АҚШ - Эрон сўнги янгиликлар: Сулҳ бузилишими ёки Трампнинг яна бир лойиҳаси?

Ўқилиш вақти: 1 дақ

Якшанба куни Доналд Трамп АҚШнинг Ҳормуз бўғозида қолиб кетган кемаларни "йўналтириб чиқариш" режаларини эълон қилди. "Project Freedom" (Озодлик лойиҳаси) деб номланган ташаббус бўйича ҳозирча маълум бўлганлар ва номаълум жиҳатлар қуйидагича.

Билганларимиз

  • Якшанба куни "Truth" ижтимоий тармоғидаги постида АҚШ президенти операция "душанба куни эрталаб, Яқин Шарқ вақти билан" бошланишини айтди.
  • АҚШ Марказий Қўмондонлиги (US Central Command) бу ҳаракатни 15 минг ҳарбий хизматчи, бошқариладиган ракетали эсминецлар ва 100 дан ортиқ самолётлар билан қўллаб-қувватлашини билдирди.
  • Трамп операцияга ҳар қандай "аралашув" бўлса, унга "қатъий чоралар билан" жавоб беришини айтиб таҳдид қилди.
  • Шундан сўнг Эрон АҚШ эсминецининг бўғозга киришига йўл қўймаганини даъво қилди. Бироқ хабарларга кўра, АҚШнинг юқори мартабали расмийси Эрон АҚШ кемаларидан бирига зарба бергани ҳақидаги даъвони рад этган. Би-би-си бу борада аниқлик киритиш учун АҚШ Марказий Қўмондонлиги ва Пентагон билан боғланган.

Билмаганларимиз

  • Операция ҳақиқатан бошланганми-йўқми — ҳозир Эрон вақти билан тушдан кейин.
  • Қайси давлатлар кемалари бўғоздан чиқишда АҚШ ёрдамини олиши — Трамп бу операция урушга "ҳеч қандай алоқаси бўлмаган ҳудудлардан келган кемаларга" ёрдам беришини айтган.
  • Кемаларни бўғоздан чиқаришнинг логистикаси — хабарларга кўра, АҚШ ташаббуси тижорат кемаларини АҚШ Ҳарбий-денгиз кучлари томонидан тўғридан-тўғри кузатиб боришни мажбурий тарзда ўз ичига олмайди; аксинча, кемаларга хавфсиз денгиз йўналишлари бўйича маслаҳат бериш ва Эрон ҳужумларининг олдини олиш мақсадида яқин масофада бўлиш назарда тутилмоқда.
  • Бу ҳолат АҚШ ва Эрон ўртасидаги бир неча ҳафтадан бери давом этаётган сулҳ учун нимани англатиши — аввалроқ Эроннинг юқори лавозимли расмийси "Американинг ҳар қандай аралашуви" сулҳнинг "бузилиши деб баҳоланишини" айтганди, Трамп эса буни "гуманитар жараён" деб атаган.