په افغانستان کې د مېوو سوړ بازار

د افغانستان سوداګرۍ خونه وايي، په تېر کې د افغانستان د وچې او تازه مېوو څه باندې اویا سلنه پاکستان او د دغه هېواده له لارې هند او ځینو نورو هېوادونو ته صادرېده، چې اوس دا صادرات په ټپه درېدلي دي. د دغې خونې مرستیال خان جان الکوزي بي‌بي‌سي پښتو ته وویل، د افغانستان او پاکستان تر منځ د ټولو لارو له تړل کېدو وروسته د افغان مېوې لویه برخه په کور دننه پاتې کېږي، چې له امله یې بېې را ټېټې شوې دي.