IKIBIRIRAHO, Liban ivuga ko Hezbollah na yo yemeye guhagarika ibitero kuri Israel

Amakuru y'ikibiriraho

Didier Bikorimana, Gildas Yihundimpundu na Samba Cyuzuzo

1. Iminota 6 irahezeEbola Bundibugyo: Inkingo eshatu zirimo gukorwa mu gihe hari impungenge ko yakomeza kwiyongera

   

   Ahavuye isanamu, Reuters

   Inkingo eshatu nshya zirimo gukorwa ngo zihangane n’ubwoko budakunze kuboneka bwa Ebola bicyekwa ko bumaze kwica abantu hafi 250 muri Repubulika ya Demokarasi ya Congo (DRC).

   Ikigo mpuzamahanga kigamije kwihutisha inkingo za SIDA (IAVI), kiri mu gikorwa cyo gukora urukingo rumwe, cyavuze ko iki kiza giteje inkeke zo kuba icya mbere kibi cyane kibayeho ku isi.

   Kaminuza ya Oxford yo mu Bwongereza hamwe na kompanyi Moderna ikora imiti, na bo barimo gukora ubushakashatsi ku nkingo z’ubu bwoko bwa Ebola bwitwa Bundibugyo.

   Ihuriro ryo guhanga udushya mu kwitegura ibyorezo (CEPI), ririmo gutera inkunga buri tsinda muri ayo, ryavuze ko “buri munsi urabara” [“ufite agaciro”].

   Kugeza ubu hamaze kugaragara abantu barenga 1,000 bacyekwa ko banduye Ebola muri DRC, mu gihe mu gihugu gituranyi, Uganda, abantu icyenda kugeza ubu bemejwe ko bayanduye.

   Impungenge zikomeje kwiyongera ko iki kiza – cyatahuwe gusa nyuma yuko gikwirakwiriye mu gace karangwamo umutekano mucye gafite ubushobozi bucye bw’ubuvuzi – gishobora kugera ku rwego rw’ikiza cya mbere gikomeye cyane cya Ebola cyabayeho mu Afurika y’uburengerazuba kuva mu mwaka wa 2014 kugeza mu 2016.

   Icyo gihe, abantu hafi 29,000 baranduye naho abarenga 11,000 barapfa.

   Izindi nkuru wasoma:

   Ebola: Iby'ingenzi wamenya kuri iyi ndwara yica iri muri DRC na Uganda OMS yavuze ko iteje inkeke ku isi

   Ebola: Amerika isaba Les Léopards kwitaramura imisi 21 kugira yemere kubakira mu gikombe c'isi

   DR Congo: Denis Mukwege arashinja ishyaka riri ku butegetsi politike yubakiye ku "gusingiza umuntu"

2. Iminota 42 irahezeDR Congo: M23 ivuga ko yafashe izindi ngamba ku bitero bishya ivuga ko FARDC yateguye

   

   Ahavuye isanamu, Reuters

   Umutwe wa AFC/M23 watangaje ko “ikindi gitero cyose gishya” cy’ingabo za leta kizagabwa ku butaka bagenzura kizasubizwa n’ingamba zirimo gusubiza inyuma izo ngabo zikarenga aho zaturutse zitera.

   Mu itangazo, Lawrence Kanyuka uvugira uyu mutwe ubu ugenzura ibice bitandukanye by’intara za Kivu ya Ruguru na Kivu y’Epfo, yavuze ko ukwezi gushize kwa Gicurasi kwaranzwe no “kwongera ibitero byo ku butaka no mu kirere” kw’ingabo za Kinshasa ku bice bagenzura.

   Yongerako M23 itewe impungenge n’uko Kinshasa “yohereza ingabo nyinshi, intwaro ziremereye n’ibikoresho bya gisirikare” ku mirongo y’urugamba “mu kwitegura ibitero bishya” avuga ko bigabwa ku duce dutuwe n’abasivile n’ibirindiro.

   Igisirikare cya DR Congo ntacyo kiravuga ku bitangazwa na M23.

   Kanyuka avuga ko ibyo bitero bishya bigiye gukorwa kubisubiza bitazagarukira gusa ku “kurinda” ibice bagenzura ahubwo bazabisubiza inyuma kugeza inyuma y’aho byaturutse.

   Kuva mu ntangiriro z’umwaka ushize umutwe wa M23 ntabwo wongeye kwagura aho wafashe, ahubwo ku gitutu cy’abahuza warekuye ahatandukanye mu ntara ya Kivu y’Epfo harimo umujyi wa Uvira n’uduce twa teritwari ya Uvira kugera i Kamanyola muri Walungu.

   Umutwe wa Twirwaneho, ukorana na M23, uracyagenzura centre ya Minembwe muri teritwari ya Fizi, centre yahindutse isibanira ry’ibitero by’indege za drones z’ingabo za leta kuva mu mezi ashize.

   Impande zihanganye zimaze igihe kinini zumvikanye ku ngingo zitandukanye zirebana n’agahenge no guhagarika imirwano ariko ku rubuga rw’intambara imirwano ya hato na hato iracyakomeje.

3. Iminota 48 irahezeIbitero bikomeye vy’Uburusiya kuri Ukraine vyishe abantu icenda

   

   Ahavuye isanamu, Getty Images

   N'imiburiburi abantu icenda (9) ni bo bamaze kumenyekana ko bapfuye, abandi benshi barakomereka inyuma y'ibitero Uburusiya bwagavye mu bucagucagu bw’uwu wa kabiri ku bisagara bitandukanye vya Ukraine.

   Batanu biciwe mu gisagara ca Dnipro, mu gihe 25 bahakomerekeye.

   Ku murwa mukuru Kyiv hapfuye abantu bane, abandi n'imiburiburi 51 barakomereka.

   Abantu ibihumbi n'ibihumbi bahungiye mu bibanza bibakingira ibitero ku murwa mukuru, mu gihe umwotsi mwinshi wariko urafumba ushwara igisagara.

   Inzamba zo kugabisha ku bitero zagumye zisamirana mu bice vyinshi vya Ukraine.

   Mu ndwi iheze, Moscou yari yaburiye ko igiye gutangura kugaba "ibitero vy’urukurikirane kandi biteguwe" kuri Ukraine, nk'inyishu ku gitero cagabwe na Ukraine ikoresheje ‘drones’ ku buraro bw’abanyeshure mu karere ka Luhansk kagenzurwa n'Uburusiya, kikaba cahitanye abantu 21.

   Umukuru w'igisagara ca Kyiv, Vitali Klitschko, yahamagariye abanyagihugu kuguma mu bibanza bibakingira ibitero.

   Klitschko yavuze kandi ko inyubakwa zibiri ndende z'amagorofa zakubiswe n'ivyo bitero, kandi ko hari impungenge z'uko hari abantu bashobora kuba bazibiriwe munsi y'ibibomoke.

   Umukuru w’akarere ka gisirikare ku rwego rwa Kyiv, Tymur Tkachenko, yavuze ati: "Umwansi ariko aradutera akoresheje misire zo mu bwoko bwa balistique."

   Izindi nkuru wosoma:

   Intambara yo muri Ukraine: Igitero gikomeye c'Uburusiya cayogoje Kyiv yose mw'ijoro ryakeye

   Putin arahiga ko ategerezwa kwihora inyuma yo kwagiriza Ukraine igitero ku nzu y'uburaro bw'abanyeshure

   Ukraine: Intambara 'yatumye ntwitira abandi' ngo mbone amafaranga ariko itegeko rishya 'rishobora kumpagarika'

4. Haciye isaha 1Liban ivuga ko Hezbollah na yo yemeye guhagarika ibitero kuri Israel

   

   Ahavuye isanamu, Reuters

   Libani ivuga ko umutwe wa Hezbollah, ufashwa na Iran, wemeye gahunda y’Amerika yuko uhagarika ibitero kuri Israel ndetse na Israel igahagarika ibitero ku murwa mukuru Beirut wa Liban.

   Ambasade ya Liban muri Amerika yavuze ko yakiriye “ukwemera kwa Hezbollah kw’icyifuzo cy’Amerika cyo guhagarika ibitero ku mpande zombi”.

   Minisitiri w’intebe wa Israel Benjamin Netanyahu yemeje ayo masezerano, ariko aburira ko ibitero kuri Beirut bizakomeza “niba Hezbollah idahagaritse kugaba ibitero ku mijyi yacu no ku basivile”.

   Ayo matangazo yagiye ahagaragara nyuma yuko Perezida w’Amerika Donald Trump avuganye na Netanyahu hamwe n’abahagarariye Hezbollah ndetse “bemeranyije ko kurasa kose kuzahagarara”, nyuma yuko Iran iburiye ko ibikorwa by’ingabo za Israel muri Liban biteje inkeke ku gahenge kariho ubu hagati y’Amerika na Iran.

   Mu itangazo yasohoye ku mugoroba wo ku wa mbere, ambasade ya Liban yavuze ko “muri ubu buryo bwifujwe, ibitero bya Israel ku nkengero zo mu majyepfo ya Beirut bizahagarara nk’ingurane yuko Hezbollah [na yo] yifashe ku kugaba ibitero kuri Israel”. Yongeyeho ko ako gahenge “kagiye kongerwa kajyemo n’ubutaka bwose bwa Libani”.

   Ariko Netanyahu yagize ati: “Icyarimwe, IDF [ingabo za Israel] izakomeza gukorera mu majyepfo ya Liban nkuko byari biteganyijwe.”

   Nyuma yuko Trump avuze ko impande zombi zemeranyije guhagarika imirwano, hari ugukozanyaho kwakomeje.

   Hezbollah yavuze ko yagabye ibitero bitatu ku bifaru bya Israel no ku basirikare bayo hafi y’ibyaro bibiri byo mu majyaruguru ya Israel, ikoresheje indege nto z’intambara zitajyamo umupilote (drone) hamwe n'"urukurikirane rw’ibisasu bya rutura".

   Ingabo za Israel zavuze ko zasamye ibisasu bibiri byari byarasiwe muri Libani. Nta bakomeretse batangajwe.

   Izindi nkuru wasoma:

   Netanyahu yahishuye ko mu gihe cy'intambara na Iran yasuye UAE 'mu ibanga'

   Ibintu bitandatu isi yamenye kuri Iran

   Igipolisi ca Israel cahagaritse umugabo yakubise hasi umubikira i Yeruzalemu

5. Haciye isaha 1Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.