Ateb y Galw: Carrie Sauce

Enillodd Carrie Sauce, neu Oliver Martin, ail gyfres Y Llais a hynny fel rhan o dîm Syr Bryn Terfel.

Yn fuan wedi'i ennill fe atebodd gwestiynau Ateb y Galw i Cymru Fyw.

Fy atgof cyntaf yw rhywun yn rhoi potel i mi fwydo oen bach mewn petting zoo. Nes i benderfynu fy mod i'n fwy haeddiannol o'r llaeth ac felly ceisio'i ddwyn o.

Fy hoff le yng Nghymru yw Y Fenni. Dwi'n aml yn mynd i bori yn y siopau annibynnol, ymweld â'r farchnad, gweld y castell neu ddringo'r bryniau sy'n amgylchynu'r dref.

Pendroni drwy strydoedd cefn Shanghai ar ôl noson allan, yn ceisio chwilio am y llong bleser o'n i'n gweithio arni ar y pryd – a methu'n lân!

Dwi'n introverted extrovert.

Tu hwnt i fod ar Y Llais, fyswn i'n dweud eistedd ar ddec y llong bleser 'nes i weithio arni un noson o haf, yn sipian gwin tra'n gwylio Goleuadau'r Gogledd.

Siwr o fod pan, yn ystod cynhyrchiad o Les Mis, 'nes i faglu dros gorff anymwybodol Javert a bwrw'r llwyfan yn galed wrth i'r goleuadau ddiffodd.

Gwylio'r darn cefn llwyfan o fy nghlyweliad ar Y Llais. O'n i'n siarad am gwrdd â fy nghariad a faint dwi'n ei garu o. Felly mi oedd o'n crio, ac roedd ei weld o'n crio yn gwneud i fi grio...

Dwi'n pessimist mawr, oherwydd yn fy meddwl i, mae'n well na bod rili eisiau rhywbeth ac wedyn cael dy siomi. Ond dwi'n gweithio ar fod yn fwy positif.

Dwi'n caru'r ffilm (a'r sioe gerdd) Groundhog Day, mae'n ffilm mor ddoniol a dwi'n gallu ei gwylio drosodd a drosodd. A drosodd. A drosodd...

Fy mam-gu a nhad-cu, i ddangos iddyn nhw beth dwi wedi cyflawni er mwyn eu gwneud nhw'n falch.

Ges i U yn Lefel A Celf cyn mynd ymlaen i werthu fy ngwaith celf am filoedd o ddoleri.

Cerdded ar hyd y morglawdd, arogli gwynt y môr a bwyta gormod o gacen.

Unrhyw lun gyda fy nheulu. Dwi ddim yn dueddol o dynnu llawer o luniau heb fod yn gwisgo drag, felly mae'r rhai sydd gen i'n werthfawr.

Fy nghi, oherwydd mae o'n llawn cyffro am unrhyw beth mae o'n cael ei wneud!

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.