Ruby Evans yn ennill medal aur gyntaf Cymru yng Ngemau'r Gymanwlad

Mae'r fabolgampwraig Ruby Evans wedi ennill medal aur gyntaf Cymru yng Ngemau'r Gymanwlad.

Daeth Evans, 19 oed, i'r brig yn yr elfen olaf o'r cystadlaethau gymnasteg yn Glasgow - y gwaith llawr.

Abigail Martin o Loegr ddaeth yn ail, gyda Shantae-Eve Amankwaah o Loegr yn cipio'r efydd.

Daw'r fuddugoliaeth wedi i Evans gael ei gweld yn ei dagrau nos Wener, ar ôl gorffen yn chweched mewn cystadleuaeth unigol - a hynny wedi i Gymru orffen yn bedwerydd yn y gystadleuaeth tîm.

Dyma'r fedal aur gyntaf i Gymru ei hennill yn yr Alban, gan ychwanegu at ddwy fedal arian a chwe medal efydd.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.