Morkii Kophee Warqee - Imbaappeen dursuu eegale, Meesiin jalaa fudhataa?

Waancaan Addunyaa guyyaa har'aa morkii Arjantiinaafi Ispeen gidduutti taasifamuun xumurama.

Wal morkii kanaan walqabatee eenyutu abbaa Kophee Warqii ta'a kan jedhus ni eegama.

Lammiin Faransaay Kiliyaan Imbaappeen tapha sadarkaa sadaffaan xumuruuf Ingilaand waliin taasisan irratti 4fi 6'n mo'amanis galchii lama galcheera.

Kanaanis, Waancaa Addunyaa baranarraatti galchiiwwan galche 10'n gaheera. Mesiin hanga yoonaa saddeet galcheera.

Kanaanis, galchii Waancaa Addunyaa irratti galchuun rikoordii Liyooneel Mesii galche caaluun cabseera.

Haa ta'u malee, Mesiin carraa biraa qaba. Kunis, tapha har'a taphatamudha.

Yoo Mesiin tapha xumuraa kana irratti lama galche badhaasa Kophee Warqii kana injifata.

Sababnimmoo, kubbaan akka galtu tumsuun Imbaappeerra caala.

Yoo kuni ta'uudhaa baate garuu Imbaappeen, ganna 27, taphataa jalqabaa badhaasa kana si'a lama fudhate ta'a.

Waancaa Addunyaarratti galchiiwwan hedduu galchuun morkii Mesiifi Imbaappee gidduu ture Imbaappeen caaleera.

Imbaappeen amma galchii 22'n dursuu eegaleera. Mesiin immoo galchii 21'n itti aana.

Waancaa Addunyaarratti barana Imbaappeen galchii 10 galche - kuni galchii hedduu yeroo dheeraa booda Waancaa Addunyaa tokkoorratti galmaa'edha.

Waancaa Addunyaarratti yeroo xumuraaf taphataan galchii dijitii lama galche Gerd Muularidha. Innuu bara 1970 dha.

Waancaa Addunyaa baranaa dura taphattoonni Waancaa Addunyaa tokkoorratti galchiiwwan saddeet yookiin isaa ol galchan saddeet qofaadha.

Isaaniis Muular, Jast Fonteeyin, Saandor Koksis, Adeemir, Yusebiyoo, Guyilermo Istaabil, Ronaaldoo fi Imbaappeedha.

Waancaan Addunyaa 2026 jifattoota jajjaboof morkii garii seenaa itti galmeessanidha.

Jifataan Ingilaand Juud Beelingihaam Waancaa Addunyaa baranaarratti galchii torba galche.

Kunis, galchii hedduu lammiin Ingilaandiin Waancaa Addunyaarratti galmaa'edha.

Halaand galchii torba galche garuu galchiin akka lakkaa'amtu waan tumse hin qabu.