Чемпионлар лигасидаги Пари Сен-Жермен ғалабаси ортидан Франция юзлаб одамларни ҳибсга олди

Байрам тезда зўравонликка айланиб кетди.

Сурат манбаси, Reuters

Сурат тагсўзи, Байрам тезда зўравонликка айланиб кетди.
Published
Ўқилиш вақти: 2 дақ

Чемпионлар лигасида Пари Сен-Жермен (ПСЖ) жамоасининг Арсенал устидан ғалаба қозониши ортидан Франция бўйлаб ишқибозлар ва полиция ўртасида келиб чиққан тўқнашувларда 400 дан ошиқ одам ҳибсга олинди.

Пойтахт Парижда поезд ва автобус қатновларини издан чиқарган тартибсизликларни назорат қилиш учун минглаб полиция зобитлари сафарбар қилинди.

Кенг қамровли мушакбозликда бир неча полициячилар жароҳат олди. Полиция шаҳар марказидаги оломонни тарқатиш учун кўзни ёшлантирувчи газни ишга солди.

Skip Ижтимоий тармоқлардаги саҳифаларимиз and continue readingИжтимоий тармоқлардаги саҳифаларимиз

End of Ижтимоий тармоқлардаги саҳифаларимиз

Ўтган йил ҳам ПСЖ айни кубокни қўлга киритганида, шу каби зўравонликлар келиб чиқиб иккита ўлимга сабаб бўлганди. Ички ишлар вазири Лорен Нунйезнинг айтишича, бу сафар полиция қаттиқ тайёрланганди.

Франция жамоаси пеналтида ютиши биланоқ Парижнинг Шанс Элизе дарвозасини ишқибозлар эгаллаб олишди.

Париж кўчаларидаги аҳвол.

Сурат манбаси, EPA

Сурат тагсўзи, Париж кўчаларидаги аҳвол.

Тасвирларда кўринишича, мушаклар отилган, йўлларда электрик велосипедларга ўт қўйилган ва камида бир дўконнинг деразаси синдирилган.

ПСЖ стадиони ташқарисидаги ҳолат.

Сурат манбаси, Reuters

Сурат тагсўзи, ПСЖ стадиони ташқарисидаги ҳолат.
Полицияга қарата отилган мушаклар бир неча зобитни яралаган.

Сурат манбаси, Reuters

Сурат тагсўзи, Полицияга қарата отилган мушаклар бир неча зобитни яралаган.

Матчдан аввалроқ ПСЖнинг Парк де Принс стадиони ташқарисидаги баҳайбат экранларда Венгрия пойтахти Будапештда бўлиб ўтадиган ўйинни томоша қилиш учун йиғилган ишқибозлар ва полиция тўқнашган.

Полицияга кўра, нотинчликларда олтита автомобил, иккита бизнес ва автобус бекати зарар кўрган.

Skip Энг кўп ўқилган and continue reading
Энг кўп ўқилган

End of Энг кўп ўқилган

Расмийлар билдиришича, якшанбага ўтар кечаси 416 одам ҳибсга олинди, улардан 280таси Парижда.

Нунйез бир неча полициячи жароҳат олганини айтиб, буни «мутлақ номақбул» ҳодиса деб атади.

Ishqibozlar
Reuters
Faqatgina Fransiyada g'alabadan keyin zo'ravonlikka yuz tutmaslik uchun hamma uyiga qamalib olishga majbur bo'ladi.
Marin Le Pen
Fransiya o'ng qanot lideri (bbc.com/uzbek)

Ўта ўнг қанот лидер Марин Ле Пен Хда муносабат билдира туриб: «Фақатгина Францияда футбол жамосининг ғалабаси қўзғолон билан якун топади», - деб ёзди.

«Фақатгина Францияда ғалабадан кейин зўравонликка юз тутмаслик учун ҳамма уйига қамалиб олишга мажбур бўлади», деди у.

ПСЖ жамоасининг аъзолари якшанба куни тушликда Шанс Элизе ва Эйфел минораси орқали ўтадиган ғалаба парадида қатнашишлари ва Президент Эммануэл Макрон билан учрашишлари режаланган.