KALLATTIIN, US yoo Iraan haleelte Huutiin Galaana Diimaa cufu jette Iraan

Hidhattoonni Huutii Yaman US buufataalee anniisaa isaanii yoo haleelte ulaa daldala boba'aa Galaana Diimaa akka cufan Teehraan dhaadachuu ishee Rooytars gabaase.

Guduunfaa

Tehraan dabalatee bakkeewwan Iraan heddurratti haleellaa gaggeessuu beeksiste

Haguuggii Tamsaasa Kallattii

Sa'aatii 4 duraBoru Finfinneetti hiriirri nagaa akka taasifamu poolisiin beeksise
Madda suuraa, Addis Ababa Police
Guyyaa boruu magaalaa Finfinneetti hiriirri nagaa akka gaggeeffamu poolisiin magaalaa Finfinnee beeksise.
Hanga hiriirri kuni xumuramutti karaan gara Addabaabayii Masqalaa geessu akka cufamu beeksiseera.
Sababa hiriira kanaas yoo ibsu ''jeequmsa Naannoo Tigraayitti hammaataa dhufe mormuufi dhaabsisuuf'' akka ta'e ibse.
Akkasumas ''mootummaa federaalaa fi hawaasa idil-addunyaaf beeksisuuf'' akka ta'e hime.
Dhaadannoon hiriira nagaa kanaas ''dirqiin waraanaaf butuun haa dhaabatu, nagaan haa bu'u'' kan jedhudha jedhameera.
Jen. Tsaadqaan fa'i dhimma Tigraay irratti Finfinneetti hiriira bahuufi
Sa'aatii 5 duraHojjetaan Waayit Haawus haasaa Tiraamp irratti doolaara kuma 100 qabsiisee argachuun himatame
Madda suuraa, Getty Images
Oppireetariin maashina barreefama irraa dubbisan (teeleepiroomtar) kan Waayit Haawus keessaa hojjetu haasaawwan Pireezidanti Donaaldi Tiraamp irratti qarshii qasbiisuun doolaara 100,000 argateera jedhame qorannoon irratti baname.
Teeleepiroomtariin haasaa barreefamaan qophaa'e maashina iskiriinii irratti agarsiisu dha.
Qondaaloti olaanoo akka pireezidantii fa'i waraqaa osoo hin qabatiin iskiriinii ilaaluun haasaa isaanii uummataaf dabarsu.
Bara 2016 irraa qabee Waayit Haawus keessaa kan hojjetu Gaabri'eel Pirees teeleepiroomtarii Waayit Haawus qondaaloti itti fayyadaman kan to'atu isa dha.
Peereez pireezidantichi haasaa gurgurddaa taasisuun jecha fayyadamu irratti qarshii qabsiisaa ture himtni jedhu irratti banamee jira.
Marsariitiin 'Kaalshii' jedhamu taateewwan addunyaa garaagaraa irratti iddoo namoonni qotinyaa wal-qabatani dha.
Marsaritichi dhimma kana ilaalchisee waajira to'atutti beeksisuu himeera.
Kaalshiin hojjetaan Waayit Haawus bu'aa qarshii qabsiisee argachuu dura akkaawuntiinsaa akka cufamu gochuu ibseera.
Dhaabichi hojjetaa kana kan hordofuu jalqabe erga Ebla darbe haala hin baratamneen qarshii qabsiisnaani jedheera.
Waan kuni kan mudate gabaa qotinyaa namoonni qaamoti adda addaa jechoota fayyadaman irratti qarshii yeroo qabsiisanidha.
Taphattoonni dorgommii akkasii keessa seenan haasaa keessatti jechi diinagdee ykn dhaadannoon faayidaarra oola yoo taheef qarshii qabsiisuun tilmaamu.
Marsariitiin Kaalshii jedhamu ''jechi namoota siyaasaa, pireezidantoonni fi bulchitoonni baankii fa'a gabaa jijjiirraa qarshii alaa, boba'aafi aksiyoonaa doolaarri biiliyoonaan lakkaa'amu akka socho'u godha,'' jechuun hubachiiseera.
Hojjetaa Waayita Haawus kana akkaawuntiisaa fayyadamuun akka bira gahe marsariitiin kuni beeksiseera.
Hojjetaan Waayita Haawus kuni doolaara kuma 90 qotinyaa qabachuun argate otoo hin baafatiin jalaa dhorkameera.
Pirees Seekireetariin Waayit Haawus Kaarolaayin Liveet Pireezidant Tiraamp waa'ee teeleepiroomtarii kanaa akka hin beekne himteetti.
Yeroo ammaa kana hojjetichi kaffaltii malee boqonnaa akka bahu godhamuu himuun kana booda WaayitHaawusiif hojjechuu akka hin dandeenye beeksisaniiru.
Sa'aatii 6 duraFIFA'n injifattoota Waancaa Addunyaaf qubeelaa badhaasufi
Madda suuraa, Fifa.com
FIFA'n Sambata dhufu tapha xumuraa Waancaa Addunyaa garee mo'atuuf qubeelaa akka badhaasu himuun Donaaldi Tiraamp taphicha akka daawwatanii ibseera.
Ameerikaatti taphattoota mo'ataniif qubeelaa badhaasuun waan baratame dha.
Garee Waancaa Addunyaa mo'atuuf qubeelaan 30 kan dhiyaatu yoo tahu qubeelaan 1,996 tahu ammoo deeggartootaaf gurgurama.
Qubeelicha irratti Waancaa Addunyaafi barreefamni irratti bocameera.
Badhaasa qubeelaa kana garee mo'atuuf akka kennan kan eegaman Tiraamp tapha 102 hamma yoonaa taasifame keessaa tokkosaayyuu hin daawwanne.
Ameerikaan Beeljiyeemiin mo'amtee taphaa ala yeroo taateyyuu pireezidantichi hin daawwanne.
Pireezidantiin FIFA Jiyaanii Infaantinoo pireezidantichi tapha xumuraa irratti akka argaman dursanii himanii ture. Pirees Seekreetariin Waayit Haawus Kaaroolaayiin Liveetis kanuma mirkaneessaniiru.
Taphni Waancaa Addunyaa baranaa Ameerikaa, Meeksikoo fi Kaanaadaadhaan qophaa'e.
Sambata borii Ingilliziifi Faransaay sadarkaa sadaffaaf kan falman yoo tahu Arjantiinaafi Ispeen ammoo waancaaf wal falmu.
Sa'aatii 6 duraTiktookariin waa'ee pireezidantii Gaanaa oduu sobaa tamsaaste hidhaan adabamte
Madda suuraa, Camilla Alhassan/TikTok
Tiktookariin lammii Gaanaa waa'ee pireezidantii biyyattii Joon Maahimmaa oduu sobaa tamsaasuun balleessaa dha jedhamtee hidhaan waggaa tokkoo irratti murameera.
Tiktookariin Kaamilaa Al-hasan jedhamtu pireezidantichi filannoo bara 2024 mo'achuuf jecha sirna amantii raawwachiisuuf saawwan 32 aarsaa akka taasisan viidiyoowwan himan Caamsaa darbe irraa qabee qoodaa turte.
Dubartiin ganna 43 kuni, dabaluunis mootummaan namoota lolaan miidhamaniif moodeesiin akka arjoomamuuf tarkaanfii kan fudhate sirna waaqeffannaa pireezidantichi godhu dhoksuufi jetteetti.
Daanyaan dhimmicha ilaalan adabbiin akka hir'atu ol iyyannoon gaafatamullee adabbii haalli akkasii akka irra hin deebi'amne gargaaru jedhan dabarsaniiru.
Abbaan alangaa dubartiin hordoftoota kuma 70 ol qabdu Kaamilaan pireezidanticharratti maqa balleessii sobaa irra deddeebiin raawwateetti jechuun falmeera.
Dubbiinshee kuni miidiyaa hawaasaa Gaaanaa irratti bal'inaan waan qoodamaa tureef yakkaafi yaada ofii bilisaan ibsachuu gidduu madaala jiraachuu qaburratti falmii kaaseera.
Daanyaan murteen kuni ragaa sobaa miidiyaa hawaasaa irratti babal'ataa dhufe ittisuuf barbaachisaa dha jedhaniiru.
Gaanaa keessatti namni miidiyaa hawaasaa irratti beekamu hidhamuun kan jalqabaa miti.
Sa'aatii 7 duraTiraamp Chaayinaan filannoo Ameerikaa 2020 gidduugaltee turte jedhe
Madda suuraa, EPA
Pireezidantiin Ameerikaa Donaaldi Tiraamp ibsa kenneen Chaayinaan filannoo Ameerikaa bara 2020 gidduugaltee sirni sagalee kennuu ''akkaan saaxilameera,'' jedhe.
Tiraamp dubbii kana WaayitHaawusirraa kan kenne yoo tahu filannoon bara 2020 waliidhahamuufi humni alaa gidduugaluu ragaa otoo hin dhiyeessiin dubbataa ture.
Filannoon Ameerikaa marsaa walakkaa baatiin sadii yeroo hafutti haasaa taasiseen sanadoota basaasaa dhibbaan lakkaa'aman kan Chaayinaan filannicha Joo Baayidan akka mo'atu deeggaru agarsiisu akka ofharkaa qabu hime.
Hawaasni basaasaa Ameerikaa filannoo bara 2020 keessa harki Chaayinaa akka hin jirre kanaan dura mirkaneessee ture.
Haasaa taasise kanaaf ministeerri hajaa alaa Chaayinaa filannoo Ameerikaa bara 2020 gidduu akka hin galleefi ''waan ofumaa uumanii odeessan'' akka tahe himeera.
Waan Tiraamp jedhu ''maqa balleessii'' bu'uura hin qabne akka tahe mirkanaa'era jechuun dubbihimaan ministeerichaa Liin Jiyaan himan.
Tiraamp Chaayinaan sanada filattootaa miiliyoona 220 tahu seeraan ala argateetti jechuun haasaa isaa kana keessatti dubbateera.
17 Adooleessa 2026Iraan miidhaa haleellaa Ameerikaatiin mudate ibsite
Madda suuraa, IRNA
Ministeerri Fayyaa Iraan akka beeksisetti, haleellaa qilleensaa Ameerikaan baatii Adoolessaa qofa keessa raawwatten lubbuu namoota 38 gaagatee jedhe.
Namoota gara 400 ol ta'an irra ammoo miidhaan salphaa fi cimaan qaqqabuu eera.
Dursaan Giddugala Hariiroo Hawaasaa Ministeera Fayyaa biyyatti Huseen Kermanpohur toora miidiyaa X irratti hanga saatii ibsi kun bahutti lakkoofsi namoota haleellaa Ameerikaatiin miidhaman 400 kan caalu yoo ta'u, namoonni nagaa 38 wareegamaniiru jedhan.
Isaan keessaa dubartootni 22 kan madaa'an, yoo ta'u dubartoota 3 du'aniiru.
Akkasumas daa’imman umuriin isaanii waggaa 18 gadi ta’an sagal madaa’aniiru, daa’imni tokko immoo lubbuun isaa darbeera.
Akka ibsa isaanitti, namoonni 47 amma iyyuu hospitaala keessatti yaalamaa jiru.
Haleellaan Ameerikaan yeroo dhiyoo Iraan irratti raawwatte Adoolessa 7 kan eegale yoo ta’u, kunis dooniiwwan hedduu ulaa Hormuz keessatti haleeluu isheetiif deebii kennuuf ture.
Ergasii Iraan haleellaa haaloo bahuu kan dantaa fi buufataalee Ameerikaa naannicha keessa jiran irratti xiyyeeffate jette raawwatteetti.
17 Adooleessa 2026Iraan dhaabbilee Ameerikaa barbadeesse jette
Madda suuraa, Reuters
Gareen Eegdota Warraaqsa Islaamaa Iraan (IRGC) ibsa baaseen buufata raadaaraa Ameerikaan fayyadamtu lama Omaan keessatti barbadeessuu ibse.
Akka ibsa isaatti, raadaarri sochii doonii Salalah fi raadaarri qajeelcha balalii Ganem jedhaman haleellaa irratti raawwatameen barbadaa'aniiru.
Gareen kun ibsa isaa keessatti tarkaanfiin deebii Iraan cimee akka itti fufu, akkasumas ulaan Hormuz to'annoo humna galaanaa Iraan jala akka turu beeksisera.
Dhimma kana irratti Ameerikaa fi Omaan irraa hanga ammaatti ibsi kenname hin jiru.
Kuni utuu kanaan jiruu,Chaayinaa fi Paakistaan Ameerikaa fi Iraan waraana hatattamaan akka dhaabanii gara marii nagaatti deebi'an waamicha dhiyeessan.
Ministeeronni Dhimma Alaa biyyoota lamaanii, Wang Yi fi Ishaq Dar, Shanghaayitti erga mari'atanii booda haalli nageenyaa hammaachaa jiru yaaddessaa ta'uu ibsanii, biyyootni wal waraanaan kunneen marii fi araara akka jalqaban gaafataniiru.
17 Adooleessa 2026US Israa’el Ameerikaanota amansiisuun waraana Iraan dheeressuuf yaalaa jirti jechuun himatte
Madda suuraa, AFP via Getty Images
Ibsa waa'ee suuraa, JD Vansi
Pirezidaantiin Itti Aanaa Ameerikaa JD Vansi qondaaltonni mootummaa Israa’el tokko tokko Ameerikaan waraana Iraan irratti geggeessaa jirtu akka itti fuftu amansiisuuf yaalaa akka jiran dubbatan.
Vaansi Gaaffii fi deebii miidiyaa biyyatti tokko waliin taasisaniin hoggantoota Israa'el tokko tokko irratti amantaa akka qaban ibsuun, tokko tokko garuu ''tapha siyaasaa taphachaa fi Ameerikaanota gara waraana dhuma hin qabnetti harkisuuf yaalaa jiru'' jedhan.
Vaansi itti dabaluun mootummaa Israa’el keessaa namoonni tokko tokko marii nageenyaa Ameerikaa fi Iiraan gidduutti gaggeeffamaa jiru gufachiisuuf socho’aa jiru jedhe.
Mootummaan alaa fedhii isaanii Ameerikaa irratti dhiyeessuun kun waan haaraa mitis jechuun ibse.
Dubbi himtuu Haayit Haawus Karoline Liivit mootummaa alaa hedduun yaada uummata Ameerikaa irratti dhiibbaa uumuuf akka yaalan Tiraampis irratti walii ni gala jedhan.
Dubbiin Vaansi kun yeroo mootummaan Tiraamp waraana dhaabuu fi marii Iraan waliin furmaata barbaaduuf tattaaffii taasisaa jirutti dhaga’ame. Kana jechuun walitti dhufeenya Ameerikaa fi Israa’el irratti garaagarummaa yaadaa akka jiru agarsiisa.
Baatii darbe Ameerikaa fi Iraan marii deebi’anii jalqabuuf waliigaltee duraa irra ga’anii turan.
Akka gabaasaaleen jedhanitti, mariin kun qormaataan kan guutame ta’us, dhukaasa dhaabuu guyyoota 60 fi tarkaanfiiwwan ulaa Hormuz deebi’anii banuuf fudhataman irrattis waliigalanii ture.
Haa ta'uu malee amma waligalteen sun xumuramuun bifa haaraadhaan waraanaa walirratti gaggeessa jiru.
Mootummaan Israa’el ibsa kanaa ilaalchisee deebii hatattamaa hin kennine.
17 Adooleessa 2026Iran Kaataar, Kuweet Bahireen fi Siiriyaa haleeluun haaloo ba'aa jirti
Madda suuraa, Reuters
Ameerikaa haleellaa Iraan irratti raawwataa jirtu cimsuu hordofee, Teehiraan Kuweet,Kaataar fi Baahireen irratti haleellaa raawwachuun haaloo ba’aa jirti..
Iran Kamisa halkan gara biyyoota akka Kataar, Kuweetii fi Bahireen irratti haleellaa miisaa'elaa fi diroonii raawwachuu biyyoonni kunneen beeksisan.
Ministeerri Ittisaa Kaataar ibsa baaseen, humnoonni waraanaa biyyattii haleellaa miisaa'elaa irratti raawwatame qolachuu isaanii beeksisan..
Ibsi ministeerichaa, "Humni waraanaa Qataar haleellaa miisaa'elaa biyya keenya irratti kaayyeffate milkaa'inaan qolateera," jedha.
Ministeerri biyya keessaa Kaataar haalli nageenyaa sadarkaa yaaddessaa irra ga'uu ibsuun, lammiileen hundi manneen isaanii yookaan iddoowwan nageenyaa qabu keessa akka turan waamicha dhiyeesse.
Kuweetittis, Humni Ittisaa biyyattii sirni ittisa qilleensaa miisaa'elotaa fi diroonota haleellaa raawwachuuf dhufan qolachaa jiraachuu beeksise.
Bahireenis sirna akeekkachiisaa yeroo balaa kennuun, lammiilee fi jiraattota gara iddoo nageenyaa qabuutti akka deeman waamicha dhiyeessite.
Miidiyaaleen mootummaa Iran gama isaaniin, humni waraanaa Iran buufata waraanaa Ameerikaa Bahireen keessatti argamu keesstti xiyyaarotaa fi helekoopteroota Ameerikaa haleeluu ibsan.
Akka gabaasa miidiyaalee mootummaa Iranitti, haleellaan kun Ameerikaan bu'uuraalee misoomaa fi lammiilee nagaa Iran irratti raawwatteef deebii kenniteedha.
17 Adooleessa 2026Ameerikaa halkan 6ffaaf haleellaa Iraan irratti raawwatteen bu'uraalee misooma barbadeessite
Madda suuraa, Reuters
Ameerikaan halkan jahaffaaf walitti aansuun Iran irratti haleellaa waraanaa gaggeessite.
Miidiyaaleen mootummaa Iran akka gabaasanitti, haleellaa kanaan bu'uuraaleen misoomaa siivilii hedduun manca'aniiru.
Riqicha, buufata baaburaa fi buufata xiyyaaraa dabalatee bu'uuraalee misoomaa siivilii irratti raawwatameera.
BBC'nis Bulchiinsa Hormozgaan keessatti, magaalaa Bandar Abbas irraa gara dhihaatti riqichi tokko haleellaa kanaan rukutamuu isaa mirkaneesseera.
Ibsa dabalataa argachuuf waajjira waayit Haawus akkasumas Ajaja Waraana Giddugaleessaa Ameerikaa (CENTCOM) gaafateera.
Haleellaa kana keessatti, miisaa'eloonni Ameerikaa Odoola Qaashim, naannoo Hormuuzitti argamtu, akkasumas naannoo Bushehir kan buufata humna niwukilarii qabdu irratti xiyyeeffatanii rukutuu isaanii gabaafameera.
Magaalaan buufaatat doonii Bandar Abbasis qiyyaafnnoo misaa'eloota Ameerikaa taaterti.
CENTCOM akka ibsetti, haleellaan kun humna waraanaa Iran dadhabsiisuuf kan kaayyeffate ture.
Akkasumas doonii tokko uggura Ameerikaan ulaa Hormuuz irratti kaa'e cabsuuf yaalaa ture to'achuu isaa beeksiseera.
Haa ta'u malee, ibsa isaa keessatti riqichoonni akka kaayyoo waraanaatti rukutaman jechuun hin eerre.
Torbee kana jalqaba irratti Pirezidaantiin Ameerikaa Doonaald Traamp, Iran gara mariitti yoo hin deebine riqichootaa fi buufataalee humna ibsaa biyyattii irratti haleellaa raawwachuu akka danda'an akeekkachiisanii turan.
Kana duraas Traamp bu'uuraalee misoomaa siivilii, akka riqichootaa fi buufataalee humna ibsaa dabalatee, haleellaa keessa galchuu akka danda'an ibsan
Yeroo sanatti Komishinarri Olaanaan Mirga Namoomaa Dhaabbata Mootummoota Gamtoomanii Volker Türk, lammiilee nagaa fi bu'uuraalee misoomaa siivilii irratti haleellaa raawwachuun yakka waraanaa ta'uu isaa hubachiisanii turan.
Akka Waliigaltee Geneva bara 1949tti, yeroo waraanaatti lammiilee nagaa fi bu'uuraalee jireenya isaanii tiksuuf barbaachisan irratti haleellaa raawwachuun seeraan dhorkaadha.
17 Adooleessa 2026'Bu’aan waraana Iraan waliin gaggeeffamuu yeroo dhiyootti ni beekama'- Tiraamp
Madda suuraa, Getty Images
Ibsa waa'ee suuraa, Tiraamp
Pirezidaantiin Ameerikaa Doonaald Traamp bu'aan Waraan yeroo ammaa Iran irratti gaggeeffamaa jiru yeroo dhihoo keessatti akka ifa ta'u dubbatan.
Haasaa isaanii keessatti Tiraamp, Ameerikaa fi Israa'el hojii waraanaa isaanii keessatti milkaa'ina galmeessuu itti fufaniiru jechuun ibsan.
Waraanicha keessatti mootummaa isaanii - Ameerikaan olaantummaa qabdi jedhan.
"Bu'aan isaas yeroo dheeraa hin fudhatu, yeroo dhihootti ni mul'ata," jechuun dubbatan.
Dabalataanis, "Iran irratti injifannoo guddaa galmeessaa jirra," jechuun himan.
Garuu injifannoon kun maal akka ta'e hin ibsine, yaada kana deeggaruufis akkasuma ragaa hin dhiyeessine.
Tiraamp kana kan dubbatan yeroo waraanni Ameerikaa fi Iraan giddutti bifa haaran deebi'ee cimaa jiruttidha,
17 Adooleessa 2026Paakistaan jaarsummaa Ameerikaa fi Iraan irratti ibsa kennite
Madda suuraa, Reuters
Paakistaan Ameerikaa fi Iraan gidduutti jaarsummaa taa'uuf carraaqqiin gootu sababoota waldhabdeen dabalaa dhufeen qormaanni akka mudate ibsite.
Dubbi himaan Ministeera Dhimma Alaa Paakistaan, Taahir Andrabi, ibsa gaazexeessitootaaf Islaamaabaaditti kennaniin,Paakistaan erga waldhabdeen hammaatee booda gahee gidduu seenummaa ishee dhiisteetti kan jedhu odeeffannoo sirri miti jechuun haalaniiru.
Haalli hammatus Paakistaan adeemsi marii akka itti fufu carraaqqii ishee hin dhaabne jedhan.
"Dhuma irrattis adeemsi nagaa fi marii akka mo'atu abdii qabna," jedhan Andrabi.
Itti dabaluudhaanis adeemsi nagaa guutummaatti hin dhaabbatu, garuu deebi’ee jalqabuu isaa dura yeroo muraasaaf dhaabbachuu mala jedhan.
Akka Andrabi jedhutti, qajeeltoowwan waliigaltee Islaamaabaad US fi Iraan gidduutti kaa’aman ammallee kan jiran yoo ta’u,waldhabdeen furmaatza akka hin finnee wayita hubatan, marii deebi’anii jalqabuuf itti fayyadamuu ni danda’u.
Paakistaan ammas qaamoleen hundi waldhabdee hammeessuu fi haala tasgabbii naannichaa balaadhaaf saaxilu kamirraayyuu akka of qusatan gaafatteetti.
Andrabi akka jedhanitti, Paakistaan ammas mariin akka deebi’ee akka jalqabamu jajjabeessuu itti fufteetti.
Dhimmoota hafan hiikuuf qaamonni hundi daandii marii fi dippilomaasii irratti xiyyeeffachuun akka itti fufanis waamicha taasifte.
16 Adooleessa 2026US buufataalee anniisaa Iraan yoo haleelte Hidhattoonni Huutii Yaman, ulaa daldala boba'aa Galaana Diimaa akka cufan Teehraan dhaadatte
Madda suuraa, Reuters
Ibsa waa'ee suuraa, -
US buufataalee anniisaa Iraan yoo haleelte Hidhattoonni Huutii Yaman, ulaa daldala boba'aa Galaana Diimaa akka cufan Teehraan dhaadatte.
Hoggantoonni Iraan dhimmicharratti kan mariyatan yoo ta'u, michuuwwan ishee Yaman Huutiiwwaniif ergaan kun darbuu dhimmichatti dhiyoo kan ta'an aangawoonni olaanaan Teehraan lama himan.
Dhimmichi reefu waan ta'eef aangawoonni eenyummaa isaanii ibsuu hin feene.
Asiin dura waayee dhimma kanaa homtuu waan himame hin jiru, garuu Huutiiwwan dhiyeenya ergaan kun isaan gahuu ibsame.
Ergaan kun karaa kamiin akka barames hin baramne. Kibxata, Tiraamp yoo Iraan gara mariitti hin deebine maddeen anniisaa isaanii daaraa goona jedhee dhaadatee ture.
Ministeerri dhimma alaa Iraani fi dubbii himaan Huutii yaada akka kennaniif Rooytarsi gaafatus deebii hin kennine.
16 Adooleessa 2026Kaanaadaatti ibidda bosona bakka 800tti qabate kaaba Ameerikaatti babal'ate
Madda suuraa, Getty Images
Ibsa waa'ee suuraa, Kaanaadaatti ibidda bosona bakka 800tti qabate Ameerikaatti akka hin ceene yaaddesse
Kaanaadaatti ibidda bosona bakka 800tti qabate gama kibbaatiin naannolee Ameerikaa garaagaraatti babal'achaa jira.
Sababa balaa abiddaa bubbeen kutaalee bulchiinsaa Ameerikaa Michigaanii fi Minisootaa fa'itti balaa buusaa jira.
Lammiileen manaa akka hin baane akeekkachiifamaniiru.
Tajaajilli raaga haala qilleensaa Ameerikaa (NOAA) dhiheenya kana odeeffannoo baaseen akka ibsetti, akeekkachiisni kun naannoo Aappar Miidweest, naannoo Greet Leeksi gara kaaba-bahaatti kan babal'atedha jedhe.
Akka Giddu-gala Ibidda Bosonaa Inter-ejensii Kanaadaatti yeroo ammaa Kanaadaa keessatti ibiddi bosonaa 857 saffisaan babal'ataa jiru, kanneen keessaa ibiddi haaraan 23 ta'an dhiheenya kana kan ka'anidha.
Akka Jaarmiyaa Odeeffannoo Abidda Bosonaa Kaanaadaatti taateewwan abiddaa kunneen to'annoon ala bahaa jiru.
Balaan guddaan kaaba lixaa Ontaariyoo miidhaa jira. Aarri achirraa ka'u naannawa Tandar Beey fi Torontootti qilleensa uwwiseera. Aarri haphiin immoo samii naannawa Gireet Leeksii fi Niwu Yorkirraa uwwisera.
16 Adooleessa 2026Yugaandaan nama xumuraa Iboolaarraa fayye 'gammachuudhaan' hospitaalaa gaggeessite
Madda suuraa, Getty Images
Ibsa waa'ee suuraa, Yugaandaan nama Iboolaarra fayye xumuraa 'gammachuudhaan' hospitaalaa gaggeessite
Yugaandaan nama Iboolaarraa fayye xumuraa 'gammachuudhaan' hospitaalaa gaggeessite. Biyyattiitti ammaan tana dhukkubsataan Iboolaa tokkollee akka hin jirre mirkanaaye.
Sagantaa gaggeessaa nama Iboolaa irraa fayye gaggeessuu kanarratti Ministirri Fayyaa biyyattii Dr Kiriis Baryoomunsii haala kana "taatee gammachuu" jechuun ibsan.
Iboolaan Yugaandaatti jalqaba kan mul'ate ji'a Caamsaa keessa ture. Namni jalqabaa dhibame immoo biyya ollaa Iboolaan weerare Rippaablika Dimookraatawaa Koongoorraa Yugaandaa seene.
Aangawoonni weerara dhibee kanaa qolachuuf duulatti jiru. US lammiileen ishee gara DRC imalanirra uggura imalaa keessee turte.
Yugaandaan akkaataa sadarkaa WHOtti biyya Iboolaarraa bilisaa jedhamuuf sa'aatii 42 qofa eegdi. Dhukkubsataan haaraan hanga hin jirretti.
"Kun, yoo dafee bira ga'ame, wal'aansi hatattamaa yoo jiraate fi sirni tajaajila fayyaa cimaan yoo jiraate, Iboolaa balleessuun akka danda'amu agarsiisa," jedhan ministirri fayyaa.
Ta'us, namoonni "dammaqinaan akka eegan" gaafatan. "Yoo ho'inni qaamaa , hoqqisuun, garaa kaasaa ykn dhiiguu qaamaa sababa hin beekamne argitan, hatattamaan gara dhaabbilee fayyaa deemaa," jedhan barreeffama fuula X irratti maxxansansiin.
Waliigalaan, Yugaandaatti namoota vaayirasichaan qabamuun isaanii kan mirkanaa'e naoota 20 yoo ta'u, baay'een isaanii keessummoota Koongoo irraa dhufani.
Namoonni lama du'aniiru.Yugaandaan waggoota digdama darban keessatti dhibee Iboolaa yeroo baay'ee kan dabarsite yoo ta'u, ammoo vaayirasicha qolachuuf seerawwan hojii dhimma kanaan wal qabatan baafteerti.
Namoota shakkaman kophaatti baasuu, namoota dhibee kanaan qabamanitti kanneen dhihaatan hordofuu fi dhaamsa fayyaa uummataan gahuu irratti xiyyeeffattee hojjetaa jirti.
16 Adooleessa 2026Iraan haleellaawwan US haaloo bahuuf buufataalee waraanaa US haleelaa jirti
Madda suuraa, Reuters
Ibsa waa'ee suuraa, Iraan haleellaawwan US haaloo bahuuf buufataalee waraanaa US haleelaa jirti
Tehraan buufataalee waraanaa US kan biyyoota Galoogalaanaa keessaa haleeluu eegalte.
US gama isheetiin halkan kutaalee Iraan hedduu haleelaa bulte.
Tehiraan haleellaa kanaan buufataalee US biyyoota Jordaan, Kuweet, Baahireen haleeluu beeksifte.
Wal waraansi miilanaa bifa haaraan erga qabatee guyyaa jahaffaa isaati. Waliigaltee nagaa biyyoota lamaaniis dukkanneessaa jira.
Kun kanaan osoo jiruu, waraanni US haleellaawwan sa'aatii jahaaf walitti aansee tolcheen iddoowwan garaagaraa Iraan haleeluu ibse.
Kun immoo "dandeettii Iraan dooniiwwan daldalaa Ulaa Hormuuz keessatti doorsisuuf gootu gadi buusuuf" akka ta'e hime.
Wal waraansi miilanaa kun Pirezdant Donaald Tiraamp "Iraan yoo adabatte wayyaaf" ykn "tarkaanfiin waraanaa hanga isheen maritti deebitu irraa hin dhaabbatu" jedhanii doorsisuu hordofee uumame.
Kibxata, Tiraamp yoo Iraan gara mariitti hin deebine maddeen anniisaa isaanii daaraa goona jedhee dhaadatee ture.
Bakka bu'aan garee mari'attootaa Iraan, Mohammad Bagher Gaalibaf, waliigaltee biyya keenya hin fayyadne kamuu kabajuuf "dirqama hin qabnu" jechuun miidiyaa mootummaatti dubbataniiru.
Nageenyi biyyaalessaa Iraan "bulchiinsa" Ulaa Hormuuz kabachiisuurratti xiyyeeffata jedhan.
16 Adooleessa 2026Mossad akkamiin pirezidaantii duraanii Iraan Israa'el wajjin akka hojjatu amansiise?
Maxxansa YouTube irra dabri
Qabiyyee Google YouTube hayyamtaa?
Barreeffamni kun qabiyyee [social_media-site]n dhiyaatan qaba. Tarii 'cookies' fi teknolojiiwwan biraa fayyadamuu waan danda'aniif, osoo tokkoonsaa gadi hin buufamiin dura hayyama keessan gaafanna. Osoo hin simatin dura Google YouTubeimaammata cookies fi imaammata mateenyaa dubbisuu barbaadda ta'a. Qabiyyee kana ilaaluuf 'waliigaluun itti fufi' filadhu.
Hubachiisa: Qabiyyee marsariitiiwwan alaatiif BBCn itti gaafatamummaa hin fudhatu. YouTube beeksisa qabaachuu danda'a.
Xumura maxxansa YouTube
Mossad akkamiin pirezidaantii duraanii Iraan Israa'el baduu qabdi jedhu akka Israa'el waliin hojjatu amansiise?
16 Adooleessa 2026Zeleeniskiin ministira waraanaa aangorraa kaafnan mormiin itti ka'e
Madda suuraa, Getty Images
Ibsa waa'ee suuraa, Zelensikiin ministira ittisaa aangorraa kaafnan mormiin itti ka'e
Pirezidantiin Yukireen Volodimir Zeleniskiin ministira waraanaa aangorraa kaafnaan mormiin itti ka'e.
Ministira Ittisaa beekamaa kan ta'an Mikhaayiloo Feedoroov hojii irraa ari’amuu hordofee uummanni biyyattii dallansuu qabu mormiidhaan magaalota Yukireen hedduu keessatti bahee agarsiisaa jira.
Namootni baay’een, keessattuu dargaggoonni, magaalaa Kiiv keessatti walitti qabamanii, "Harka keessan Feedoroov irraa kaasaa", "Injifannoo gufachiisuu dhaabaa!" dhaadannoowwan jedhan qabatanii "Kun Salphina!" jechaa iyyaa oolan.
Zelenskiin hanga ammaatti murtoo isaa kanaaf ibsa hin kennine.
Tarkaanfiin isaa hayyootaa fi loltoota akkasumas kutaalee hawaasa siivilii biratti dallansuu guddaa uumaa jira.
Feedoroov, nama ganna 35 yoo ta'u, Amajjii darbe kan muudame yoo ta’u, waraana onnachiisuun, qabsoo farra malaammaltummaa gaggeessuu fi odeeffannoo sirriitti fayyadamee hojii waraanaa sarara duraa fooyyessuun galateeffatama.
Kamisa har’aa miseensonni paarlaamaa nama ministeera biyya keessaa hogganaa ture, Ihoor Kliimeenkoo jedhamuun bakka buuse bakka buusuun sagalee kennuuf deemu.
Jijjiirraa hoggansaa Zelenskiin gaggeessaa jiruun paarlaamaan biyyattii nama biraa aangoo gadhiisan Yuuliyaa Sviiriideenkoo minitira boba'aa fi gaasii kan turan Seerhiiy Koreetiskiidhaan bakka buusuun ministira muummee godhee muudamasaa mirkaneesseera.
Kamisa har’aa irratti Feedoroov kana dhugoomsee jira, Zaalenskiif Siiriskiyi fi Hoogganaan Istaafii Jeneraalaa Andirii Hinaatoov bakka bu’uu qabu jedhee akka yaada dhiyeesse dubbachuu.
16 Adooleessa 2026Namni waajira pireezidantii Naayijeeriyaatti 'jaarmayaa sobaa' bane to'atame
Madda suuraa, @princeadeyemi_adeniyi/instagram
Waajira pireezidantii Naayijeeriyaa keessatti 'jaarmayaa sobaan' hundeeffame namni hogganaa ture torbanootaaf erga barbaadamaa ture to'annoo jala ooleera.
Adeeniy Adeeyimii Maatiiw namni jedhamu kuni '' Presidential Foreign Investment Promotion Council'' maqaa jedhuun dhaabbata hundeesseef daarektara akka tahe hima.
Pireezadantii biyyattiifi waajirri isaani garuu waa'ee nama kanaas tahe waa'ee dhaabichaa akka hin beekne himan.
Kana boodas dhaabbata doolaara 950,000 sobaan hundaa'e jedhame kanarratti qorannoon akka taasifamu pireezidantiin ajajeera.
Namni kuni jalqaba balleessaa akka hin qabne miidiyaa biyya keessaatti dubbachuun himannaa irratti ka'u hunda ofirraa ittisuun maqaasaa akka haaromsu himeera.
Tahus kana gochuu dhabuun manni murtii olaanaa ajaja hidhaa irratti baaseera.
Maatiiw torbanootaaf dhokataa turee bulchiinsa Osuun keessatti to'annoo jala ooleera.
Pireezidantiin biyyattii Boolaa Tinuubuu dhaabbata hin beekne irratti qoarnnoon akka adeemsifamu ajajuun isaanii ijoo dubbii tahee ture.
Waajirri pireezidantii mallattoofi xalayaan muudamaa nama kanaa kan sobaa tahuu mirkaneesseera.
Himannaan mana murtii akka agarsiisu nama kanaafi namooti kaan biroo sanadoota sobaa qopheessuun akkaawuntii baankii maqaa waajirichaan banuuniifi jaarmiyaa lafarra hin jirreef beekamtii barbaaduun himatamaniiru.
16 Adooleessa 2026Sanyiin qamalee haaraa hidhii halluu burtukaanaa qabu DR Koongootti argame
Madda suuraa, Junior Amboko
Sanyiin qamalee hidhii burtukaanaafi fuula gurraacha qabdu Rippaabliika Demookiraatawaa Koongootti argamte sanyii haaraa tahuu saayintistoonni himan.
Qamaleen sanyii haaraa kuni bosona guddaa fagoo Paarkii Biyyaalessaa Lomaamii baha biyyattiitti argamte.
Hojjetaan kunuunsa bosonaa bineensa addaa kana bara 2008 argee suuraa sirriitti hin mul'anne kaasee ture.
Waggaa kudhan booda gareen saayintistootaa qamalee kana qorate sanyii kanaan dura hin beekamne dha jedhe
Waggaa 75 keessatti qamaleen sanyii haaraa shanaffaa Afrikaa keessatti argamuusaati.
Juuniyar Ambookoo barataa PHD Yunivarsiitii Filooriidaa Atlaantiik yoo tahu qorannoo kana kan geggeesse yoo tahu, ''bineensa jiraachuusaayyuu namni muraasni beeku argauun miiraa ajaa'ibaa namaa kenna,'' jedhe.