Akụkọ dị mkpa - Mee 27, 2026
Akụkọ dị mkpa - Mee 27, 2026
Mgbe e biputara ya
Gee ihe na-eme n'ụwa taa n'otu nkeji:
- Pati African Democratic Congress (ADC) ekwuola na ha akwụsịtụla ịkpọpụta mpụtara ntuliaka imeụlọ ha mere iji họpụta onye ga-azọrọ ha ọkwa onyeisiala na ntuliaka afọ 2027.
- Onyeisioche kọmitii na-ahụ maka ntuliaka imeụlọ ahụ bụ Ikechi Emenike, kwuru na ha mere nke a iji nye ndị otu ha bụ ndị okpukperechi Alakụba ohere imerube emume Sallah Eid-el-Kabir.
- Emenike kwuru na ha ga-amalite ịkpọpụta mpụtara ntuliaka ahụ ọzọ ma ọ kụọ elekere asatọ nke abalị n'ụbọchị Wenezde abalị iri abụọ na asaa nke ọnwa Mee, 2026.
- Ụlọikpe Ukwu etiti dị n'abuja ekwuola na ọ bụ n'ụbọchị Mọnde abalị isii nke ọnwa Julaị ka ọ ga-ekpebi ikpe banyere ịnapụ Abubakar Malami bụbu minista na-ahụ maka ikpe na Naịjirịa ụlọ iri na asaa ụlọọrụ Economic and Financial Crimes Commission (EFCC) boro ya ebubo na ọ bụ ihe o nwetara site na nrụrụaka.
- Okaikpe Joyce Abdumalik kwuru na ụlọikpe ahụ agwala ndị ọkaiwu na-anọchiteanya EFCC nakwa Malami banyere ụbọchị ikpe ahụ ma kwuo na ha nabatara ya.
Soyere anyị na websaịtị, Instagram, Facebook na WhatsApp chanelụ maka akụkọ niile na-eme n'ụwa.
