መረጻ ኢትዮጵያ፡ ምስልታት መስርሕ ምድማጽ ዜጋታት

ትግራይን ሰፋሕቲ ከባቢታት ክልላት ኣምሓራን ኦሮሚያን ዘይተሳተፍዎ መበል 7ይ ሃገራዊ መረጻ ኢትዮጵያ ሎሚ ክካየድ ውዒሉ'ሎ።

ኣብ ገለ ምርጫ ክካየደሉ ተመዲቡ ዝነበረ ቦታታት'ውን ብሰንኪ ጸጥታዊ ኲነታት መስርሕ ምድማጽ ተቛሪጹ ወይ ተደናጒዩ እዩ።

ተቓወምቲ ውድባት፡ መንግስቲ ፌደራል ንመራሕቶም ብምእሳርን ኣብ ፖለቲካዊ ንጥፈታቶም ሕጋውን ምምሕዳራውን ዕንቅፋት ብምፍጣርን ከምዘዳኽሞም ይኸሱ። መንግስቲ ግን ነቲ ክስታት ከነጽጎ'ዩ ዝስማዕ።

እቲ ገዛኢ ሰልፊ ብልጽግና ብገፊሕ ከምዝዕወተሉ ዝንገረሉ ዘሎ መረጻ፡ ኣብ ዝተረፈ ክፋላት እታ ሃገር ክካየድ ውዒሉ። ኣድመጽቲ በቢከባቢኦም ንዝቐረብሎም ተወዳደርቲ ክመርጹ ውዒሎም።

ቀዳማይ ሚኒስተር ኣቢይ ኣሕመድ'ውን ኣብቲ ዝወከሎ ከባቢ በሻሻ ድምጹ ሂቡ'ሎ፣ ነቲ መስርሕ ምድማጽ ዝገልጹ ገለ ስእልታት ቀሪብናልኩም ኣለና፡