Episode details

Radio Cornwall,5 mins
An Nowodhow - the News in Cornish
Available for over a year
Recording 1/3: Myttin da. Dowr Soth West re beu kestevys gans Asran an Kerghynnedh, Ofwat, ha Maynorieth an Kerghynnedh rag leverel bos an nivel a dhowrfols y’gan ranndir ankemeradow. I a leveris y hwrussa an kevradh a dhowrfols kressya a-dhia warlena ha keworra y vos etek poynt pymp kansrann ughella es dell veu ragwelys. Kepar ha lies rann erel a’n Soth West, yth yw Kernow yn studh a seghter po seghter sevur, ytho an rewloryon a warnyas yth esa an nivelyow ughel a dhowrfols ow korra kliensow “orth nivel ughella a argol”. Dowr Soth West a worthebis ev dhe gevarghewi “asnodhow meur” rag kavos hag ewnhe dowrfolsyow, mes an rewloryon a erghis kanasow a’n kowethyans a vetya gansa pub hwegh mis drefen an “kehesedh ha duryans a gudynnow kevys rag Dowr Soth West”. Translation 1/3: Good morning. South West Water has been contacted by the Department of the Environment, Ofwat, and the Environment Agency to say that the level of leakage in our area is unacceptable. They said that leakage rate had increased since last year and added that it was 18.5% higher than forecast. Like many other areas of the South West, Cornwall is in a state of drought or severe drought, so the regulators warned that the high levels of leakage were putting customers “at a greater level of risk”. South West Water replied that it was investing “significant resource” to find and fix leaks, but the regulators ordered representatives of the company to meet with them every six months because of the "extent and persistence of issues identified for South West Water". Recording 2/3: Wosa naw bledhen ha dew ugens, an kowbal, Scillonian III, a gowlwrys y viaj finel yntra Syllan ha Pennsans. An kowbal a wrug y gynsa trumach yn mil, naw kans, seytek ha tri ugens hag, a-dhia nena, ev a dhug moy es pymp poynt tri milvil drethyas ynter an tir meur hag an enesow. Dres y dhiwettha viaj, y feu synsys servis arbennik, ha selyes veu bolghen dermyn re beu lenwys a artweyth, skeusennow ha kevrohow erel dhyworth nebes a’n dus a viajyas ynno. Pub tokyn re bia gwerthys ha war an kay yn Pennsans, yth esa bush bras a dus ha keur leel ena rag y dhynerghi. An gorhel a wra kemeres y le, Scillonian IV, re dhiberthis Vietnam ha, dell waytir, a wra drehedhes Kernow mis Hwevrer y’n vledhen a dheu. Translation 2/3: After 49 years, the ferry, Scillonian III, has completed its final voyage between the Isles of Scilly and Penzance. The ferry made its first crossing in 1977 and, since then, it has carried more than 5.3 million passengers between the mainland and the islands. During its last trip, a special service was held, and a time capsule was sealed which has been filled with artwork, photographs and other contributions from some of the people who have travelled on her.Every ticket had been sold and, on the quay in Penzance, a large crowd of people and a local choir were there to welcome her.The ship that will take her place, Scillonian IV, has left Vietnam and, is expected to reach Cornwall in February next year. Recording 3/3: Trest Godhvewnans Kernow re dherivas ev dhe gavos moy es peswar kans egin a wels mor yn Heyl Fowydh. Bodhogyon an trest a guntelas has dhyworth pras gwels mor yn Penntorr yn kynnyav warlena hag y blansa yn Heyl Fowydh. Posek dres eghen yw an ober ma drefen Breten Veur dhe gelli moy es deg kansrann ha peswar ugens a’y frasow gwels mor dres an gansbledhen eus passyes. An trest a dheskrifas gwels mor avel argos morek. Ev a brovi skovva ha meythrinva rag pysk hag enevales morek erel, keffrys ha gwellhe kwalita an dowr, synsi karbon, ha lehe esknians arvorel. Plansys vydh moy has y’n heylyow Fowydh ha Mahonyer hevlena, hag yma govenek dhe’n trest may tallatthons tevi nessa gwenton. Ha henn yw oll ahanav vy an seythen ma. Terebo nessa! Translation 3/3: Cornwall Wildlife Trust has reported that it has found more than 400 seagrass shoots in the Fowey Estuary. The trust’s volunteers collected seed from a seagrass meadow at Torpoint in autumn last year and planted it in the Fowey Estuary. This work is extremely important as Britain has lost more than 90% of its seagrass meadows over the last century. The trust described seagrass as marine woodland. It provides shelter and nursery grounds for fish and other marine creatures, as well as improving water quality, capturing carbon, and reducing coastal erosion. More seed will be planted in the Fowey and Helford estuaries, and the trust hope that they will start growing next spring. And that’s all from me for this week. Until next time! Presenter This week’s An Nowodhow was written and presented by Steve Penhaligon and edited by Wella Morris. You can listen again on BBC Sounds by going to bbc.co.uk/cornwall and scrolling down to the ‘Best Bits’ section. Photo of the final sailing of Scillonian III by BBC Weather Watcher Jazz1angel.
Programme Website