Cyhuddo dyn o lofruddiaeth ar ôl canfod corff dynes mewn fan ar dân
Roedd presenoldeb yr heddlu yn amlwg yn yr ardal ddydd Llun
- Cyhoeddwyd
Mae dyn 38 oed wedi cael ei gyhuddo o lofruddiaeth, ar ôl i gorff dynes gael ei ddarganfod mewn fan oedd ar dân ym Mhrestatyn yn Sir Ddinbych.
Cafodd y gwasanaethau brys eu galw i Gas Works Lane ym Mhrestatyn tua 23:30 nos Sul, yn dilyn adroddiad bod cerbyd ar dân.
Cadarnhaodd archwiliad post mortem mai corff dynes gafodd ei ddarganfod yn y fan.
Fe ymddangosodd Thomas Matthew Hammond Bell, o Ffordd Wellington yn Y Rhyl o flaen llys ynadon Llandudno ddydd Iau wedi ei gyhuddo o lofruddiaeth.
Cafodd ei gadw yn y ddalfa, ac mae disgwyl iddo ymddangos yn Llys y Goron Yr Wyddgrug ddydd Gwener.
Dywedodd y Ditectif Brif Gwnstabl Zoie Dunkerley o Heddlu'r Gogledd:
"Mae ein hymchwiliad yn parhau, ac rydyn ni'n apelio ar unrhyw un sydd ag unrhyw wybodaeth a sydd ddim eisoes wedi siarad â ni, i gysylltu."
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
