyane nyuma y’icyo gitero cyabaye ku wa mbere, inagaragaza amatsinda y’abakora ibikorwa by’ubutabazi barimo gushakisha mu byasenyutse.

   Ingabo z’Uburusiya nta cyo ziratangaza ku mugaragaro.

   Ku wa kabiri, umukuru w’akarere Mykhailo Semikin yavuze ko abapfuye biyongereye bakagera ku bantu 29 ndetse ko ibikorwa byo gushakisha no gutabara bikomeje.

   Yanditse ku rubuga rwa Telegram ati: "Ingano y’ibi byago iteye ubwoba."

   Mbere, Zelensky yari yavuze ko abapfuye ari 18 ariko nyuma yaho ikigo cya Ukraine gishinzwe ibikorwa by’ubutabazi bwihutirwa cyavuze ko abantu 24, barimo abantu babiri bo mu bakora ubutabazi n’abapolisi bane, bemejwe ko bishwe.

   Mu ijambo ryo mu buryo bwa videwo yavuze mu ijoro ryo ku wa mbere, Zelensky yari yavuze ko abantu 26 ari bo bazwi ko bapfuye.

   Mbere, yari yavuze ko “Abarusiya ntibashobora kuba batari bazi ko abaturage bo muri ako gace bakiri i Komyshuvakha bahafatira imfashanyo y’ubutabazi buri cyumweru” ku wa mbere. Yagize ati: “Iyi ni indi gihamya ko Uburusiya budashaka guhosha intambara na gato.”

   Yavuze ko nyuma y’igikorwa giherutse gukorwa neza gihuriweho n’Uburusiya na Ukraine cyo guhungisha abasivile bakurwa mu mujyi wa Oleshky uri mu majyepfo wigaruriwe n’Uburusiya, mu gihe cy’agahenge k’agateganyo kagizwemo uruhare na Melania Trump, umugore wa Perezida w’Amerika, “habayeho akanya aho intambwe zari gukurikiraho zashoboraga kugaragaza ko amahoro ashoboka”.

   Zelensky yongeyeho ati: “Hamwe n’ubwicanyi nk’ubu, Uburusiya burimo gutanga ubutumwa butandukanye neza neza – Uburusiya burimo gucungira ku bundi bwicanyi.”

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Amerika yemeje kugurisha misile 500 za Patriot kuri Ukraine

   'Nta mategeko': Uburyo bushya bwa Putin mu guhindura imijyi ya Ukraine idaturwa

6. Haciye amasaha 5Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.