Greim Gasta - Iasc

ailt19/10/2011

Iomlán éisc gríosctha ar an dóigh Mharócach le searmúla agus cúscús

Comhábhair

Aon iasc iomlán, glanta – deargán, mar shampla
Duilleoga labhrais
Salann, piobar
1 triopall mór de lus an choire (“peirsil arabach” a thugann Éamonn air)
Roinnt taespúnóg gairleoige
1 phiobar dearg mór, na síolta bainte as agus é gearrtha go garbh
1 chillí bheag dhearg, gearrtha go mion
1 taespúnóg cainéil
3 thaespúnóg cuimín
1 taespúnóg sinséir
1 phaicéad cúscúis
Uisce
Dhá spúnóg bhoird sú úr liomóide
Ola olóige

Modh

Cuimil ola olóige, salann agus piobar ar fud an éisc agus taobh istigh fosta: cuir na duilleoga labhrais taobh istigh den iasc. Cuir faoin ghríoscán é ar feadh 4-5 bhomaite ar gach taobh.
Leis an Chermoula a dhéanamh, tosaigh le lus an choire, cuir roinnt taespúnóggairleoige, an piobar dearg gearrtha, an chillí dhearg, an cainéal, an cuimín, an sinséar, stealladh maith sú liomóide agus stealladh maith ola olóige ann. Measc le chéile iad.
Fliuch an cúscús le huisce, lig dó borradh, agus ansin téigh i bhfriochtán ar theas íseal é. Nuair a bheidh an t-uisce uilig súite isteach ag an chúscús, cuir san oigheann é go ceann roinnt bomaití leis an chócaráil a chríochnú. Blaistigh le lus an choire úr, salann, cainéal agus cúpla meall ime nó stealladh den ola olóige.
Nuair a bheidh an t-iasc réidh, cuir amach ar an phláta láithreach é. Cuir an searmúla air agus cuir an cúscús ar an taobh.