Dhukaasa Waashingitan booda sodaa fi jeequmsa ture suuraan

Yeroo sagantaan irbaataa gaazexeessitoonni Waayit Hawus gaggeeffamaa turetti dhukaasni wayita hidhataa tokkoon banametti Pirezidant Doonaald Tiraampiifi aanga'oota olaanoo dabalatee namoonni irbaata kanarra turan hatattamaan bakka sana gadhiisanii akka deeman taasifamaniiru.

Hafeerraan irbaataa kun kan qophaa'e Hoteela Hilten magaalaa Waashgiteen keessatti argamutti ture.

Ameerikaatti namoonni siyaasaa olaaniifi maqaa guddaa qaban, dippilomaatonni, akkasumas gaazexeessitoonni galma Hoteela Hilten Waashingiteen jirutti argamanii ture.

Akkuma dhukaasni dhaga'ameen teessumaafi minjaala jala dhokachuuf dirqamaniiru.

Namni dhukaasa kana banuun shakkame kun Kool Tomaas Aleen kan jedhu yoo ta'u, jiraataa Kaalifoorniyaa umuriin isaa waggaa 31 ta'edha jechuun miidiyaaleen Ameerikaa gabaasaniiru.

Wixata mana murtiitti dhiyaatee himanni akka irratti banamus ibsameera.

Miseensi tikaafi nageenyaa Ameerikaa tokko miidhamee hospitaalatti wallaanamaa jiraachuu aanga'oonni biyyattii dubbataniiru.

Taateen halkan sana irbaatarratti ture suuraan maal fakkaata?