د کورونا وبا له امله په هند کې میلیونونه خلک بې کاره شوي دي
د خپرېدو وخت
په هند کې تر دې دمه کورونا وېروس څه باندې درې زره کسان وژلي دي. مثبتې پېښې پکې تر سلو زرو ډېرې دي. خو د دې وبا اغېز تر دې هم ډېر دی. دا چې په ۲۰۱۹ کال کې په دغه هېواد کې د بې کارو یا بې دندو خلکو شمېر ۶ سلنه و. یعنې په ۴۵ کلونو کې په لومړي ځل د هند دومره ډېرو خلکو کار نه درولود. کوویډ -۱۹ وېروس دا حالت له بده بتر کړ، ځکه اوس د هند د بې روزګارو خلکو شمېر ۲۴٪ دی. په دې حساب د مارچ او اپریل په میاشتو کې په هرو څلورو هندیانو کې یو بې کاره شوی دی. تر ټولو بد د هند ورځني کارګر او بې وزلي ځپل شوي دي.
