1991 کی خلیجی جنگ کے بعد پہلی مرتبہ کویت کی ماہانہ تیل برآمدات صفر بیرل رہیں: رپورت
دنیا میں سمندر کے ذریعے تیل کی ترسیل پر نظر رکھنے والی ویب سائٹ ’ٹینکر ٹریکرز‘ نے دعویٰ کیا ہے کہ اپریل کے مہینے میں کویت کی خام تیل کی برآمدات صفر رہیں۔
ٹینکر ٹریکرز کی جانب سے جاری اعداد و شمار کے مطابق 1991 کی خلیجی جنگ کے خاتمے کے بعد یہ پہلا موقع ہے جب کویت نے پورے مہینے خام تیل برآمد نہیں کیا۔
بی بی سی عربی کے مطابق کویت پٹرولیم کارپوریشن کی جانب سے اس حوالے سے تاحال کوئی باضابطہ بیان جاری نہیں کیا گیا تاہم ٹینکر ٹریکر کا کہنا ہے کہ گذشتہ مہینے کے دوران کویت کی تیل برآمدات ’صفر بیرل‘ رہیں۔
ٹینکر ٹریکرز کا کہنا ہے کہ کویت میں تیل کی پیداوار جاری ہے جس کا کچھ حصہ ذخیرہ کیا جا رہا ہے جبکہ ریفائنڈ پڑوڈکٹ میں تبدیل کیا جا رہا ہے اور اس کی کچھ مقدار برآمد بھی کی گئی ہے۔ ’تاہم ہماری معلومات کے مطابق خام تیل اب تک کویت سے باہر نہیں بھیجا گیا۔‘
