Gŵyl Newydd yn dangos fod y Gymraeg yn 'parhau i ennill tir' yng Nghasnewydd

Rodney Parade, CasnewyddMenter Iaith Casnewydd
Alun Gaffey
BBC Cymru Fyw

Er nad yw Gwent yn cael ei ystyried fel cadarnle traddodiadol i'r iaith, roedd Rodney Parade yn berwi gydag egni dros y penwythnos ar gyfer Gŵyl Newydd 2026.

Gyda phedair ysgol gynradd Gymraeg ac ysgol uwchradd bellach yn y ddinas, ac Eisteddfod yr Urdd ar ei ffordd yna y flwyddyn nesaf, mae'r ŵyl gymunedol hon yn brawf o ffrwydrad go iawn yn nhwf yr iaith yn y de-ddwyrain.

Yn ôl Gareth Jewell, Swyddog Marchnata Menter iaith Casnewydd ac un o drefnwyr yr ŵyl:

"Daeth mwy na'r disgwyl i'r ŵyl, gyda dros fil o bobl yn bresennol. Mae hynny'n arwydd clir fod galw cynyddol am ddigwyddiadau Cymraeg yng Nghasnewydd, a bod yr iaith yn parhau i ennill tir mewn ardal sydd wedi gweld twf sylweddol yn nifer y siaradwyr a'r dysgwyr yn ystod y blynyddoedd diwethaf."

Ychwanegodd: "Mae llwyddiant digwyddiadau fel hyn yn bwysig iawn wrth edrych ymlaen at Eisteddfod yr Urdd 2027. Maent yn dangos bod yna gymuned fywiog, hyderus ac eang sy'n awyddus i ddefnyddio a dathlu'r Gymraeg."

Dyma luniau o'r ŵyl sy'n dangos bod y Gymraeg yn perthyn i bawb yng Nghasnewydd:

Cafodd yr ŵyl ei chynnal ar y meysydd tu allan i stadiwm Rodney Parade ble mae tîm rygbi Y Dreigiau a thîm pêl droed Newport County yn chwarae eu gemauMenter iaith Casnewydd

Cafodd yr ŵyl ei chynnal ar y meysydd tu allan i Rodney Parade, y stadiwm ble mae tîm rygbi Y Dreigiau a thîm pêl-droed Newport County yn chwarae

Desg sain, cyfrifiadur ac atiMenter Iaith Casnewydd

Mae cynnal gŵyl o'r math yma'n waith technegol iawn!

Menter Iaith Casnewydd oedd yn gyfrifol am drefnu'r ŵylMenter Iaith Casnewydd

Menter Iaith Casnewydd oedd yn gyfrifol am drefnu'r ŵyl

Roedd 'na berfformiadau gan blant o ysgolion lleol er mwyn diddanu'r dorfMenter Iaith Casnewydd

Roedd 'na berfformiadau gan blant o ysgolion lleol er mwyn diddanu'r dorf

Yr Argraff yn perfformio ar lwyfanMenter Iaith Casnewydd

Mae Yr Argraff yn fand chweched dosbarth lleol o Gasnewydd sy'n perfformio ac yn hyrwyddo eu cerddoriaeth yn bennaf drwy'r iaith Gymraeg.

Wedi elwa ar berfformio a recordio yn feniw unigryw The Phyllis Maud yn ddiweddar, mae'r grŵp ifanc yn benderfynol o adeiladu cynulleidfa newydd a chodi proffil yr iaith yn y de-ddwyrain.

Daeth Mr Urdd draw i gynnal recce cyn y bydd angen iddo ddychwelyd i Gasnewydd ar gyfer Eisteddfod yr Urdd Bro'r Wenynen yn 2027Menter Iaith Casnewydd

Daeth Mr Urdd draw i gynnal recce cyn y bydd angen iddo ddychwelyd i Gasnewydd ar gyfer Eisteddfod yr Urdd Bro'r Wenynen yn 2027

Wedi'u ffurfio yn 2022, mae Dadleoli bellach yn cael eu hystyried yn un o fandiau roc indie mwyaf cyffrous sîn gerddoriaeth Cymru. Er eu bod yn ifanc, mae gan y grŵp 5-aelod o Gaerdydd albwm a nifer o senglau llwyddiannus eisoes o dan eu gwregys, ynghyd â phrofiad o berfformio ar lwyfannau mawr fel Maes B.Menter Iaith Casnewydd

Wedi'u ffurfio yn 2022, mae Dadleoli bellach yn cael eu hystyried yn un o fandiau roc indie mwyaf cyffrous sîn gerddoriaeth Cymru.

Er eu bod yn ifanc, mae gan y grŵp 5-aelod o Gaerdydd albwm a nifer o senglau llwyddiannus eisoes o dan eu gwregys, ynghyd â phrofiad o berfformio ar lwyfannau mawr fel Maes B

Y dorf yn mwynhau'r adloniant, y lluniaeth ac, wrth gwrs, y tywydd brafMenter Iaith Casnewydd

Y dorf yn mwynhau'r adloniant, y lluniaeth ac, wrth gwrs, y tywydd braf

Mei Gwynedd yn diddanu pobl CasnewyddMenter Iaith Casnewydd

Mei Gwynedd yn diddanu pobl Casnewydd

Trefnwyr yr ŵyl wedi cael eu hysbrydoli i gychwyn band newydd!Menter Iaith Casnewydd

Trefnwyr yr ŵyl wedi cael eu hysbrydoli i gychwyn band newydd!

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Straeon perthnasol