Felly wrth i ddiwrnod cynta'r Sioe Frenhinol ddirwyn i ben, hoffwn ddiolch i chi am ddilyn ein llif byw.

Fe fydd BBC Radio Cymru yn parhau i ddarlledu o Faes y Sioe gyda'r Post Prynhawn am 17:00 a Troi'r Tir am 18:00, a chofiwch am raglen uchafbwyntiau S4C heno am 21:00.

Cliciwch yma am fwy o gynnwys o'r Sioe Frenhinol drwy gydol yr wythnos ar wefan BBC Cymru Fyw.

Hwyl fawr!

Mae wedi bod yn ddiwrnod llawn cystadlu ar ddiwrnod agoriadol y Sioe.

Edrychwch yn ôl ar y diwrnod gydag oriel luniau Cymru Fyw.

Wrth ymateb i benodiad Andy Burnham yn Brif Weinidog newydd y DU, dywedodd Arweinydd y Ceidwadwyr Cymreig nad oedd “neb yn gwybod am beth mae’n sefyll drosto”.

Ychwanegodd Darren Millar AS: “Waeth pwy sydd wrth y llyw, y Blaid Lafur sy’n achosi’r broblem ac yn dal ein gwlad yn ôl.

“Oni bai bod Andy Burnham yn gallu sefyll fyny i ASau Llafur - sydd ond eisiau trethi uwch a mwy o daliadau lles - fydd e methu sicrhau’r twf economaidd sydd ei angen ar ein gwlad.”

Mae Prif Weinidog Cymru wedi dweud ei fod yn gobeithio rhannu ymrwymiad gyda Andy Burnham i ddatganoli grym o San Steffan i Senedd Cymru.

Dywedodd Rhun ap Iorwerth, sydd ar faes y sioe heddiw, fod penodiad Mr Burnham fel prif weinidog newydd y Deyrnas Unedig yn gyfle i "ailddiffinio'r berthynas rhwng llywodraeth Cymru a'r DU".

Mewn araith cyn mynd i mewn i Rif 10, dywedodd Mr Burnham ei fod eisiau tynnu grym allan o Downing Street "a'i gario i bob côd post" er mwyn "adeiladu economi newydd".

Mae llywodraeth Cymru wedi galw am rymoedd newydd o San Steffan, gan gynnwys dros gyfiawnder a Stad y Goron, ac am drefn ariannu newydd.

Mewn datganiad, fe wnaeth Mr ap Iorwerth longyfarch Mr Burnham gan ddweud ei fod yn "rhannu fy nghred yng ngrym datganoli i wella bywydau'r bobl rydyn ni'n eu gwasanaethu".

"Yn yr ysbryd hwnnw, dw i’n gobeithio y gallwn ni rannu’r un ymrwymiad o ran datganoli pwerau o San Steffan trwy gryfhau, yn hytrach nag osgoi, senedd genedlaethol Cymru a'i gallu i rymuso pobl a chymunedau," ychwanegodd.

"Dwi’n edrych ymlaen at gyfarfod cynnar efo’r Prif Weinidog newydd i gytuno sut y gallwn ni roi'r pwerau angenrheidiol i Gymru i dyfu'r economi ac adeiladu dyfodol tecach, mwy ffyniannus i bawb."

Tra bod 'na ddigon o bobl yn gyrru i'r maes yn eu ceir neu'n tynnu carafan tu cefn i gerbyd 4x4, mae'r criw yma wedi cyrraedd o'r awyr...

Dyma fideo o dîm arddangos yr RAF Falcons yn chwyrlio tuag at y prif gylch...

...ac yn glanio'n gelfydd fesul un.

Mae'r tîm cart a cheffyl Tristar yn hen ffefrynnau yn y Sioe ac maen nhw'n ôl eleni i ddiddanu'r dorf yn y brif gylch bob dydd.

Mae cartref gofal Tŷ Newydd, ym Maesteg, wedi rhoi digwyddiad ymlaen ar y maes i’r bobl sydd mewn gofal.

Ffynhonnell y llun, Llun Teulu

Mae teulu wedi rhoi teyrnged i ddyn 25 oed a fu farw yn ardal y Sioe Fawr yn Llanelwedd nos Sadwrn.

Roedd Dewi Aeron Evans o Lanfihangel Glyn Myfyr ger Corwen.

Wrth roi teyrnged, dywedodd ei deulu ei fod yn "fab, brawd ac ŵyr annwyl a hoffus" a bod ei farwolaeth yn "golled enfawr i'r teulu a'r gymuned yn Uwchaled".

"Byddai'r teulu a'r gymuned yn gwerthfawrogi preifatrwydd ar yr amser anodd yma."

Dros y penwythnos, dywedodd yr heddlu bod dyn wedi marw ar Fferm Penmaenau "er gwaethaf ymdrechion parafeddygon".

Cafodd tri dyn eu harestio ar amheuaeth o droseddau yn ymwneud â chyffuriau.

Mae cyfnod poetha'r dydd wedi cyrraedd ac felly mae'n bwysig gwneud yn siwr bod yr anifeiliaid yn gyfforddus - fel y ceffylau yma, sy'n cael gofal da yn y gwres.

Un o brif atyniadau'r sioe ydy perfformiad Paul Hannam ar gefn ei feic cwad. Mae ganddo dros 25 mlynedd o brofiad yn reidio beic cwad a 10 mlynedd o brofiad yn rasio ar lefel Pencampwriaethau Prydain.

Mae'r perfformiad yn cynnwys amrywiaeth o styntiau ac eleni fe ddaeth y dorf at ei gilydd unwaith eto!

Jac ac Alfie o Ynys Môn sy'n cadw cwmni i'r ceffylau Shetland bychain ar y maes

Eleni yn y Sioe bydd gwobr yn cael ei rhoi er cof am Charles Arch.

Roedd yn llais cyfarwydd am ddegawdau fel prif sylwebydd Sioe Amaethyddol Cymru yn Llanelwedd, gan sicrhau lle amlwg i’r Gymraeg ym mhrif gylch y sioe.

Bydd y wobr yn un flynyddol ac yn cael ei rhoi i bobl ifanc sy'n trin ac arwain anifail yn y Sioe - eleni bydd y wobr yn cael ei rhoi i gystadleuydd ifanc yng nghategori'r gwartheg.

Ffynhonnell y llun, Llun teulu

Delwedd (a synau), sy'n rhan annatod o'r sioe!

Mae criw Cymru Fyw wedi dod o hyd i'r Welsh Whisperer yng nghanol y maes ac mae wrthi'n diddanu'r dorf o'r bandstand.

Bydd nifer o ffermwyr yn croesawu cyhoeddiad y llywodraeth am ragor o gyllid i'r cynllun cymhorthdaliadau newydd i ffermwyr meddai arweinydd y blaid Lafur, Ken Saktesond mi fydd hefyd yn codi cwestiynau anodd i Blaid Cymru.

"Yr wythnos ddiwethaf fe wrthodon nhw roi dim ond ffracsiwn o'r swm yma i anghenion dysgu ychwanegol, gan gynnwys yn y blynyddoedd i ddod.

"Bydd angen iddyn nhw egluro hyn i'r ysgolion a'r teuluoedd sy'n cefnogi plant a phobl ifanc ag anghenion dysgu ychwanegol."

Ychwanegodd Skates ei fod yn "destun pryder bod Plaid Cymru wedi penderfynu cadw'r lefel gyllido ar gyfer haenau mwyaf amgylcheddol y cynllun yn wastad am dair blynedd ar adeg pan fo'r angen i fynd i'r afael â'r argyfwng hinsawdd a natur ond yn mynd yn fwy brys."

... ond er mai tri sydd yma mae 164 yn cystadlu eleni - y nifer uchaf o foch i gystadlu ers degawd.

Efallai bod y cwt cneifio'n atyniad poblogaidd bob blwyddyn, ond nid y defaid ydi'r unig rai sydd angen gofal ac edrych ar eu gorau...