IKIBIRIRAHO, Trump arashaka impinduka ku masezerano hagati ya Amerika na Iran

Amakuru y'ikibiriraho

Gildas yihundimpundu na Dinah Gahamanyi

1. Iminota 29 irahezeIsrael yigaruriye ingoro ikomeye muri Libani mu gihe ibitero byo ku butaka bigikomeje

   

   Ahavuye isanamu, Reuters

   Igisirikare cya Israel cyigaruriye ahantu hakomeye ho mu majyepfo ya Libani, mu cyo Minisitiri w’Intebe Benjamin Netanyahu yavuze ko ari "impinduka zikomeye" mu gitero cyayo ku mutwe wa Hezbollah.

   Ibi bibaye mu gihe ingabo zirwanira ku butaka zigenda zirushaho kwinjira mu gihugu cya Libani ziva aho zari zisanzwe ziherereye ku ruzi rwa Litani.

   Ubwongereza, Ubufaransa n'Ubudage igikorwa cya Isreal cyo gukomeza kugaba ibitero muri Libani nyuma yaho ingabo za Israel (IDF) ziburira abaturage benshi kwimuka bava mu gace kanini k'amajyepfo ya Libani.

   Minisitiri w'Intebe wa Libani yashinje Isiraheli ko ikora icyo yise "ibihano rusange".

   Umuburo uheruka wo kuva mu gihugu ni uwa kabiri utanzwe na Israel kuri Libani. Mu minsi ishize Israel yabwiye abaturage kuva mu majyepfo ya Libani yose ari munsi y'uruzi rwa Zahrani.

   Umuvugizi w’ingabo za IDF yagize ati: “Umuntu wese uhari hafi y’ingabo za Hezbollah, ibikoresho cyangwa uburyo bwo kurwana ashyira ubuzima bwe mu kaga.”

   Umuvugizi wa IDF yavuze ko "umubare munini w'abasirikare ba Israel barwanira ku butaka" bari muri iki gikorwa, "kuri ubu kirimo kwaguka kikagera no mu tundi duce".

   Minisitiri w’Ububanyi n’Amahanga w’Ubwongereza, Yvette Cooper, yifatanyije n’ibihugu by’i Burayi ku Cyumweru mu gusaba Israel na Hezbollah guhagarika amakimbirane arimo kwiyongera.

   Izindi nkuru wasoma:

   Abategetsi ba Libani n'aba Israel bagiye guhurira muri Amerika ku wa kabiri

   Israel – Hezbollah: uko abava muri Liban bahunga bibakokora

   Netanyahu yavugirijwe induru yinjiye mu nama ya ONU, abatari bake baca barisohokera

2. Iminota 46 irahezeTrump arashaka impinduka ku masezerano hagati ya Amerika na Iran

   

   Ahavuye isanamu, EPA

   Itangazamakuru ryo muri Amerika ryiravuga ko Perezida wa Amerika, Donald Trump, yasabye ko habaho impinduka ku masezerano hagati ya Amerika na Irani agamije kurangiza imirwano yatangiye mu ntangiriro z'uyu mwaka.

   Impinduka zijyanye n’umuhora wa Hormuz n’ikurwaho ry’amabuye y’agaciro ya uranium, nk’uko CBS News, igitangazamakuru gikorana na BBC muri Amerika kibitangaza. Ibiro bya perezida wa Amerika White House ntacyo byasubije ku busabe bwa BBC bwo gutanga igitekerezo.

   Umuvugizi mukuru wa reta ya Iran, yavuze ku Cyumweru ko Tehran itazemera amasezerano ayo ari yo yose keretse uburenganzira bwa Iran bwujujwe byuzuye.

   Perezida Trump n'abafasha be bakuru bahuye kuwa Gatanu kugira ngo bafate "umwanzuro wa nyuma" ku bijyanye no kongera igihe cyo guhagarika imirwano na Iran, ariko inama yarangiye ntacyo bumvikanye ku ntambwe zikurikiraho.

   Ayo masezerano, yatangajwe bwa mbere na Axios ku wa Gatandatu, arimo guhagarika intambara mu gihe cy'iminsi 60, gusaba ko umuhora wa Hormuz wongera gufungura ndetse no gushyirwaho urwego rwo kongera gufungura ibiganiro ku bijyanye na gahunda ya nikleyeri ya Irani, nk'uko bivugwa na CBSnews.

   Mugihe ibiganiro bya dipolomasi bikomeje, amasezerano bivugwa amasezerano ashobora kugabanya ibihano kuri Irani bishobora gutuma ibona imitungo yafatiriwe ya miliyari z'amadolari, nk'uko CBS yabitangaje.

   Ku wa kane, abayobozi ba Amerika bavuze ko ibihugu byombi byemeje gahunda - izwi nka memorandum of understanding - mu gihe hagitegerejwe ko Trump n'ubuyobozi bwa Iran bayemeza.

   Izindi nkuru wasoma:

   Ikibanza c'isaganirizo kuri Trump kigenda kigabanuka uko Amerika na Iran vyegereza amasezerano y'ibanze

   Ibintu bitandatu isi yamenye kuri Iran

   "Project Freedom" ya Trump mu muhora wa Hormuz ni iki?

   Bafise ubwoba kubera ingingo ya Trump yo kugabanya ingabo za Amerika mu Budagi

   Sobanukirwa icyo kuva muri OPEC kwa UAE bisobanuye ku giciro cy'ibitoro ku isi

3. Iminota 56 irahezeMwaramutse neza! Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.