BBC Gahuzamiryango ije kuri YouTube

Inyandiko gusa
Ishusho iranga channel ya BBC News Gahuza YouTube
Yatangajwe
Igihe co gusoma: iminota 1

Mu muhate wo kugusanga aho uri ngo tukugezeho amakuru n'ibiganiro bituma umenya ibiba kandi ugasobanukirwa kurushaho, twafunguye na 'channel' ya BBC News Gahuza kuri YouTube.

Nyuma y'imyaka irenga 30 tukugezaho amakuru, twagiye twaguka ngo tubasange aho muri guhera kuri radio iwawe, kuri Website, tuza kuri Facebook, kuri X, na vuba aha kuri WhatsApp.

Ubu, guhera ejo ku wa gatatu w'iki cyumweru turatangira no kubana nawe kuri YouTube.

Kuri iyo 'channel' yacu nshya, utangira kubona ejo ku wa gatatu mu gitondo, tukuzaniye – mu mashusho – amakuru yacu atabogamye mutumenyereyeho ya buri mugoroba, n'ibiganiro bitandukanye ku ngingo zinyuranye zireba ubuzima n'imibereho yawe.

Inkuru mbarankuru n'ibiganiro by'amashusho ku myidagaduro, ubumenyi, siporo, ubugeni, politike, ukwemera, amateka na video zisobanura inkuru zivugwa mu makuru, uzajya ubisanga kuri 'channel' yacu ya BBC News Gahuza kuri YouTube.

Icyizere cyawe ni ingenzi cyane kuri twebwe.

Bana natwe kuri urwo rubuga rushya rw'amakuru, ukora subscribe, share, unaduhe ibitekerezo byawe ku byo tukugezaho wanditse ahabugenewe.