Wo dúkìá 45 tó jẹ́ ti agbẹjọ́rò àgbà l'bẹ́ ìjọba Buhari, Abubakar Malami tí ilé ẹjọ́ gbẹ́sẹ̀lé

Ile ẹjọ giga kan nillu Abua ti paṣẹ ki ijọba gbẹsẹ le dukia ti iye rẹ le ni ogoji to jẹ ti adajọ agba Naijiria tẹlẹ, Abubakar Malami.

Adajọ Joyce Abdulmalik gba ẹbẹ EFCC wọle pe ki wọn gbẹsẹ le awọn dukia naa lẹyin ti agbejọro Malami kuna lati ṣalaye pe ki n ṣe nipa ọna eburu lo fi ni awọn dukia naa.

Ṣaaju idajọ rẹ ni adajọ ọhun kọ oniruru ẹbẹ Malami lẹyin to ni wọn ko lẹsẹ nilẹ.

O ni ọrọ to wa niwaju oun kii ṣe "ta lo ni dukia" bi ko ṣe pe bawo ni wọn ṣe ko dukia naa jọ.

Gẹgẹ bi adajọ ọhun ṣe sọ, afurasi naa ko sọ pe kii ṣe ọna eburu loun fi ko ọrọ ọhun jọ.

Abala kẹtadinlogun ofin iwa jibiti, iyẹn Advance Fee Fraud and Other Fraud Related Offences Act lo fi gbe idajọ rẹ kalẹ.

Amọ adajọ ọhun gbẹsẹ kuro lori awọn dukia kan ti wọn ti gbẹsẹle ṣaaju.

Ninu oṣu Kinni ọdun 2026 yii ni EFCC rọ ile ẹjọ pe ko gba oun laaye lati gbẹsẹle dukia mẹtadinlọgọta to jẹ ti afurasi ọhun eyii ti iye owo rẹ to ₦212.8 biliọnu.

Lọjọ kẹrindinlogun oṣu Kinni ti ile ẹjọ n lọ fun isinmi lo ni ki wọn gbẹsẹle awọn dukia naa fun igba diẹ.

O wa paṣẹ fun EFCC lọjọ naa pe ko kede ninu awọn iwe iroyin ki ẹnikẹni to ba ro pe ko yẹ ki wọn gbẹṣẹle awọn dukia naa lati wa ṣalaye eredi niwaju oun.

Ilu Abuja, Kano, Kebbi ati Kaduna lawọn dukia naa wa.

Lẹyin ikede EFCC ni Malami funra rẹ, iyawo rẹ Nana Hadiza Malami, ati ọmọ rẹ, Abdulaziz Abubakar atawọn ileeṣẹ mii ti wọn ni nnkan lati ṣe pẹlu awọn dukia naa pe ẹjọ tako igbesẹ ọhun.

Wọn ni ki ile ẹjọ da ẹjọ EFCC nu ko si wọgile aṣẹ to ni ki wọn gbẹsẹle awọn dukia naa nitori ko ba ofin mu lati ṣe bẹẹ.

Gẹgẹ bi wọn ṣe sọ, ọna to tọ ati eyii to ba ofin mu ni wọn fi ko dukia naa jọ.

Lẹyin ti ile ẹjọ pada de lati isinmi ni wọn gbe ẹjọ ọhun lọ siwaju adajọ Joyce Abdulmalik lati gbọ ati lati gbe idajọ kalẹ lori rẹ.

EFCC ṣalaye pe iwadii oun fi han pe lootọ ni Malami ati gbogbo awọn ti wọn lọwọ ninu awọn dukia naa ko jọ nipa jibiti.

O wa rọ ile ẹjọ ko kuku gbẹsẹle gbogbo dukia ọhun patata.

Iwọnyii ni awọn dukia Malami ti ilẹ ẹjo ki wọn gbẹsẹle ati ibi ti wọn wa