An Nowodhow - the News in Cornish

Available for over a year

STORY 1 Konsel Kernow re arwostlas tri milyon a beunsow keworansel, dhe vos spenys war “wellhe hag arnowydhhe” an gonis tan y’n bledhen arghansek a-lemmyn. An Konsel a leveris y hwrussa an arghans fondya trenyans, asnodhow keworansel rag lestans tan tre, ha skoodhyans rag negysyow wosa laghans nowydh an pyth a sew an hwithrans tan Tour Grenfell. Y teu wosa Gonis Tan ha Sawyans Kernow dhe lonchya y dowlen dyghtyans argol kemeneth rag 2026 dhe 2030, wosa kusulyans poblek. Konsel Kernow a leveris y hwrussa an gonis nowydhhe y jynnow-tan, daffar, ha kevreythyow teknologieth kevarwodh, ha gul gwellheansow dhe gorsavaow tan kemeneth dres an peder bledhen a dheu. Sodhek chif tan Kathryn Billing a leveris aga bos fogellys orth lehe argol ha diogeli kemenethow Kernow dre lestans fogellys, gwithans ha gwriansow gorthyp goredhom. TRANSLATION: Cornwall Council has pledged an additional £3m to be spent on "improving and modernising" the fire service in the current financial year. The Council said the money would fund training, additional resources for home fire prevention, and support for businesses following new legislation following the Grenfell Tower fire inquiry. Cornwall Council said the service would update its vehicles, equipment and IT systems, and make improvements to community fire stations over the next four years. Chief fire officer Kathryn Billing said that they were focused on reducing risk and safeguarding Cornwall's communities through targeted prevention, protection and emergency response activities. STORY 2 Kavos sinel wi-fi war drenow a alsa bos “treusfurvus” rag negysyow, dell lever konnyk a linennow skoren yn Kernow. Towl arbrovel rag kolmow kesrosweyth uskissa war drenow - an kynsa y’n Ruvaneth Unys, hag a wra devnydh teknologieth displegys rag kerri Formula 1 - a veu lonchys y’n servisyow GWR y’n soth west y’n mis Du 2025. An governans a leveris y hwrussa kevarghewi seytek ha dew ugens milyon a beunsow yn wi-fi yn gwlasek, avel rann a’y ragdres Project Reach, may spenir dewdhek milyon a beunsow a henna y’n west ha soth west, hag yn Kembra. Is-pennskrifer lyver termyn Modern Railways, Andy Bowes-Roden y hanow, a leveris yth enep negysyow “spal termyn” awos tervellow kesrosweyth war drenow, yn arenebedhow gans sinel klappkodh boghes. An governans a leveris bos Project Reach ragdres lies bledhen, hag y hwaytir bos an kynsa ynstallyans a isframweyth klappkodh dalleth yn 2026, ha bos ordenys yn tien kyns penn 2028. TRANSLATION Having reliable and high-speed wi-fi on trains could be "transformative" for businesses, an expert on rural branch lines in Cornwall says. A UK-first pilot scheme for faster internet connections on trains, using technology originally developed for Formula 1 cars, was launched on Great Western Railway (GWR) services in the South West in November 2025. The government said it would invest £57m in rail wi-fi nationally as part of its scheme Project Reach, with £12m of that being spent in the west and south west of England and Wales.Deputy editor of Modern Railways magazine Andy Bowes-Roden said businesses currently faced a "time penalty" due to "patchy" internet connections on trains in areas with poor mobile phone signal. STORY 3 Dew dus dhyworth Kernow, neb a veytyas ha ni ow tegemeres skoodhyans rag dyghtyans kanker, re dhalathas podkast dhe sevel warneth a’n skoodh kavadow. Matthew Clarke, duryer Lymphoma Non-Hodgkin, hag Emma Coombe, neb usi ow tegemeres dyghtyas rag melanoma, a ges-present podkast henwys Cornwall Cancer Café Podcast. Clarke, neb yw aswonnys yn ta dhe’n gernewegva awos y ober darlesans y’n yeth, a leveris yn mis Hwever, y feuva res arghasans Kemeneth Gwari Dall Kenedhlek rag an podkast, hag a veu lonchys yn mis Meurth rag bledhen. An towlennow seythennyek a veder kevrenna prevyansow a dus erel, rag may hweres tus gans kanker omglewes le yn unsel, dell lever an dhew. Clarke a leveris: “Pub person yw diblans, pub kas kanker yw diblans, ha pub ombrevyans yw diblans”. Coombe a vetyas Clarke yn esedhogow yaghheans ilow yn Kresen Cove yn Klavji Riel Kernow. Hi a leveris y fynnons i ynia tus dhe wodhvos bos skoodhyans kavadow ha kavos and skoodhyans na ha kewsel. TRANSLATION Two people from Cornwall who met while receiving support for cancer treatment have started a podcast to raise awareness of the support available. Matthew Clarke, a Non Hodgkin Lymphoma survivor, and Emma Coombe, who is having treatment for melanoma, co-present a podcast called the Cornwall Cancer Cafe Podcast. Clarke, who is well known to the Cornish language community for his broadcasting work in the language, said in February he was awarded National Lottery Community funding for the show, which was launched in March for a year. The weekly episodes aim to share other people's experiences to help people with cancer feel less alone, the pair said. Clarke said: "Every person is different, every cancer case is different and every experience is different." Pic: BBC Weather Watcher/Gilly Gabben