Pencampwriaeth y Cenhedloedd: Cymru'n trechu Japan 28-21

Louis Rees-Zammit gyda'r bêl yn ei law dde yn ceisio osgoi cael ei daclo gan chwaraewyr JapanFfynhonnell y llun, PA Media
Disgrifiad o’r llun,

Rhoddodd Louis Rees-Zammit Gymru ar y blaen 21-14 cyn yr egwyl

  • Cyhoeddwyd

Mae Cymru wedi sicrhau buddugoliaeth o 28-21 yn erbyn Japan yn Stadiwm Principality, Caerdydd ym Mhencampwriaeth y Cenhedloedd.

Sgoriodd Josh Adams ddwy gais, gydag Archie Griffin a Louis Rees-Zammit hefyd yn croesi'r llinell i Gymru.

Roedd Cymru ar y blaen o 21-14 ar yr egwyl, cyn i ail gais Adams sicrhau pwynt bonws a rhoi mantais o 14 pwynt iddyn nhw.

Ond fe wnaeth Japan gadw'r pwysau ar Gymru gyda chais hwyr gan Kenta Fukuda, gan leihau'r bwlch i saith pwynt cyn y chwiban olaf.

Cymru v JapanFfynhonnell y llun, Reuters

Sgoriodd Archie Griffin gais cynnar ar ôl tair munud, ond fe ymatebodd Japan gyda chais gan Ben Gunter cyn i Josh Adams roi Cymru ar y blaen eto.

Ychwanegodd Warner Dearns gais arall i Japan cyn i Louis Rees-Zammit groesi cyn yr egwyl, gyda Sam Costelow yn trosi pob un o dri chais cyntaf Cymru.

Daeth ail gais Josh Adams ar ôl 68 munud, gyda Dan Edwards yn ychwanegu'r trosiad i roi Cymru ar y blaen o 28-14.

Ond fe lwyddodd Japan i sgorio cais arall saith munud yn ddiweddarach drwy Kenta Fukuda, a throsiad gan Shinya Komura.

Cymru v JapanFfynhonnell y llun, Reuters

Enillodd Louis Rees-Zammit wobr chwaraewr y gêm ar ôl perfformiad cryf, gan gynnwys ei gais cyntaf mewn wyth gêm ryngwladol.

Daeth 52,425 o bobl i wylio'r gêm yn Stadiwm Principality.

Dyma oedd pedwaredd gêm Cymru yn y twrnament yn dilyn y buddugoliaeth yn erbyn Fiji ddechrau Gorffennaf a'r ddwy golled i'r Ariannin a De Affrica.

Maen nhw ym mhumed safle tabl hemisffer y gogledd wedi'r canlyniad yn erbyn Japan.

Seland Newydd fydd eu gwrthwynebwyr nesaf, ddydd Sadwrn 14 Tachwedd, gyda'u gêm olaf yn erbyn Awstralia ar 21 Tachwedd.

Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.

Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Pynciau cysylltiedig