American forces shoot down Iranian drones as Iran fire missiles for US bases

Wetin we call dis Video, Watch: Di US military released this video said to show strikes on Iranian sites
    • Author, Jaroslav Lukiv
  • Published
  • Read am in 4 mins

Di shaky ceasefire between di US and Iran dey tested further, withAmerican forces targeting Iranian drones and radar sites, and Iran fire missiles at US bases for di Gulf.

Di US military say e shoot down four Iranian "one-way attack drones" launched towards di Strait of Hormuz, wey dey say e "get immediate threat to regional maritime traffic".

US forces "subsequently strike Iranian coastal surveillance radar sites" for di south of di kontri "to defend against further attacks", US Central Command (Centcom) say.

Iran retaliate by firing ballistic missiles at two US air bases for Kuwait, and facilities of di US Navy for Bahrain, according to Iran Irib news agency report.

Skip content and continue reading

End of content

Centcom say initial assessments show say out of di seven Iranian missiles fired at di two Gulf states, six dey intercepted and one no reach dia target.

Dis dey come several days afta di US and Iran exchange strikes for escalation wey threaten di ceasefire wey dey in place since April.

Dem kill one peson and more dan 60 injure for Iranian drone strikes for Kuwait international airport on Wednesday, local official say.

Iran Islamic Revolution Guard Corps (IRGC) deny responsibility for di airport strike, Say di damage na from error from US missile interceptor.

Skip Di one wey oda users dey read well well and continue reading
Di one wey oda users dey read well well

End of Di one wey oda users dey read well well

Centcom say dis na lie false and claim say Iran strike di airport in "deliberate, calculated and unjustified attack".

Di IRGC earlier say e target US bases for di Gulf in retaliation for US strikes on Iranian oil tanker and Qeshm Island.

Even wit di conflict between di two nations, di US grant visas to Iran World Cup football team, ahead of dia first match for Los Angeles on 15 June.

Dis go be di first for di competition wia host nation receive di team of kontri wey e dey at war wit.

A map of di Strait of Hormuz showing di surrounding coasts of Iran to di north and Oman and di UAE to di south. Several islands in di strait dey labelled, including Hormuz, Larak, Qeshm, and Hengam near Iran, and Greater Tunb, Lesser Tunb, and Abu Musa further southwest. Red lines mark exclusive economic zone (EEZ) maritime boundaries. Di area around Greater Tunb, Lesser Tunb and Abu Musa dey labelled “Disputed.” A footnote explain dat EEZs give countries exclusive rights to marine resources while allowing freedom of navigation.

Di attack occurr as ceasefire negotiations between di US and Iran stop, wit deal to end di war failing to advance, di US media report say President Donald Trump request changes to di terms of agreement.

On Monday, Iran foreign ministry tok tok pesin say di US dey "constantly change dia views and putting forward new or contradictory demands".

Di US and Israel launch wide-ranging strikes on Iran on 28 February, sparking conflict across di Middle East.

Iran respond by attacking Israel and US-allied states for di Gulf, and effectively closing di Strait of Hormuz, through wey around 20% of di world oil and liquefied natural gas dey travel.

Dat oil come not only from Iran, but also Gulf states such as Iraq, Kuwait, Qatar, Saudi Arabia and di UAE.

Di closing of di strait send oil prices rising globally.

Shortly afta dem agree ceasefire for early April, di US establish blockade of Iranian ports, wey Trump say go remain "in full force and effect until an agreement is reached, certified, and signed".