સુરત: જ્યારે એક બહેને મૃત ભાઈના 'ધબકારા'ને રાખડી બાંધી
આ રક્ષાબંધન પર , 25 વર્ષીય નિધિ પટેલ ભરૂચ જિલ્લાના હાંસોટ નજીકના આસરમા ગામમાં રવિરાજ મહિડાના કાંડા પર રાખડી બાંધવા પહોંચ્યા હતાં, જેમણે ત્રણ વર્ષ પહેલાં તેમના ભાઈ શૈશવ પટેલનું હૃદય મેળવ્યું હતું.
18 માર્ચ 2023ના રોજ, 24 વર્ષીય મિકેનિકલ ઍન્જિનિયર શૈશવ પટેલને અકસ્માત બાદ સુરતની એઇમ્સ હૉસ્પિટલમાં ડૉકટરોએ બ્રેઇનડેડ જાહેર કર્યા હતા.
ત્યારબાદ પરિવારે શૈશવનાં હૃદય, ફેફસાં, લિવર, કિડની અને ચક્ષુઓનું દાન કરવાનું નક્કી કર્યું હતું.
શૈશવનું હૃદય ભરૂચના હાંસોટ તાલુકાના આસરમા જૂના ગામના 22 વર્ષીય યુવાન રવિરાજ મહિડામાં સુરતની મહાવીર હૉસ્પિટલમાં માર્ચ 2023માં ટ્રાન્સપ્લાન્ટ કરવામાં આવ્યું હતું.
ત્યારે રક્ષાબંધનના દિવસે ભાઈ બહેનના પર્વની અનોખી અને આવી ભાવુક ઉજવણીએ બંને પરિવારોને એક બીજાની વધુ નજીક લાવી દીધા છે.
ત્યારે રક્ષાબંધનના પર્વ પર બંને પરિવારો વચ્ચે ભાવુક ક્ષણો ઉદ્ભવી હતી. જ્યારે પોતાના અંગો દાન કરનાર શૈશવનાં બહેન તેમના ભાઈનું હૃદય જેમને ટ્રાન્સપ્લાન્ટ કરવામાં આવ્યું છે તે રવિરાજ મહિડાના ઘરે પહોંચીને તેમને રાખડી બાંધી હતી.
બીબીસી માટે કલેક્ટિવ ન્યૂઝરૂમનું પ્રકાશન
