هغه جاپانی چې په افغانستان د شوروي خلاف جنګېدلی

یوه جاپاني چې په افغانستان کې یې د پخواني شوروي اتحاد پر وړاندې جګړه کړې، له بی‌بی‌سي سره په مرکه کې په افغانستان کې له شپږو کلونو د ډېرې مودې خاطرې بیان کړې دي.

کوشیرو تاناکا، شاوخوا څلوېښت کاله وړاندې له توکیو څخه افغانستان ته ولاړ او له جمعیت اسلامي ګوند سره یو ځای شو چې د شوروي ځواکونو پر ضد جګړه وکړي.

ده د بي بي سي له خبریال علي حسيني سره په مرکه کې خپلې خاطرې شریکې دي او دا چې ولې افغانستان ته ولاړ، له مجاهدینو سره یې څنګه خبرې کولې، او ولې یې غوښتل چې د وژل کېدو لپاره دغه هېواد ته ولاړ شي؟