Zelensky say Putin na 'killer' afta Trump call Russian leader a friend
- Author, Jessica Lamb
- Published
- Read am in 3 mins
Ukraine President Volodymyr Zelensky don label Vladimir Putin as a "killer" afta Donald Trump refer to di Russian leader as im "friend" for China dis week.
For inside interview wit CNN, Zelensky tok say e dey up to di US president "how e wan call Putin" but "for us, e be enemy... for us, e be killer".
On di sidelines of one historic trilateral meeting wit Chinese leader Xi Jinping and Putin on Thursday, Trump bin call Putin im "friend" and e say di two leaders don get "great relationship for many years".
At least nine pipo die for Russian attacks wey target bridges for Kyiv and railway stations on Friday, days afta Ukraine badly damage di Crimean Bridge.

Wia dis foto come from, EPA
Zelensky tok say na di "biggest attack dis year" as Russia fire 110 missiles, including 27 ballistic missiles, plus more dan 400 drones. Di attack kill and injure civilians across Ukraine.
Just few hours afta di strikes, Donald Trump tell reporters for White House say Vladimir Putin "go love to end di war".
"Di two of dem wan end am, and na good tin say I get relationship wit dem," Trump tok, referring to Zelensky and Putin. E add say both leaders dey interested in ending di conflict.
Trump bin also double down on im description of di Russian leader as a friend but say im "no fit tok" weda Putin na friend to di US.
However Zelensky tok say despite Trump stance, e see Putin as "a killer".
"I think for most pipo around di world, na killer im be becos e dey kill - by di way - e dey kill pipo evri day and night," e tok.
Di Ukrainian president also say wen pipo dey tok about Putin like say e be friend, e show say "e no dey feel enough pressure".
Di war of words bin come as neighbouring Poland tok say Russian cruise missile dey among di three objects wey violate dia airspace for di southeast of di country early on Friday.
Polish Prime Minister Donald Tusk tok say e no be like accident wen Western military exercises dey take place for di region.
Report no dey say anybody hurt or any damage occur, but Warsaw describe di incident as "provocation" from Moscow.
Nato Secretary General Mark Rutte don condemn di "grave violations of Polish airspace" and say dem don gada Nato jets in response.
Russia neva make any comment about di violations, wey take place during Friday massive attack on Ukraine.
Defence Minister Wladyslaw Kosiniak-Kamysz tok say missile hit one rural area for Nowy Lipowiec about 50km (31 miles) from di Ukrainian border.
Di missile hit about 100km (62 miles) from wia European troops - from 11 of di 36 member nations of di Coalition of di Winning - bin dey complete one training exercise, Polish authorities tok.
Dem add say dem suspect say anoda missile and one jet-powered drone hit two oda locations.





















