TOOS, Washington ayaa la filayaa in ay soo saarto amar lagu duqeynayo kaabayaasha korontada Iran

Tebin toos ah

1. 21 Daqiiqadood ka horWar deg deg ah, Cumar Cartan ‘’Soomaaliya annagaa iska leh, ha xumaato ama ha wanaagsanaato’’

   

   Xigashada Sawirka, SNTV

   "Waxaan idiin ballan qaadayaa in haddii Alle yiraahdo midda xigta aan aadi doono... shacabka Soomaaliyeedna ay ku farxaan, waana inaan dhammaanteen difaacno magaca Soomaaliya," ayuu yiri.

   Cartan oo lagu waday in uu noqdo qofkii ugu horeeyay ee Soomaali ah oo garsoore ka noqda fiinaal-ka Koobka Adduunka, ayaa Isniintii laga saaray liiska mas'uuliyiinta, kaddib markii laga hor istaagay inuu gudaha u galo garoonka diyaaradaha ee Miami ee Mareykanka.

   Isagoo ka hadlayay imaatinkiisa kadib, waxa uu ka codsaday dhalinyarada in aysan ka rajo dhigin dalkooda.

   "Soomaaliya annagaa iska leh, ha wanaasanaato ama ha xumaato, dalkaas annagaa iska leh, baasaboorkaasna waanu leennahay, waanu wadaagnaa, waanu wada difaaceynaa".

2. Saacad ka horWar deg deg ah, Madaxa FIFA oo nasiib daro ku tilmaamay wixii ku dhacay Cumar Cartan

   

   Xigashada Sawirka, Getty Images

   Madaxa xiriirka kubadda cagta adduunka FIFA, Gianni Infantino ayaa difaacay xiriirka sida uu u maamulayo Koobka Adduunka, maalin kahor furitaanka koobka.

   Shir jaraa’id oo u uku qabtay Mexico ayuu Infantino ku sheegay in FIFA aysan ahayn boqorada adduunka oo xukumi kara dowladaha, aysana wax walba maamulin.

   Laakiin waxa uu nasiib daro ku tilmaamay wixii ku dhacay garsooraha Soomaaliga Cumar Cartan oo la filayay inuu garsoore ka noqdo koobka addunka, waxaa loo diiday inuu galo Maraykanka.

   Infantino waxaa uu difaacay qiimaha tikirka koobka adduunka, kadib cabashooyin ballaaran oo laga muujiyay.

   Beri oo Khamiis ah ayaa la filayaa inuu furmo Koobka Adduunka , iyada oo mid kamid ah martigaliyayaasha koobka oo ah Mexico ay caasimada dalkaasi kula ciyaaraysi dalka Koonfur Afrika.

   Sii akhri:

   Warbaahinta Israa'iil oo Trump ku dhaleeceeyay baaqiisii ku saabsanaa is-xakamaynta iyo ka fogaanshaha jawaab-celin degdeg ah

   Maxaan ka ognahay diyaaradda helikobtar ee Mareykanka looga soo riday Marinka Hormuz?

   Weerarradii u dambeeyay ee Iiraan ku qaadday Israa'iil waxay muujinayaan dareenka awoodda sii kordhaysa ee Tehran

3. 3 Saacadood ka horWarbaahinta Lubnaan ayaa sheegtay in ugu yaraan 17 qof ay ku dhinteen duqeynta Israel.

   

   Xigashada Sawirka, AFP via Getty

   Sagaal qof ayaa ku dhintay weeraro taxane ahaa oo ka dhacay magaalada Tayr Dibba sida ay sheegtay wakaaladda wararka Lubnaan ee NNA.

   Dhanka kale, Xisbullah ayaa sheegtay in weeraro dhowr ay ku qaadeen ciidamada Israel ee koonfurta Lubnaan.

   Tallaadadii waxay Israel ku dishay Lubnaan 15 qof. Iran ayaa u digtay Israel.

   Wakaaladda wararka Lubnaan waxay sheegtay in Israel ay kordhisay duqeymaha cirka ee koonfurta Lubnaan iyadoo duqeysay magaalooyin iyo tuulooyin badan.

   Sii akhri:

   Warbaahinta Israa'iil oo Trump ku dhaleeceeyay baaqiisii ku saabsanaa is-xakamaynta iyo ka fogaanshaha jawaab-celin degdeg ah

   Maxaan ka ognahay diyaaradda helikobtar ee Mareykanka looga soo riday Marinka Hormuz?

   Weerarradii u dambeeyay ee Iiraan ku qaadday Israa'iil waxay muujinayaan dareenka awoodda sii kordhaysa ee Tehran

4. 4 Saacadood ka horMadaxa QM: Colaada Bariga Dhexe Milatari laguma xallin karo

   

   Farriin ka timid, xooghayaha guud ee QM Antonio Guterres ayaa ku qeexay walaaca uu ka qabo isku dhaca soo cusboonaaday ee ka taagan Barig Dhexe, waxaana uu ku baaqay in sida ugu dhakhsiiyaha badan loo joojiyo dhammaan weerarada.

   Halkan ka aqriso warkan oo faahfaahsan

5. 4 Saacadood ka horWafdi ka socda Qatar ayaa booqasho ku jooga Tehran

   

   Xigashada Sawirka, gett

   Sida ay warbaahinta Iran sheegtay, wafdi heer sare ah oo ka socda Qatar ayaa gaaray magaalada caasimadda Iran ee Tehran galabta si ay wadahadal ula yeeshen madaxda Iran.

   Sida uu qoray wargeys dowladda taageero, wafdiga ayaa Tehran u yimid sidii ay isu dhaafsan lahaayeen ray’igooda ku saabsan xiriir labada dhinac ah.

   Inta wafdiga ay joogaan Iran, waxay kala hadli doonaan dhacdooyinkii ugu dambeeyay ee diblomaasiyadeed kuwaas oo lagu dhameyn lahaa dagaalka Iran iyo Mareykanka.

   Booqashadan ayaa ku soo aaday iyadoo Mareykanka iyo Iran is-dhaafsanayaan weeraro kaddib diyaaradii helikobtarka aheyd ee laga soo riday Mareykanka.

   Saacad ka hor ayuu madaxweyne Trump sheegay in Iran ay ka caga-jiideyso wadaxaajoodka.

   Sii akhri

   Maxaan ka ognahay diyaaradda helikobtar ee Mareykanka looga soo riday Marinka Hormuz?

   Waa Kuma Aadan Madoobe, huggaamiyaha cusub ee Koonfur-galbeed?

   Isbahaysiga Eritrea iyo Masar – iyo saameynta uu ku yeelan karo Geeska Afrika

6. 5 Saacadood ka horMareykanka ayaa laga baqayaa in uu weeraro kaabayaasha Iran

   

   Xigashada Sawirka, Getty Images

   Madaxweynaha Mareykanka, Donald Trump, ayaa sheegay in Mareykanku uu qarka u saaran yihiin bixinta amar lagu duqeynayo xarumaha tamarta iyo buundooyinka ku yaal gudaha Iran, waxayna ku eedeeyeen in ay “hakinayaan” wadaxaajoodyada.

   Fox News oo soo xiganeysa Trump ayaa sheegtay in Mareykanku uu duqeeyay ku dhawaad 20 goobood.

   Madaxweyne Trump ayaa shaaca ka qaaday faahfaahinta dhacdadaas isagoo sheegay in diyaaraha aan duuliyaha laheyn ee Iran ay kala dhexgalaan labo helikobtar sidaasina ay wax u dhaceen.

   Dhanka kale, warbaahinta dowladda Iran ayaa sheegtay in kumannaan qof oo ku nool magaalada koonfurta ku taal ee Sirik ay biyaha iyo korontada ka go’een kaddib markii laba kayd-biyood ay waxyeello ka soo gaartay duqeymo uu Mareykanku fuliyay.

   Ciidamada Mareykanka ayaa sheegay in ay beegsadeen bartilmaameedyo Iran ku yaal si ay uga jawaabaan diyaaradii laga soo riday Isniintii.

   Afhayeenka Wasaaradda Arrimaha Dibadda Iran, Esmaeil Baghaei, ayaa weeraradaas kaddib sheegay in Washington ay dhaawacday fursadihii heshiis nabadeed lagu gaari lahaa, iyadoo diray fariimo is khilaafsan, waxayna beddeshay dalabaadkeeda, isla markaana si joogto ah ayey u jabisay xabbad-joojinta. Wuxuu sheegay in Tehran ay u baahan tahay in ay dib u qiimeyso xaaladda, isagoo intaas ku daray in geeddi-socod kasta oo diblomaasiyadeed uu u baahan yahay ugu yaraan xasillooni.

   sii akhri

   Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

   Maxaan ka ognahay diyaaradda helikobtar ee Mareykanka looga soo riday Marinka Hormuz?

   Trump oo lagu oriyay kadib markii uu booqday goob ciyaar lagu qabanayay

7. 6 Saacadood ka horNetanyahu ayaa sheegay in markale uu xukunka u tartamayo

   

   Xigashada Sawirka, Getty Images

   Xisbiga talada haya ee Likud ayaa ku dhawaaqay in raysalwasaaraha Israel, Benjamin Netanyahu, uu u tartamayo doorashada guud ee soo socota.

   Qoraal kooban oo la so odhigay barta X ayuu xisbigu ku sheegay in Netanyahu uusan toorashada ka qeybgaleyn oo kaliya balse uu “Alle idinkii ku guuleysan doono”

   Qoraalka ayaa soo baxay iyadoo la filayo in doorashada guud ee dalka la qabto bisha Oktoobar ee soo socota.

   Netanyahu oo ah hoggaamiyaha ugu waqtiga dheer siyaasadda Israel ayaa doonaya muddo xileed kale isagoo wajahaya caqabado siyaasadeed iyo kuwa ammaanka oo dalka ka jira.

   Sii akhri

   Ra'iisul wasaarihii hore ee Israa'iil oo shaaca ka qaaday qorshe Falastiiniyiinta la isugu geynayo "magaalo xero ah"

   Netanyahu oo guul wayn u arka qalcada taariikhiga ah ee Lubnaan ee laga taagay calanka Israa'iil

   Maxaan ka ognahay diyaaradda helikobtar ee Mareykanka looga soo riday Marinka Hormuz?

8. 8 Saacadood ka horMadaxtooyada Soomaaliya ayaa lagu soo dhaweeyay Cumar Cartan

   

   Xigashada Sawirka, Villa Somalia

   Madaxweynaha Jamhuuriyadda Federaalka Soomaaliya, Xasan Sheekh Maxamuud iyo raysal wasaare Xamsa Cabdi Bare ayaa ku soo dhaweeyay Madaxtooyada Soomaaliya, seedhiwale Cumar Cartan.

   Madaxweyne Xasan Sheekh ayaa u muujiyay sida dowladda iyo shacabka Soomaaliyeed u garab taagan yihiin dadaalkiisa, kartidiisa iyo xirfadiisa ee uu ku muteystay in uu noqdo Garsoore Caalami ah.

   Cumar Cabdiqaadir Cartan oo sanadkii 2025 loo aqoonsaday garsooraha ugu wanaagsan Afrika ee ragga, ayaa ka mid ahaa garsoorayaasha loo xushay in ay dhex dhexaadiyaan ciyaaraha Koobka Adduunka ee ka dhacaya Maraykanka, Canada iyo Mexico. Hase yeeshee markii uu kasoo degay magaalada Miami kadib safar uu kaga yimid Istanbul, ciidamada ilaalada xudduudaha Maraykanka ayaa baadhitaan dheeraad ah ku sameeyay, ugu dambayna u diiday inuu dalka galo.

   Sii akhri:

   Cumar Cartan oo markii ugu horeysay ka hadlay safarkiisii Maraykanka

   Garsoore Cumar Cartan oo lagu soo dhoweeyay Muqdisho kadib diidmadii Maraykanka

   Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

9. 8 Saacadood ka horSheekh Aadan Madoobe ayaa loo doortay madaxweynaha Koonfur Galbeed Soomaaliya

   

   Xigashada Sawirka, SNT

   Sheekh Aadan Maxamed Nuur (Aadan Madoobe) ayaa ku guuleystay doorashada madaxweynaha ee maamulka Koonfur Galbeed Soomaaliya oo saakay ka dhacday baydhabo.

   Qaabka ay doorashada u dhacday iyo faahfaahinta warkan waxaad ku heli doontaan wararkeena dambe

10. 8 Saacadood ka horTrump: Iran waxay ka caga-jiiday wadaxaajoodyada, hadana waa in ay wajahdaa cawaaqibka

    

    Xigashada Sawirka, Getty Images

    Madaxweynaha Mareykanka Donald Trump ayaa sheegay in Iran ay ka caga-jiiday wadaxaajoodyada, hadana ay tahay in ay wajahdo cawaaqibka ka dhashay.

    “Militeriga Iran waxay ku jiraan jahawareer buuxa. Intooda badan sida ciidamada badda iyo kuwa cirka waa la burburiyay, si buuxda ayey u guuldareysteen”, ayuu madaxeyne Trump ku qoray bartiisa bulsho ee Truth Social.

    Wuxuu kaloo sheegay madaxweyne Trump, “Iran hadal un hayso ee aysan hayn wax ficil ah. Cabsigeliyihii Bariga Dhexe waa ku daayay”.

    Trump wuxuu dhammaadka qoraalkiisa raaciyay fariin u qoran sidan, “Waqti dheer ayey qaateen si loo gaaro heshiis, hadda waxay wajahayaan cawaqibka”.

    Hadalladan waxay soo baxeen maalin kaddib markii Mareykanka iyo Iran is-weydaarsadeen weeraro kaddib markii la soo riday diyaarada nooca helikobtarka ah uu Mareykanku leeyahay.

    Sii akhri:

    Garsoore Cumar Cartan oo lagu soo dhoweeyay Muqdisho kadib diidmadii Maraykanka

    Caanaha dhirta laga sameeyo kuwee ugu fiican?

    Maxaan ka ognahay diyaaradda helikobtar ee Mareykanka looga soo riday Marinka Hormuz?

11. 9 Saacadood ka horIran waxay sheegtay in ay dib u eegi doonto sii wadista wadahadallada kaddib weerarada Mareykanka

    

    Xigashada Sawirka, Getty Images

    Afhayeenka Wasaaradda Arrimaha Dibadda Iran ayaa sheegay in dalkiisa uu dib u eegi doono sii wadista wadahadallada iyadoo la eegayo weerarrada cusub ee Maraykanka.

    Esmail Baghaei, oo hadlay kaddib weerarada ayaa sidan yiri, “Habka diblomaasiyadeed kuma yimaado sidan, hannaan diblomaasiyadeed kasta inta uusan dhicin waxaa loo baahan yahay ugu yaraan jawi ku filan oo shaqada lagu sii wadi karo.”

    Baghaei wuxuu ku eedeeyay Maraykanka in uu “waxyeello u geystay geeddi-socodka wadaxaajoodka, wuxuuna dirayaa farriimo is-khilaafsan, si joogto ah uyuu u beddelayaa mowqifyadiisa iyo dalabaadkiisa, isla markaana marar badan wuxuu jabiyay xabbad-joojinta.”

    Mareykanka wuxuu saakay qaaday weerar cirka ah oo lagu beegsaday goobo ku yaalla koonfurta Iran, taas oo jawaab u ahayd ridistii mid ka mid ah diyaaradaha qumaatiga u kaca ee uu lahaa Maraykanka oo ku dhacday Badda Cumaan.

    Saldhigga Khatam al-Anbiya wuxuu sheegay in weeraro jawaab ah ay qaadeen ciidamada ilaalada kacaanka.

    Dhanka kale, Mareykana wuxuu ku dhawaaqay in la soo afjaray howgalka looga jawaaabyay diyaaradii laga soo riday.

    Sii Akhri:

    Maraykanka iyo Iran ma waxay ku dhow yihiin heshiis nabadeed mise waxay dib u bilaabayaan dagaal?

    Maxaan ka ognahay diyaaradda helikobtar ee Mareykanka looga soo riday Marinka Hormuz?

    Trump oo lagu oriyay kadib markii uu booqday goob ciyaar lagu qabanayay

12. 10 Juunyo 2026‘Carruurteyda in ay nabad helaan oo kaliya ayaan doonayaa’

    

    Anselme Shima wuxuu ku nolaa bariga magaalada Belfast muddo 13 sano ah, hal waddo ayuuna deganaa ku dhawaad 10 sano.

    Shima wuxuu saakay BBC-da u sheegay in uu dareemayo “xaalad murugo leh”

    Wuxuu sheegay in falka ka dhacay waqooyiga Belfast ee mindiyeynta uu ahaa “mid aad u argagax badan”, isaga oo intaas ku daray in “qofna uusan taageeri doonin, qofna uusan u dulqaadan doonin arrintaas”.

    “Wax kasta oo dhacay ee rabshado ah, waa wax laga xumaado”

    Shima oo ah aabo saddex carruur ah haysta ayaa sheegay in qiiqa baskii la gubay uu soo gaaray gurigiisa.

    Wuxuu sheegay in saakay uu soo aaday wadada si uu arko hadii la furay, ayna ammaan tahay in carruurta la geeyo iskuulka.

    Shima wuxuu BBC-da u sheegay in ay "adag tahay” in uu u sharaxo carruurtiisa sababta ay waxaan u dhacayaan markii ay weydiiyeen iyo hadii ay la xiriirto midabkooda.

    Wuxuu kaloo sheegay in xaaladda ay ka sii dartay, isagoo sheegay in uu doonayo ammaan.

    Sii akhri:

    'Rabshaduhu waa kuwo aan laga fiirsan': Sida dunidu uga falcelisay dagaalka Muqdisho

    Dowladda Ireland oo ku dhawaaqday war aan u waanagsanayn magan galyo doonka Soomaalidu ka mid tahay

    Siyaasadda cusub ee Ingiriiska ee Soomaalida saameeynta ku yeelan karta

13. 10 Juunyo 2026Pakistaan oo weerar ku qaaday Afqaanistan

    

    Xigashada Sawirka, Getty Images

    Maamulka Taliban ee Afghanistan ayaa sheegay in Pakistan ay duqeymo cirka ah ka fulisay saddex gobol, kuwaas oo lagu dilay 13 qof, halka 14 kalena ay ku dhaawacmeen.

    Afhayeen u hadlay Taliban ayaa weerarradaas ku tilmaamay “dembi bani’aadantinimo.”

    Duqeymaha la sheegay ayaa yimid kadib markii kooxda Pakistani Taliban ay weerar ku qaadday bar-koontarool oo ay leeyihiin ciidamada ammaanka oo ku dhow magaalada Peshawar, halkaas oo ugu yaraan lix askari oo ka tirsan ciidamada paramilitary-ga lagu dilay.

    Pakistan ayaa dhankeeda xaqiijisay weeraro lagu qaaday goobaha sharci darada ah ee Tehreek-e-Taliban Pakistan (TTP) ee ku yaala deegaanada xuduuda ah ee ku dhagan Afgaanistaan, iyadoo sheegtay in 26 mintidiin ah lagu dilay weeraro “si sax ah”.

    Pakistan ayaa muddo dheer ku eedeynaysay Afghanistan inay hoy siiso dagaalyahanno hubeysan, taasoo Afghanistan ay beenisay.

    Xiriirka labada dal ayaa sii xumaaday bilihii ugu dambeeyay, iyadoo ay ka dhaceen isku dhacyo dhimasho sababay oo ka dhacay xadka labada waddan.

14. 10 Juunyo 2026Warbaahinta Iran ayaa sheegtay in qarax laga maqlay magaalada Qeshm

    Wakaaladda Wararka ee Iran ayaa, iyadoo soo xiganaysa ilo maxalli ah, sheegtay in qarax laga maqlay agagaarka magaalada Qeshm.

    Wakaaladda Mehr News Agency ayaa qortay: “Inkasta oo aan weli si cad loo garanayn nooca saxda ah ee codadkan, marka la eego xoogga codka,waxay u badan tahay inay ka fog yihiin magaalada Qeshm ama ay la xiriiraan dhaqdhaqaaqyada ka socda Hormuz, ” Faahfaahin dheeraad ah lama bixin.

    Subaxnimadii Arbacada, Maraykanka ayaa qaaday duqeymo cirka ah oo dhowr ah oo lagu beegsaday meelo ku yaalla koonfurta Iran, taasoo lagu sheegay inay jawaab u ahayd soo ridista mid ka mid ah Helockotarada oo ku dhacday Badda Cuman.

    Sidoo kale, xarunta Khatam al-Anbiya ayaa ku dhawaaqday in ilaalada Kacaanka Iran iyo ciidanka Iran ay qaadeen weerarro jawaab celin ah oo lagu beegsaday saldhigyo Maraykan ah oo ku yaalla Baxrain, Kuwait, iyo Urdun.

    Sii akhri:

    'Rabshaduhu waa kuwo aan laga fiirsan': Sida dunidu uga falcelisay dagaalka Muqdisho

    Dowladda Ireland oo ku dhawaaqday war aan u waanagsanayn magan galyo doonka Soomaalidu ka mid tahay

    Siyaasadda cusub ee Ingiriiska ee Soomaalida saameeynta ku yeelan karta

15. 10 Juunyo 2026Madaxweyne ku xigeenka Maraykanka: Heshiiska Iran wuxuu dhici karaa bilaha soo socda

    

    Xigashada Sawirka, Reuters

    Madaxweyne ku xigeenka Maraykanka J. D. Vance ayaa sheegay in Maraykanku aad ugu dhow yahay inuu gaaro heshiis si “waqti dheer” u xallin doona barnaamijka nukliyeerka Iran, balse heshiiskaasi uu suuragal noqon karo toddobaadyada ama bilaha soo socda.

    “Waqtigan, waxaan dareemayaa inaan ku jirno xaalad aan ku gaari karno heshiis u wanaagsan Maraykanka dhinaca dhaqaalaha, isla markaana si dhab ah u xallinaya barnaamijka nukliyeerka Iran," .

    Waxaa uu xusay in mustaqbalka ay Mareykanka faa'ido ugu jirto heshiiska lala gaari doono Iran.

    "ma aha kaliya hadda ama inta Donald Trump uu xilka hayo, balse mustaqbalka fog, ilaa heer carruurtaydu marka ay weynaadaan ay dhihi karaan: Iran ma yeelan doonto hub nukliyeer ah,” ayuu ku sheegay wareysi uu siiyay CBS.

    “Taasi waa ujeeddada siyaasadda noocaas ah,” ayuu raaciyay. “Waxaan aaminsanahay inaan aad ugu dhow nahay gaarista yoolkaas. Laakiin weli shaqo badan ayaa naga hortaagan, waana sii wadeynaa.”

    Mr. Vance wuxuu sheegay in heshiiska uu “si dhab ah” u dhici karo ka hor doorashooyinka bartamaha xilliga ee bisha November.

    Sii akhri:

    'Rabshaduhu waa kuwo aan laga fiirsan': Sida dunidu uga falcelisay dagaalka Muqdisho

    Dowladda Ireland oo ku dhawaaqday war aan u waanagsanayn magan galyo doonka Soomaalidu ka mid tahay

    Siyaasadda cusub ee Ingiriiska ee Soomaalida saameeynta ku yeelan karta

16. 10 Juunyo 2026Warbaahinta Iran oo baahisay muuqaalo lagu sheegay weeraradii Iran ay ku qaaday saldhigyada Mareykanka

    Wakaaladaha wararka ee Tasnim News Agency iyo Fars News Agency, oo loo arko inay xiriir dhow la leeyihiin ilaalada Kacaanka Iran, iyo warbaahinta dowladda, ayaa subaxnimadii Arbacada daabacay muuqaallo badan oo ay sheegeen inay muujinayaan xilliyadii saldhigyada Maraykanka la beegsanayay iyo gantaallo marayay hawada Urdun.

    Si kastaba ha ahaatee,BBC Uma suuragalin inay si madax-bannaan u xaqiijiso saxnaanta muuqaalladan.

    Mid ka mid ah muuqaalladaas, oo laga arkayo wax u eg qarax meel fog ka dhacay, ayay wakaaladahan wararku ku sheegeen inuu la xiriiray weerar lagu qaaday saldhigga ciidamada badda ee shanaad ee Maraykanka ee Baxreyn.

    Muuqaal kale ayaa muujinaya raadad ka muuqda cirka oo ay reebeen walxo duulaya. Warbaahinta Iran ayaa sheegtay in muuqaalkaasi laga duubay hawada Urdun isla markaana uu muujinayo raadadka gantaallo ay Iran ridday.

17. 10 Juunyo 2026UK: Doon yar ayaa rasaas is weydaarsaday markab xamuul oo marayay xeebaha Yemen

    Hay’adda Hawlaha Ganacsiga Badaha ee Britain ayaa sheegtay in Arbacadii doon yar oo ay saarnaayeen lix nin oo hubeysan ay u soo dhawaatay markab xamuul ah oo ku sugnaa qiyaastii 88 mayl-badeed koonfur-galbeed kaga beegan Balhaf, dalka Yemen.

    Hay’addu waxay sheegtay in rasaas la isweydaarsaday doonta yar iyo kooxda ammaanka ee hubeysan ee saarnayd markabka. Intaas kadib, doontii weerarka soo qaaday ayaa dib uga laabatay goobta.

18. 10 Juunyo 2026Iran oo si kulul uga jawaatay weerarada Mareykanka

    Kadib weerarradii dhawaan ay Maraykanku fuliyeen, Wasaaradda Arrimaha Dibadda ee Iran ayaa ku tilmaantay weerarradaas “xadgudub cad oo ka dhan ah Axdiga Qaramada Midoobay.”

    Bayaan ay soo saartay wasaaraddu ayay ku sheegtay in weerarrada Maraykanka ee lagu qaaday deegaannada koonfurta dalka ay yihiin “jebin weyn oo lagu sameeyay United Nations Charter-ka, gaar ahaan Qodobka 2-aad, faqraddiisa 4-aad, iyo mabda’a aasaasiga ah ee mamnuucaya adeegsiga xoogga ee xiriirka caalamiga ah.”

    Bayaankaas, Wasaaradda Arrimaha Dibadda ee Iran waxay sidoo kale ku xustay soo ridista diyaarad qumaatiga u kacda oo Maraykan leeyahay oo ka dhacday marin-biyoodka Strait of Hormuz, balse ma aysan aqbalin mas’uuliyadda weerarkaas.

    Bayaanku wuxuu saldhigyada iyo hantida Maraykanka ee gobolka ku tilmaamay “isha gardarrada,” halka weerarrada Iran lagu sheegay inay yihiin “xuquuq difaac oo dabiici ah.”

    Sidoo kale, Wasaaradda Arrimaha Dibadda ee Iran ayaa ugu baaqday dalalka gobolka, gaar ahaan kuwa ku yaalla xeebaha koonfureed ee Gacanka Faaris, inay ka hortagaan ciidamada Maraykanka iyo Israa’iil inay isticmaalaan “dhulkooda iyo xarumahooda si loo qorsheeyo, loo abaabulo, loo fuliyo, loona taageero falal gardarro ah oo ka dhan ah Iran.”

    Mowjaddii ugu dambeysay ee weerarrada Maraykanka ee ka dhanka ah Iran ayaa la sheegay in lagu fuliyay jawaab ahaan soo ridista helicopter-ka nooca Apache ee Maraykanka oo ku sugnaa biyaha Gulf of Oman.

19. 10 Juunyo 2026Garsoore Cumar Cartan oo si wayn loogu soo dhaweeyay Muqdisho

    Waxaa goor dhaw magaalada Muqdisho si wayn loogu soo dhaweeyay garsoore Cumar cartan oo ka soo kicitimay Turkiga.

    Cumar Cabdiqaadir Cartan oo sanadkii 2025 loo aqoonsaday garsooraha ugu wanaagsan Afrika ee ragga, ayaa ka mid ahaa garsoorayaasha loo xushay inay dhex dhexaadiyaan ciyaaraha Koobka Adduunka ee ka dhacaya Maraykanka, Canada iyo Mexico. Hase yeeshee markii uu kasoo degay magaalada Miami kadib safar uu kaga yimid Istanbul, ciidamada ilaalada xudduudaha Maraykanka ayaa baadhitaan dheeraad ah ku sameeyay, ugu dambayna u diiday inuu dalka galo.

    Hoos ka daawo sawirada soo dhaweynta

    

    

    

    

    

    

20. 10 Juunyo 2026Garsoore Cartan oo bbc uga warbixiyay dhacdadi ugu xanuunka badnayd ee soo marta

    

    Xigashada Sawirka, Getty Images

    Waxaa warbaahinta Caalamka oo dhan si wayn loo hadal hayaa dhacdadii garsoore Cumar Cartan loogu diiday galitaanka Mareykanka , halkaasi oo lagu wday in uu dhexdhexaadiye ka noqdo ciyaaraha Koobka Duunka.

    Cumar ayaa wareysi uu siiyya BBC laanta afka Soomaaliga waxaa uu kaga warbixiyay sida u u ku noqday garsoore isaga oo sheegay in si lama filaan ah uu howshan ku bilaabay.

    “Dhacdooyiinkii ugu horeeyay ee garsoor aan ku noqday waxay ahayd, aniga oo koox la jiro lugta ayaa waxyar iga soo gaaray ciyaarti ayaan ka fariistay markaan ka fariistay qoladii aan u baxaynay waxay tiri ninkan ciyaarta noo qabanaya oo garsoor noo noqonaya ka dib-na wana u qabtay , sidaa ayay ku bilaabatay in aan xafadaha ciyaaraha ka qabyo”. Ayuu yiri Cartan.

    Garsoore cumar Cartan ayaa dhanka kale BBC u sheegay in intii uu garsoorka ku jiray ay soo martay dhacdo aad u xanuun badan oo ah dilkii maclinkii isaga soo baray xirfadda garsoorannimada.

    “Cusmaan Jaamac Diraac oo ah aabaheyga garsoorka ah oo la’aantiis aanan halkan soo gareen, waxaa la dilay August 2017, waxay ahayd mid igu adag, anoo markaas waxaa ka dhinayd inaan calami noqdo saddex bilood laba bilood waxaana jeclaan lahaa inuu maanta arko meehsana soo gaaray” ayuu intaa ku daray.