TOOS , Qoysas quus ka taagan helitaanka war ku saabsan eheladooda, xilli kooxaha gurmadku ku hawlan yihiin aqoonsiga dadkii ku dhintay shilkii tareennada Spain

Tebin toos ah

1. 6 Saacadood ka horWar deg deg ah, War cusub oo ku soo kordhay doorashada Israa'iil iyo baaritaan lagu baaqay

   Madaxweynaha Israa’iil, Isaac Herzog, ayaa ku baaqay in si “dhammeystiran” loo baaro eedeymaha sheegaya faragelin shisheeye oo lagu sameeyay doorashooyinka dalka, balse wuxuu ka digay in baaritaanku uusan “sumcad xumo u horseedin” dhammaan bulshada Carabta ee Israa’iil.

   Kadib markii Benjamin Netanyahu iyo xulafadiisu ay ku eedeeyeen in bulshada Carabta ee Israa’iil loo sameeyay “laaluushyo doorashada ku saabsan” si loo kordhiyo ka-qaybgalkeeda codbixinta, hay’adda amniga gudaha ee Israa’iil, Shin Bet, ayaa loo xil saaray inay baarto eedeymo sheegaya in lacag laga soo wareejinayay Turkiga iyo Qadar loona gudbinayay Israa’iil, si loo saameeyo codadka bulshada Carabta.

   Xisbiga Joint List, oo ah isbahaysi ay ku mideysan yihiin inta badan xisbiyada Carabta ee Israa’iil, ayaa iska fogeeyay eedeymaha Netanyahu ee musuqmaasuqa iyo faragelinta shisheeye, isaga oo ku tilmaamay kuwo aan sal lahayn. Waxa uu sidoo kale ku eedeeyay inuu isku dayayo inuu shaki geliyo natiijada doorashada.

   War uu isbahaysigu soo saaray ayaa lagu yiri: “Ololaha kicinta ah ee Netanyahu iyo isbahaysigiisa faashiistaha ah ay ku qaadeen codadka muwaadiniinta Carabta wuxuu muujinayaa cabsida ay ka qabaan awoodda siyaasadeed ee bulshadaas.”

   Qadar ayaa iyaduna maanta bayaan ay soo saartay ku beenisay inay faragelin ku sameysay doorashooyinka Israa’iil.

   Iyadoo inta badan codadka doorashada la tiriyay, xisbiyada Carabta ayaa ilaa hadda ku guuleystay 19 kursi. Tiradan oo aan horay loo arag ayaa siin karta door muhiim ah oo go’aamin kara awood-qaybsiga iyo dhismaha dowladda.

   Sidoo kale sii akhri wararkan

   Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

   Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

   Wadaad Islaami ah oo muran badan dhaliyay oo lagu toogtay Nigeria

   Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

2. 6 Saacadood ka horWar deg deg ah, Degdeg: Maxaa ka jira in Qadar ay faraglisay doorashada Israa'iil

   Qadar ayaa si cad u beenisay eedeymaha sheegaya inay faragelin ku hayso doorashooyinka Israa’iil ama ay maalgelinayso dhaqdhaqaaqyo lagu doonayo in lagu saameeyo natiijada doorashada.

   Jawaabta Qadar ayaa timid kadib markii hay’adda amniga gudaha ee Israa’iil, Shin Bet, loo xil saaray inay baarto eedeymo sheegaya in lacag laga soo wareejinayay Turkiga iyo Qadar loona gudbinayay Israa’iil, si loo saameeyo codbixinta bulshada Carabta. Eedeymahan waxaa horay u jeediyay Benjamin Netanyahu iyo xulafadiisa.

   “Eedeymahani waa kuwo aan macquul ahayn isla markaana khatar ah,” ayu uku yiri bayaan uu ku daabacay barta X,Majid Ansari, afhayeenka Wasaaradda Arrimaha Dibadda Qadar.

   Wuxuu intaas ku daray in magaca Qadar oo marar badan lagu soo hadal qaado ololayaasha iyo doodaha doorashada Israa’iil ay muujinayso sida ay qaar ka mid ah siyaasiyiinta iyo warbaahinta Israa’iil ugu nugul yihiin arrimaha la xiriira Qadar.

   Qoraalka ayaa sidoo kale lagu sheegay in Qadar aan laga dhigin wax loo adeegsado in lagu qariyo fashilka siyaasadeed ee qaar ka mid ah siyaasiyiinta Israa’iil. Halkii ay dareenka u jeedin lahaayeen Qadar, waa inay diiradda saaraan codbixiyeyaashooda, hagaajiyaan nolol maalmeedka dadka, isla markaana magdhow ka bixiyaan waxyeellada ay gobolka ka geysteen.

   Dhanka kale, Madaxweynaha Israa’iil Isaac Herzog ayaa taageeray baaritaanka eedeymaha faragelinta shisheeye ee doorashada, balse ka digay in baaritaanku uusan sumcadda guud ee bulshada Carabta ee Israa’iil dhaawicin.

   Sidoo kale sii akhri wararkan

   Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

   Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

   Wadaad Islaami ah oo muran badan dhaliyay oo lagu toogtay Nigeria

   Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

3. 7 Saacadood ka horWar deg deg ah, Meydadka oo laga soo daad gureynayo goobtii shilku ka dhacay

   Ra’iisul Wasaaraha Spain, Pedro Sánchez, ayaa ballanqaaday in sida ugu dhaqsaha badan loo soo saari doono natiijada baaritaanka sababihii keenay shilkii tareen ee dhimashada badnaa ee Arbacadii ka dhacay meel u dhow magaalada Madrid.

   Wuxuu sheegay in dadaallada lagu soo saarayo meydadka ay si xawli ah u socdaan. Booliiska ayaa qoysaska rakaabka ka codsaday inay bixiyaan muunado DNA ah si ay uga caawiyaan aqoonsiga dadka dhintay.

   Waxaa la xaqiijiyay in 69 qof ay dhinteen markii tareen xawaare sare ku socday oo ka baxay caasimadda Madrid kuna sii jeeday Seville uu ku dhacay tareen taagnaa oo isla khadkaas marayay.

   Duubitaanno cod ah ayaa u muuqda inay muujinayaan in tareenka dheereeya loo oggolaaday inuu dhaqaaqo iyada oo aan wax xaddidaad ah lagu soo rogin xawaaraha uu ku socdo.

   Waa shilkii labaad ee dhimasho sababa oo ka dhaca khadkaas tareennada muddo ka yar hal sano.

   Sidoo kale sii akhri wararkan

   Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

   Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

   Wadaad Islaami ah oo muran badan dhaliyay oo lagu toogtay Nigeria

   Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

4. 7 Saacadood ka horWar deg deg ah, Geed daroogo ah oo Afghanistaan aad loogu beeray tan iyo markii Daalibenaan talada qabteen

   Qaramada Midoobay ayaa sheegtay in wax-soo-saarka maadada opium-ka ee dalka Afghanistan uu si weyn u korortay, inkasta oo maamulka Daalibaan uu mamnuucay beerashadeeda.

   Xafiiska Qaramada Midoobay u qaabilsan daroogada iyo dambiyada ayaa sheegay in dhulka loo adeegsado beerista geedka poppy-ga uu afar jibbaar ka badan yahay kii sannadkii hore, halka wax-soo-saarka opium-ka lagu qiyaasay 300 oo tan, taas oo shan jibbaar ka badan tiradii sannadkii hore.

   Qaramada Midoobay ayaa sheegtay in tani ay tahay kororkii ugu horreeyay ee weynaa tan iyo markii mamnuucidda la soo rogay sannadkii 2022.

   Waxay sidoo kale sheegtay in qaar ka mid ah beeraleyda saboolka ah ay dib ugu laabteen beerista poppy-ga si ay qoysaskooda u quudiyaan.

   Sidoo kale sii akhri wararkan

   Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

   Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

   Wadaad Islaami ah oo muran badan dhaliyay oo lagu toogtay Nigeria

   Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

5. 8 Saacadood ka horWar deg deg ah, Moscow oo weerarro lagu ekeyay xilli hoggaamiyaal Afrikaan ah ay ku shirayaan

   Ruushka ayaa cambaareeyay weerarro ay diyaaradaha aan duuliyaha lahayn ee Ukraine habeenkii xalay ku qaadeen magaalada Moscow, xilli ay magaaladaasi martigelinayso in ka badan 20 hoggaamiye oo Afrikaan ah oo ka qaybgalaya shir-madaxeedka Ruushka iyo Afrika.

   Afhayeenka Aqalka Kremlin-ka, Dmitry Peskov, ayaa waqtiga ay weerarradu dhaceen ku tilmaamay mid “aad loola yaabo”.

   Duqa magaalada Moscow, Sergei Sobyanin, ayaa sheegay in in ka badan 600 oo diyaaradood oo aan duuliye lahayn oo laga leeyahay Ukraine ay habeenkii bartilmaameedsadeen gobolka Moscow, kuwaas oo intooda badan la soo riday.

   Ukraine ayaa kordhisay weerarrada ay ka fulinayso gudaha Ruushka, iyadoo isku dayaysa inay wiiqdo kaabayaasha dhaqaalaha iyo adeegyada dalka, isla markaana ay muwaadiniinta caadiga ah ee Ruushka dareensiso saameynta dagaalka.

   Warar dheeraad ah:

   Muxuu yahay baasaboorka cusub ee Soomaaliya yeelanayso, muxuuse uga duwan yahay kuwii hore?

   Tirada iyo noocyada dayaaradaha dagaalka ee Itoobiya ay ka heshay Ruushka

6. 29 Oktoobar 2026War deg deg ah, The Guardian: Netanyahu wuxuu lumiyay kalsoonidii uu ku hoggaamin lahaa Israa'iil

   Dul-marka wargaysyada : Wargeyska The Guardian ayaa falanqaynaya mustaqbalka Ra’iisul Wasaaraha Israa’iil Benjamin Netanyahu kadib doorashooyinkii dhowaan dhacay. Dhanka kale, The Telegraph ayaa ka hadlaya sababaha loo adeegsanayo rabshadaha inta lagu jiro dibadbaxyada Yurub, halka The Independent uu daabacay daraasad ku saabsan muhiimadda isku-duubnida dadka iyo saameynta ay ku leedahay maskaxda iyo dareenka qofka.

   Waxaan ku bilaabaynaa doorashooyinka baarlamaanka Israa’iil ee baarlamaanka aragtida The Guardian ee natiijada doorashada iyo mustaqbalka Netanyahu.

   Wargeysku wuxuu cinwaan uga dhigay: “Netanyahu wuxuu lumiyay kalsoonidii uu ku maamuli lahaa, haddii mucaaradkiisuna midoobaanna wuxuu sidoo kale lumin doonaa awoodda.”

   Wargeysku wuxuu qoray in tirinta codadka doorashada ay weli socoto, balse sida uu sheegay The Guardian, “inta badan codbixiyeyaasha” ay doorteen inay codkooda siiyaan mucaaradka Netanyahu.

   Wargeysku wuxuu xusay in Netanyahu uu weli haysto kuraasta ugu badan ee baarlamaanka, balse isbahaysigiisu uu waayay ku dhowaad toban kursi, taas oo ka dhigan inuusan awoodi doonin inuu dhiso dowlad aqlabiyad leh.

   Wuxuu sidoo kale sheegay in xisbiyada Falastiiniyiinta iyo Israa’iiliyiinta ay horumar weyn sameeyeen. Sida uu qoray The Guardian, Netanyahu waxaa la tartamaya Gadi Eisenkot oo haysta laba xulasho: inuu u hoggaansamo hadallada cunsuriyadda iyo cabsi-gelinta leh ee Netanyahu, ama inuu la shaqeeyo xisbiyada Carabta.

   The Guardian ayaa xusay in Netanyahu uu weli isu soo bandhigo inuu yahay “nin mudan in la doorto”, inkasta oo uu ahaa hoggaamiyihii kormeerayay fashilaadihii amni ee naxdinta lahaa ka hor weerarkii Xamaas ee 7-dii Oktoobar 2023. Waxa kale oo uu wajahaya maxkamadeyn la xiriirta eedeymo musuqmaasuq.

   Wargeysku wuxuu sheegay in dagaalka Netanyahu uu ku qaaday Iiraan uu “xasillooni-darro ka abuuray gobolka”, halka ololaha doorashada si kooban oo keliya looga hadlay tobannaan kun oo Falastiiniyiin ah oo lagu dilay dagaalka Qasa.

   The Guardian ayaa intaas ku dartay in Netanyahu uu ololihiisa doorashada ku tiirsanaa cabsi-gelin, isaga oo ku eedeeyay “muwaadiniinta Falastiiniyiinta ah, oo ka kooban ku dhowaad shan meelood meel dadka Israa’iil, inay isku dayayaan inay doorashada musuqmaasuqaan”.

   Wargeysku wuxuu ku dooday in Netanyahu, oo ku xeel dheer sidii uu siyaasadda ugu sii jiri lahaa, uu weli haysto xeelado kale. Waxa uu sheegay in khatarta ugu weyn ay tahay in Trump lagu riixo inuu weerar cusub ku qaado Iiraan kadib doorashooyinka xilliga dhexe ee Mareykanka, isaga oo tixgelinaya in dagaal joogto ahi u noqon karo Netanyahu jid uu siyaasaddiisa ku badbaadsado.

   The Guardian ayaa sheegay in isbahaysiga Eisenkot uu awood u leeyahay inuu xilka ka tuuro ra’iisul wasaaraha hadda jira. Waxana uu intaasi ku daray in taageerayaasha Eisenkot aysan u mahadcelin doonin haddii uu ku guuldarreysto inuu Netanyahu xukunka ka tuuro, isaga oo haysta fursaddaas.

   dayax-gacmeed oo Rasputin ah.

   Warar dheeraad ah:

   Muxuu yahay baasaboorka cusub ee Soomaaliya yeelanayso, muxuuse uga duwan yahay kuwii hore?

   Tirada iyo noocyada dayaaradaha dagaalka ee Itoobiya ay ka heshay Ruushka

7. 29 Oktoobar 2026Putin oo wax ka sheegay Elon Musk

   Madaxweynaha Ruushka ayaa Elon Musk ku tilmaamay “qof dhab ahaantii maskax badan”. Waxa uu sheegay in isaga iyo Mr. Musk ay xiriir dhow ka leeyihiin dhinaca tiknoolajiyadda dayax-gacmeedyada.

   Vladimir Putin ayaa hadalkan ka sheegay shir-madaxeedka Ruushka iyo Afrika ee ka socda magaalada Moscow, halkaas oo uu kaga hadlay mashruuca internet-ka dayax-gacmeedyada ee Ruushka oo lagu magacaabo “Rossot”. Mashruucan ayaa dadka u suurtagelin doona inay internet-ka ku helaan dayax-gacmeedyo.

   Starlink ayaa ka mid ah shirkadda SpaceX ee uu leeyahay Mr. Musk.

   Shirkaddu kama aysan jawaabin codsi ay BBC-du u dirtay oo ku saabsanaa inay arrintan ka hadasho.

   Madaxweynaha Ruushka ayaa sidoo kale sheegay in ay muhiim tahay in Ruushku uu xiriirka la sii hayo Elon Musk, si dayax-gacmeedyada Roscosmos iyo Starlink ee ku wareegaya meeraha Dhulka “aysan u carqaladayn shaqada midba midka kale”.

   “Annaga iyo saaxiibbadeenna Mareykanka labaduba waan qiimeynaa iskaashigan, waxaana si adag uga shaqeyneynaa sidii uu u sii socon lahaa, inkastoo ay jiraan kala duwanaansho iyo arrimo siyaasadeed,” ayuu yiri.

   Sida ay sheegtay shirkadda SpaceX, Starlink ayaa ilaa hadda hawada sare u dirtay ku dhowaad 13,000 oo dayax-gacmeed. Taas beddelkeeda, sida ay muujinayaan mareegaha la socda dhaqdhaqaaqa dayax-gacmeedyada, waxaa hadda meeraha Dhulka ku wareegaya oo keliya dhowr iyo toban dayax-gacmeed oo Rasputin ah.

   Warar dheeraad ah:

   Muxuu yahay baasaboorka cusub ee Soomaaliya yeelanayso, muxuuse uga duwan yahay kuwii hore?

   Tirada iyo noocyada dayaaradaha dagaalka ee Itoobiya ay ka heshay Ruushka

8. 29 Oktoobar 2026Lix daawo oo hoos u dhiga awoodda ragga aadna loo isticmaalo

   Daraasado kala duwan ayaa lagu ogaaday dawooyin saamayn wayn ku yeesha awoodda ragannimada, si joogto ahna loo isticmaalo.

   Liiska hoos ku xusan waa dawooyinka ay habboon tahay in ay iska ilaaliyaan ragga, si aysan hoos ugu dhicin awooddooda ragannimo.

   Nolosha gogosha waa mid ka mid ah baahiyaha ugu waawayn ee bani'aadanka, hase yeeshee mararka qaar waxaa ku yimaada caqabado.

   Sababo kala duwan ayaa keeni kara caqabadahaas, balse qaarkood waxaa mas'uul ka ah lix nooc oo daawooyin ah, sida lagu shaaciyay Wakaaladda Wararka ee ANI, oo xog gaar ah kasoo diyaarisay mowduucan.

   ad badan ayaan ka labolabayn inay isticmaalaan dawooyinka xanuun-baabi'iyaha, haddii xitaa xanuunka ay dareemayaan uu yahay mid yar.

   Laakiin, maka war qabtaa in isla dawooyinkaas aad xanuunka ku baabi'inayso ay saamaynayaan awooddaada ragannimada, hoosna ay u dhigayaan?

   Xanuun-babi'iyeyaashu waxay ka hor tagaan inay samaysmaan unugyada taranka, waxayna dhaawacaan hormoonno badan oo muhiim u ah gogosha dhex marta ragga iyo dumarka.

   Sii akhri........

9. 29 Oktoobar 2026Qaramada Midoobay oo sheegtay in wax-soo-saarka opium-ka Afghanistan uu si weyn u kordhay

   Qaramada Midoobay ayaa sheegtay in wax-soo-saarka daroogada nooca opium-ka ee Afghanistan uu si weyn u kordhay, inkasta oo ururka Taalibaan uu mamnuucay beerista geedka laga sameeyo maandooriyahaas.

   Xafiiska Qaramada Midoobay u qaabilsan Daroogada iyo Dambiyada (UNODC) ayaa sheegay in dhulka laga beero geedka poppy-ga ee Afghanistan uu afar jibbaarmay marka loo eego sannadkii hore, halka wax-soo-saarka opium-ku uu shan jibbaarmay, isagoo gaaray qiyaastii 300 oo tan.

   Sida ay Qaramada Midoobay sheegtay, tani waa kororkii ugu horreeyay ee ballaaran ee laga diiwaangeliyo beerista poppy-ga iyo wax-soo-saarka opium-ka ee Afghanistan tan iyo markii Taalibaan ay mamnuucidda soo rogtay sannadkii 2022.

   Hay’addu waxay sheegtay in qaar ka mid ah beeraleyda saboolka ah ee Afghanistan ay mar kale dib ugu laabteen beerista geedka poppy-ga si ay u daboolaan baahiyaha nolosha qoysaskooda.

   Sidoo kale sii akhri wararkan

   Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

   Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

   Wadaad Islaami ah oo muran badan dhaliyay oo lagu toogtay Nigeria

   Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

10. 29 Oktoobar 2026Iran oo beenisay wararka sheegaya in Qatar ay Tehran u gudbisay hindise cusub oo lagu soo afjarayo dagaalka

    Mas’uul sare oo Iiraani ah ayaa Arbacadii beeniyay wararka sheegaya in Qatar ay Tehran u gudbisay hindise cusub oo lagu soo afjarayo dagaalka. Wuxuu sheegay in Qatar aysan soo bandhigin qorshe cusub oo nabadeed, balse ay soo jeedisay fikrado uu ku tilmaamay kuwo aan Iiraan aqbali karin.

    Wakaaladda wararka ee Reuters ayaa markii ugu horreysay baahisay warkan, iyadoo soo xiganaysa mas’uul xog-ogaal u ah wadaxaajoodyada.

    Mas’uulkaasi wuxuu sheegay in dhexdhexaadiyeyaasha Qatar ay Axaddii la wadaageen mas’uuliyiinta Iiraan qabyo-qoraal heshiis cusub oo lagu soo afjarayo dagaalka.

    Hase yeeshee, mas’uulka Iiraan ayaa wareysi uu siiyay Reuters ku sheegay in Tehran aysan helin hindisahaas cusub ee nabadeed. Wuxuu sidoo kale adkeeyay in Iiraan aysan wax tanaasul ah ka sameyn doonin arrinta nukliyeerka.

    Reuters ayaa sidoo kale sheegtay in qabyo-qoraalka heshiiska loo gudbiyay mas’uuliyiinta Iiraan Axaddii la soo dhaafay, iyadoo la filayo in jawaabta Tehran la shaaciyo dhammaadka toddobaadkan. Isha xogtan bixisay ma ahayn Iiraani.

    Sida ay Reuters sheegtay, qorshaha Qatar wuxuu ka kooban yahay jadwal toddoba maalmood ah oo lagu xallinayo walaacyada Iiraan iyo Maraykanka.

    Waxa kale oo uu qeexayaa tallaabooyin maalinle ah oo dhinac kasta laga doonayo inuu qaado si loo abuuro kalsooni. Dhowr dal ayaa sidoo kale la filayaa inay dammaanad-qaadaan heshiiska.

    Dhanka kale, wasiirka arrimaha dibadda Iiraan, Cabbaas Ciraaqji, ayaa Arbacadii sheegay in wadatashiyada ku saabsan qorshaha toddobada maalmood ah ay sii socdaan. Wuxuu xusay in qorshaha lagu fulin karo wax ka yar toddoba maalmood.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

11. 29 Oktoobar 2026Trump oo olole doorasho ka sameeyay Ohio, xilli ay sii kordhayaan caqabadaha horyaalla Jamhuuriga

    Madaxweynaha Maraykanka, Donald Trump, ayaa fiidnimadii Arbacada, 28-ka October, ka qeybgalay isu-soo-bax olole oo ka dhacay gobolka Ohio, si uu u taageero musharraxiinta xisbiga Jamhuuriga ee doorashada dhexe ee la qabanayo 3-da Nofeembar.

    Trump ayaa isu-soo-baxa kala qeybgalay Vivek Ramaswamy, oo ah musharraxa Jamhuuriga ee xilka barasaabka gobolka Ohio, iyo John Husted, oo ah senatar ka tirsan gobolkaas, kaas oo doorasho adag kula jira Sherrod Brown, oo hore uga tirsanaa xisbiga Dimuqraadiga.

    Tartanka kursiga Aqalka Senate-ka ayaa muhiim ah, maadaama natiijadiisu saameyn ku yeelan karto in Jamhuurigu sii haysto aqlabiyadda 53-ka kursi iyo 47-ka kursi ee Dimuqraadigu ku leeyihiin Senate-ka.

    Khudbadda Trump ayaa muddo kooban hakad gashay, kaddib markii qaar ka mid ah dadkii isu-soo-baxa ka qeybgalayay ay sameeyeen dibadbaxyo. Ciidamada ammaanka ayaa goobta ka saaray dhowr qof oo mudaharaadayay, oo uu ku jiray qof ku qaylinayay magaca Jeffrey Epstein.

    Isu-soo-baxan ayaa dhacay xilli heerka taageerada Trump uu ku dhow yahay meelihii ugu hooseeyay, iyadoo ololaha doorashada dhexe uu galay toddobaadkiisii ugu dambeeyay.

    Qanacsanaan la’aanta sii kordheysa ee dadka Maraykanka ka qabaan sicirka maciishadda oo sarreeya iyo dagaalka Iiraan ayaa caqabad ku noqotay xisbiga Jamhuuriga, kaas oo doonaya inuu sii haysto aqlabiyadda Aqalka Wakiillada iyo Aqalka Senate-ka.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

12. 29 Oktoobar 2026Cumaan oo ka digtay suurtagalnimada dagaal kale oo ka qarxa Bariga Dhexe

    Wasiirka arrimaha dibadda Cumaan, Badr Busaidi, ayaa ka digay suurtagalnimada inuu dagaal kale ka qarxo Bariga Dhexe.

    Wareysi uu siiyay telefishinka Channel 4 ee Britain, Busaidi ayaa sheegay in dalalka Khaliijku ay sii wadaan hoggaaminta dadaallada la xiriira amniga Bariga Dhexe.

    Wuxuu ku baaqay in la sameeyo hannaan cusub oo amni oo ka hirgala gobolka Gacanka Faaris, isaga oo sheegay in dalalka gobolka ay door weyn ka qaataan ilaalinta ammaankooda, halkii ay si weyn ugu tiirsanaan lahaayeen Maraykanka.

    Ka hor dagaalkii ugu dambeeyay, Cumaan ayaa dhexdhexaadinaysay wadahadallada u dhexeeyay Iiraan iyo Maraykanka.

    Dhanka kale, wasiirka arrimaha dibadda Iiraan ayaa isaguna dhawaan ka digay in dagaal cusub ama weerar Israa’iil ay ku qaaddo Iiraan uu sababi karo caqabado hor leh, oo ay ka mid yihiin saameyn ku timaadda ganacsiga gobolka iyo kan caalamka.

    Iiraan ayaa sidoo kale Qatar ugu baaqday inay ixtiraamto shuruudaha dhexdhexaadinta, isla markaana ay dhexdhexaad ka ahaato khilaafka. Hase yeeshee, afhayeen u hadlay Qatar ayaa mar sheegay in Iiraan ay joojiso hanjabaadaha ay u jeedinayso dalalka gobolka.

    Dhanka kale, warar ayaa sheegaya in Qatar ay Iiraan u gudbisay qabyo-qoraal heshiis cusub, inkasta oo aan weli la shaacin faahfaahin dheeraad ah oo ku saabsan soo-jeedintaas.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

13. 29 Oktoobar 2026Turkiga iyo Masar oo ku dhow inay heshiis cusub ka gaaraan xuduudaha badda

    Turkiga ayaa sheegay inuu diyaar u yahay inuu Masar la saxiixdo heshiis lagu qeexayo xuduudaha badda ee labada dal.

    Wasaaradda Gaashaandhigga Turkiga ayaa shalay sheegtay in dalku diyaar u yahay inuu Masar la gaaro heshiis lagu xadidayo xuduudaha badda, kaas oo ku saleysan danaha labada dhinac.

    Wasaaraddu waxay sheegtay in heshiiskan suuragalka ah uu dhulka badeed ee Masar maamusho ku kordhin karo in ka badan 15,000 oo kiiloomitir oo laba jibbaaran.

    Waxay sidoo kale carrabka ku adkeysay in Turkigu sii difaaci doono xuquuqdiisa iyo danihiisa sharciga ah ee bariga Badda Mediterranean-ka, iyadoo la raacayo sharciga caalamiga ah, isla markaana laga shaqeynayo nabadda, amniga iyo xasilloonida gobolka.

    Wasaaradda Gaashaandhigga Turkiga ayaa sidoo kale ku dhawaaqday dhoollatus ciidan oo ay si wadajir ah u sameynayaan ciidamada badda ee Turkiga iyo Masar, kaas oo loogu magac daray “Friendship Sea 2026”.

    Dhoollatuskan ayaa la qorsheeyay inuu ka dhaco magaalada Alexandria ee Masar, inta u dhexeysa 4-ta iyo 9-ka Nofeembar, waxaana ka qeybgalaya cutubyo iyo shaqaale ka tirsan ciidamada badda ee labada dal.

    Dhanka kale, wasiirka gaashaandhigga Turkiga, Yaşar Güler, ayaa shalay uga digay Ruushka iyo Ukraine inay sii wadaan weerarrada lagu qaadayo maraakiibta ganacsiga ee Badda Madow. Wuxuu sheegay in Ankara ay xaq u leedahay inay tallaabo sharci ah ka qaaddo weerarradaas.

    Turkiga ayaa xiriir wanaagsan la lahaa labada dal tan iyo markii Ruushku ku duulay Ukraine sannadkii 2022, wuxuuna marar badan ugu baaqay labada dhinac inay joojiyaan weerarrada lagu beegsanayo maraakiibta Badda Madow.

    Horey waxaa u soo baxay warar sheegaya in weerarro lagu qaaday maraakiib ganacsi oo uu Turkigu leeyahay.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

14. 29 Oktoobar 2026Ruushka oo diyaar u ah inuu dhexdhexaadiyo Itoobiya iyo Eritrea

    Ruushka, oo dagaal kula jira Ukraine, ayaa sheegay inuu diyaar u yahay inuu isu keeno Itoobiya iyo Eritrea, haddii labada dal ay muujiyaan rabitaan ku aaddan wadahadal.

    Itoobiya iyo Eritrea, oo xiriirkooda diblomaasiyadeed uu go’an yahay, isla markaana uu khilaaf ka dhexeeyo, weli si rasmi ah ugama hadlin arrintan.

    Markii ugu horreysay, waxaa arrintan laga maqlay ku-xigeenka wasiirka arrimaha dibadda Ruushka, Alexander Alimov, oo toddobaad ka hor warbaahinta la hadlay.

    Wasiirka arrimaha dibadda Ruushka, Sergei Lavrov, ayaa markii dambe isaguna xaqiijiyay in arrintan ay jirto.

    Madaxweynaha Eritrea, Isaias Afwerki, ayaa u ambabaxay shirka Ruushka iyo Afrika oo billowday Arbacadii. Dhinaca Itoobiya, Ra’iisul Wasaare Abiy Axmed ayaa isaguna hoggaaminaya wafdiga dalkiisa.

    Ruushka ayaa sheegay inuu isku dayi doono in labada dal ay shirka ka yeeshaan wadahadal, haddii ay diyaar u yihiin.

    Ilaa hadda lama oga in Itoobiya iyo Eritrea ay wadahadli doonaan iyo in kale. Sidoo kale, haddii wadahadallo dhacaan, lama oga inay jiri doonaan shuruudo ay labada dhinac ku xiraan.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

15. 29 Oktoobar 2026Netanyahu oo sii ahaan doona ra’iisul wasaaraha ku-meel-gaarka ah ee Israa’iil

    Benjamin Netanyahu ayaa sii ahaan doona ra’iisul wasaaraha ku-meel-gaarka ah ee Israa’iil, kaddib markii uu taageero ka badan tii la filayay ka helay codbixiyeyaasha Israa'iil. Taasi waxay yaraynaysaa fursadaha ay mucaaradku u haystaan inay xilka kaga qaadaan, inkasta oo isbahaysigiisa midigta uu waayay aqlabiyaddii baarlamaanka.

    Ilaa Arbacadii, markii la tiriyay ku dhowaad boqolkiiba 86 codadka, saddex telefishin oo waaweyn oo Israa’iil ku yaalla ayaa saadaaliyay in isbahaysiga Netanyahu, oo ay ku jiraan xisbiyada midigta, midigta fog iyo kuwa diimeed ee muxaafidka ah, uu heli doono 53 ka mid ah 120-ka kursi ee baarlamaanka Israa’iil, oo loo yaqaan Knesset.

    Tani waxay ka badan tahay kuraasta la saadaaliyay inuu heli doono isbahaysiga mucaaradka ee uu hoggaamiyo Gadi Eisenkot, kaas oo la filayo inuu helo 48 kursi.

    Netanyahu ayaa sii ahaan doona ra’iisul wasaare ku-meel-gaar ah inta ay socdaan wadaxaajoodyada lagu dhisayo isbahaysi dowladeed oo cusub.

    Xaaladdan ayaa sii socon karta ilaa doorasho kale la qabto sannadka soo socda.

    Inkasta oo dowladda ku-meel-gaarka ahi ay leedahay awood xaddidan oo ku saabsan go’aannada ay qaadan karto, haddana khubaradu waxay sheegayaan inay weli leedahay awoodo ballaaran, oo ay ku jiraan go’aannada la xiriira dagaalka Iiraan.

    Guy Lurie, oo ah cilmi-baare ka tirsan Machadka Dimuqraadiyadda Israa’iil, ayaa sheegay in sharci ahaan dowladda ku-meel-gaarka ahi ay leedahay awoodaha dowlad caadi ah.

    Hase yeeshee, waxaa laga filayaa inay si taxaddar leh u adeegsato awoodahaas, isla markaana ay xaddiddo xorriyadda go’aan-qaadashada ee arrimaha qaarkood.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

16. 29 Oktoobar 2026Netanyahu oo ku eedeeyay xisbiyada Carabta inay ku shubteen doorashada Israa’iil

    Xisbiga Likud ee Ra’iisul Wasaaraha Israa’iil, Benjamin Netanyahu, ayaa xisbiyada Carabta ee dalkaas ku eedeeyay inay doorashada ku shubteen, iyagoo adeegsanaya laaluush, cabsi-gelin, rabshado iyo musuqmaasuq codbixineed.

    Bayaan uu soo saaray, xisbiga Likud ayaa sheegay inuu booliska, hay’adda sirdoonka gudaha Israa’iil ee Shin Bet iyo mas’uuliyiinta doorashada u gudbiyay boqolaal caddeymo ah oo la xiriira eedeymahaas.

    Netanyahu ayaa yiri: “Doorashada dalka Israa’iil waxaa lagu shubtay, waxaana arrintaas ka dambeeyay xisbiyada Carabta ee taageera argagixisada iyo dabar-goynta dowladda Yuhuudda.”

    Wuxuu intaas ku daray in xisbiyadaasi ay codbixiyeyaasha ku abaabuleen hanjabaado, laaluush, rabshado, dukumentiyo been abuur ah iyo barnaamijyo mamnuuc ah.

    Hase yeeshee, eedeymahan waxaa soo jeediyay xisbiga Likud, mana jirto ilaa hadda xaqiijin rasmi ah oo ay ka bixiyeen hay’adaha ay khuseyso.

    Tirinta codadka ayaa weli ka socota Israa’iil, iyadoo natiijooyinka doorashada si degdeg ah loo shaacinayo. Si kastaba ha ahaatee, labada isbahaysi siyaasadeed ee ugu waaweyn ee ku loollamaya dhismaha dowladda ayaa u muuqda inaysan haysan aqlabiyadda kuraasta baarlamaanka ee looga baahan yahay inay helaan guul cad.

    Ka-qaybgalka codbixiyeyaasha ayaa gaaray heer rikoor ah oo ka badan boqolkiiba 77.

    Hase yeeshee, sida la filayay, doorashadu waxay u muuqataa inay dalka gelin karto ismariwaa siyaasadeed.

    Natiijooyinka hordhaca ah ayaa muujinaya in xisbiyada ay hoggaamiyaan Carabtu ay heli karaan ku dhowaad 19 kursi oo baarlamaanka ah.

    Taasi waxay siin kartaa door muhiim ah oo ay ku go’aamiyaan dhinaca heli kara taageerada ku filan ee lagu dhisayo dowladda cusub.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

17. 29 Oktoobar 2026TPLF oo taliye sare oo ka tirsanaa ku eedeysay khiyaano qaran

    abhadda Xoreynta Shacabka Tigray (TPLF) ayaa ku eedeysay mid ka mid ah taliyayaasheeda ugu sarreeya, Sarreeye Janaral Yohannes W/George, oo Axaddii isu dhiibay ciidamada dowladda Itoobiya, inuu galay “khiyaano qaran”.

    Bayaan ay soo saartay, TPLF waxay taliyaha ku eedeysay inuu xiriir la sameystay cadowga, kaddib dagaalladii ugu dambeeyay.

    Jeneraal Yohannes, oo sidoo kale loo yaqaan John Medid, wuxuu ka tirsanaa taliska dhexe ee TPLF, wuxuuna ahaa taliyaha milatariga ee koonfurta Tigray.

    Sida ay ilo wareedyo BBC-da u sheegeen, Jeneraal Yohannes, ilaaladiisa gaarka ah iyo toddoba taliye oo darajadoodu tahay gaashaanle sare ayaa lagu qasbay inay is dhiibaan, kaddib markii ay ku hareereeyeen ciidamada dowladda Itoobiya iyo xulafadooda deegaanka Qushee Simret ee degmada Rama, bartamaha gobolka Tigray.

    Si kastaba ha ahaatee, dowladda Itoobiya weli wax war ah kama soo saarin arrintan.

    Taliyaha ciidamada ammaanka Tigray, Sarreeye Gaas Gabraigzaaber Bayyanaa, oo sidoo kale loo yaqaan Waddi Anxiruu, ayaa BBC-da u xaqiijiyay in Jeneraal Yohannes uu is dhiibay.

    “Telefoon ayaan kula hadlay. Wuxuu ahaa saaxiibkay iyo taliyahaygii, sidaas darteed si fudud ugama hadli karo arrintiisa. Waa wax wanaagsan inuu nool yahay, waxa ugu muhiimsanna waa inay kulmeen,” ayuu yiri.

    Haddii la xaqiijiyo warka ku saabsan is-dhiibidda Jeneraal Yohannes, falanqeeyayaasha ayaa sheegaya inay tani noqon karto dharbaaxo weyn oo ku dhacda ciidamada Tigray.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

18. 29 Oktoobar 2026Warbaahinta Mareykanka oo hadal-haysa nuxurka warqadda JD Vance u diray Mohsen Rezaei

    Warbaahinta Maraykanka ee Axios ayaa qortay in Madaxweyne-ku-xigeenka Maraykanka, JD Vance, uu warqad uu u diray Mohsen Rezaei, oo ah mas’uul sare oo amniga qaranka Iiraan ah, ku adkeeyay in wadaxaajood kasta oo looga hortagayo weerarro militari oo Maraykanku qaado uu khasab ka dhigo in laga wada hadlo arrinta nukliyeerka Iiraan.

    Mas’uul Maraykan ah oo aan magaciisa la shaacin ayaa sidaas u sheegay Axios.

    Dhanka kale, wargeyska The New York Times ayaa qoray in warqadda Vance ay gaartay Mohsen Rezaei toddobaadkii hore, iyadoo loo sii mariyay dhexdhexaadiyeyaal u dhashay Qatar.

    Toddobaadkii hore, waxaa soo baxay warar sheegaya in wafdi Qatar ah uu gaaray Tehran, xilli ay halkaas booqasho ku joogeen wasiirka arrimaha dibadda Ruushka, Sergei Lavrov, iyo taliyaha ciidamada qalabka sida ee Pakistan, Asim Munir.

    Hase yeeshee, warbaahinta xiriirka dhow la leh Ilaalada Kacaanka Iiraan ayaa beenisay in diyaaraddii siday wafdiga Qatar ay halkaas ka degtay.

    Sidoo kale, telefishinka Al-Carabiya ayaa habeenkii Arbacada sheegay in dadaallo lagu doonayo in Turkigu martigeliyo kulan ka hor 4-ta Nofeembar, si dib loogu bilaabo wadaxaajoodyada u dhexeeya Tehran iyo Washington.

    Warbaahintu waxay intaas ku dartay in arrinta nukliyeerka Iiraan ay ka mid noqon doonto qodobada laga wada hadlayo.

    Dhanka kale, mas’uul ka tirsan wasaaradda arrimaha dibadda Iiraan ayaa Arbacadii soo-jeedinta Qatar ku tilmaamay mid aan la aqbali karin, isagoo carrabka ku adkeeyay in Iiraan aysan wax tanaasul ah ka sameyn doonin arrinta nukliyeerka.

    Sidoo kale sii akhri wararkan

    Iraan oo carruurta iskuullada ku tababaraysa isticmaalka hubka, ka dibna lambar siinaysa mid kasta

    Waa kuma Jeneraalkan seddexda jeer ka badbaaday dhimashada ee mar ka mid ahaa askartii Soomaaliya loo diray

    Wadaad Islaami ah oo muran badan dhaliyay oo lagu toogtay Nigeria

    Ruushku ma wuxuu soo saaray hub cusub oo beddelaya Dayaaradaha is qarxiya ee Shahed

19. 29 Oktoobar 2026Sacuudiga oo digniin amni oo ah weeraro ka soo saaray Najraan iyo bariga dalka

    Isbahaysiga uu Sacuudigu hoggaamiyo ayaa aroornimadii Khamiista sheegay inuu qabtay oo burburiyay gantaal nooca ballistic-ga ah oo Xuutiyiintu ku soo rideen gobolka bari ee Sacuudiga.

    Dhanka garoonka magaalada Cadan ayaa waxaa ka dhacay weerar.

    Hay’adda Difaaca Madaniga ah ee Sacuudiga ayaa ka digtay “khatar suuragal ah” oo ka jirta gobolka Najraan ee koonfur-galbeed dalkaas iyo sidoo kale gobollada bari.

    Hay’addu waxay dadka ku nool deegaannadaas ugu baaqday inay gabaad ka dhigtaan goobta ammaan ah ee ugu dhow.

    Digniintan ayaa imaanaysa xilli weerarrada Xuutiyiinta Yemen ay ka socdaan gudaha Sacuudiga, kuwaas oo lagu beegsanayo garoomada diyaaradaha, dekedaha iyo xarumaha shidaalka.

    Dhanka kale, isbahaysiga uu Sacuudigu hoggaamiyo ayaa sheegay inuu qabtay oo burburiyay gantaal nooca ballistic-ga ah oo Xuutiyiintu ku soo rideen bariga dalka.

    Warar dheeraad ah :

    Dalxiiska Soomaaliya: Sida Sucdi uga caawiso dalxiisayaasha inay arkeen dhanka qarsoon ee Muqdisho

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa

20. 29 Oktoobar 2026Ururka Xisbullah oo ka hadlay natiijada doorashada Israa'iil

    Xoghayaha guud ee ururka Xisbullah ee Lubnaan, Naciim Qaassim, ayaa sheegay in natiijada doorashada Israa’iil aysan wax muhiimad ah u lahayn ururka, isla markaana uu sii wadi doono iska caabbinta Israa’iil, cid kasta oo ku guuleysata doorashada.

    Iyadoo la tiriyay boqolkiiba 85 codadka doorashada, isbahaysiga midigta ee Ra’iisul Wasaaraha Israa’iil, Benjamin Netanyahu, ayaa wax yar ka horreeyay isbahaysiga ugu weyn ee mucaaradka oo uu hoggaamiyo Gadi Eisenkot. Hase yeeshee, isbahaysiga Netanyahu weli ma uusan helin aqlabiyadda kuraasta baarlamaanka.

    “Annaga muhiim nooma aha cidda xukunta Israa’iil. Laakiin waa in ay caddaataa in Israa’iil aysan sii wadi karin qabsashada dhulkeenna, waana inay ka baxdaa,” ayuu Naciim Qaassim ku yiri bayaan qoraal ah oo uu soo saaray Arbacadii.

    Warar dheeraad ah :

    Dalxiiska Soomaaliya: Sida Sucdi uga caawiso dalxiisayaasha inay arkeen dhanka qarsoon ee Muqdisho

    Harry Kane oo soo afjaray 25 sano oo England ay sugaysay abaal marinta Ballon d'Or

    Sarkaal sare oo ka tirsan jabhadda Tigrayga oo isaga ilaaladiisu ay is dhiibeen

    Aabbe dhalay 58 carruur ah oo sheegay inuu "illaawo" magacyada qaar badan oo ka mid ah carruurtiisa