තරුණයින් 11ක් අතුරුදන් කිරීම: හිටපු නාවික හමුදාපති යළිත් සැකකරුවෙකු ලෙස නම් කළේ ඇයි?

2008 වසරේ කොළඹ හා තදාසන්න ප්‍රදේශවල තරුණයින් 11 දෙනෙකු පැහැරගෙන ගොස් අතුරුදන් කිරීමේ සිද්ධියට අදාළව පවතින නඩුකරයේ සැකකරුවෙකු ලෙස හිටපු නාවික හමුදාපති අද්මිරාල් රවීන්ද්‍ර විජේගුණරත්න නම් කරනු ලැබී ය.

ඒ අනුව, කොළඹ කොටුව මහේස්ත්‍රාත් පසන් අමරසේන නියෝග කළේ, ජූලි 27 වන දා අධිකරණය හමුවේ පෙනී සිටින ලෙස දන්වා සැකකාර හිටපු නාවික හමුදාපතිවරයාට සිතාසි නිකුත් කරන ලෙස ය.

2024 වසරේ සැකකරු මුදා හැරියේ කෙසේ ද?

මෙම සිද්ධියේ සැකකරුවෙකු ලෙස රවීන්ද්‍ර විජයගුණරත්න මීට පෙර නම් කර තිබූ අතර, ඔහු ඇප මත මුදාහැර තිබිණි.

එහෙත්, 2024 වසරේ ජනවාරි 03 වන දා එවක නීතිපතිවරයා ලෙස කටයුතු කළ සංජේ රාජරත්නම්ගේ උපදෙස් මත මෙම සැකකරු මුදා හැරීමට කටයුතු කෙරුණු බවත්, අගතියට පත් පාර්ශවය විසින් ඉදිරිපත් කරන ලද කරුණු සලකා බැලීමෙන් අනතුරුව ඔහු නැවත සැකකරුවෙකු ලෙස නම් කිරීමට තීරණය කළ බවත් අපරාධ පරීක්ෂණ දෙපාර්තමේන්තුවේ නිලධාරීහු අධිකරණයට දැනුම් දුන්හ.

එම ඉල්ලීම සලකා බැලූ මහේස්ත්‍රාත්වරයා හිටපු නාවික හමුදාපති අද්මිරාල් රවීන්ද්‍ර විජේගුණරත්න නඩුවේ සැකකරුවෙකු ලෙස නම් කරන්නැයි නියෝග කළේ ය.

හිටපු නාවික හමුදාපතිට ඇති චෝදනා මොනවා ද?

2008 වසරේ කොළඹ හා තදාසන්න ප්‍රදේශවල තරුණයින් 11 දෙනෙකු පැහැරගෙන ගොස් අතුරුදන් කිරීමේ සිද්ධිය සම්බන්ධයෙන් කොළඹ කොටුව මහේස්ත්‍රාත් අධිකරණය හමුවේ ගොනු කර තිබෙන නඩුවක වරෙන්තු නිකුත් වී සිටි සැකකරුවකු වූ නේවී සම්පත් නමැත්තාට සැඟව සීටීමට අධාර අනුබල ලබා දීම ඇතුළු චෝදනා යටතේ හිටපු නාවික හමුදාපති අද්මිරාල් රවීන්ද්‍ර විජේගුණරත්න ඇතුළු විත්තිකරුවන් තුන් දෙනෙකුට එරෙහිව මෙම නඩුව ගොනු කර තිබේ.

මෙම සිද්ධියේ සෙසු සැකකරුවන් ලෙස නම් කර තිබෙන ලක්සිරි අමරසිංහ හා හිටපු නාවික හමුදා ලුතිනන් කමාන්ඩර් චන්දන ප්‍රසාද් හෙට්ටිආරච්චි යන අය මේ වන විට ඇප මත මුදාහැර ඇති අතර මෙම නඩුව කැඳවූ අවස්ථාවේදී ඔවුහු අධිකරණය හමුවේ පෙනී සිටියහ.

2008 වසරේදී දමිළ තරු­ණ­යන් 11 දෙනකු කොළ­ඹ සහ තදාසන්න ප්‍රදේශවලදී පැහැ­ර­ගෙන ගොස් අතු­රු­දන් කිරීම, රඳවා තබාගෙන කප්පම් ගැනීමට තැත් කිරීම යන චෝදනා යටතේ පවරා ඇති නඩුවේ සැක­කරුවෙකු ලෙස නම් කර, පසුව නීති­පති උප­දෙස් මත මුදා හරින ලද හිටපු නාවික හමු­දා­පති සහ ත්‍රිවිධ හමුදා හිටපු මාණ්ඩ­ලික ප්‍රධානී රවීන්ද්‍ර විජේ­ගු­ණ­රත්න සැක­ක­රු­වෙකු ලෙස නම් කරන ලෙස කොටුව මහේස්ත්‍රාත් ඉසුරු නෙත්ති­කු­මා­රගේ 2026 අප්‍රේල් 29 වන දා අප­රාධ පරී­ක්ෂණ දෙපා­ර්ත­මේ­න්තු­වට නියෝග කළේ ය.

අග­ති­යට පත් පාර්ශ්වය වෙනු­වෙන් කරුණු දක්ව­මින් නීතිඥ අචලා සෙනෙ­වි­රත්න කළ ඉල්ලී­ම­ක් අනුව මහේස්ත්‍රා­ත්ව­රයා මෙම නියෝ­ගය නිකුත් කළේ ය.

අද්මිරාල් රවීන්ද්‍ර අබේගුණරත්න 2015 සිට 2017 දක්වා නාවික හමුදාපති ධූරය දැරූ අතර, 2017 සිට 2020 දක්වා ආරක්ෂක මාණ්ඩලික ප්‍රධානී ධූරයේ කටයුතු කළේ ය.

සිද්ධි මාලාව සැකෙවින්