Radio nan Gàidheal

'S e Latha Stròc na Cruinne a th' ann, agus air feadh an t-saoghail thathar a' dèanamh oidhirp aire dhaoine a tharraing gu cunnartan stròc do dhaoine de gach aois. Tha Cathy a' cluinntinn sgeulachdan pearsanta Annella NicLeòid agus Dòmhnall Ruadh Mac a' Ghobhainn mun bhuaidh a thug stròc orra; agus mu mar a dh'aithnicheas tu gu bheil e a' tighinn ort, leis an Dr Sìne Dixon. Cuideachd, tha Màiri Britton ag innse dhuinn mun tachartas Sruth nan Gàidheal, a' comharrachadh dualchas Albainn Nuaidh. Agus tha Niall Iain Dòmhnallach ag innse mun turas iongantach, agus an sgeulachd dhuilich, aig trì soithichean Sasannach a sheòl dhan Artaig san 16mh linn, fo stiùir Hugh Willoughby. Agus cha b' e an fhuachd, an droch shìde no an t-acras a chuir às do mhòran air an turas, ach puinnseanachadh carbon-monoxide air na soithichean.