Dùbhlain DIY, Rubber Soul agus Ceangal Ciùil

Available for 27 days

Gach seachdain, fhad ’s a bha Dùbhlain DIY ri fhaicinn air BBC ALBA, bha Feasgar a’ faighinn facal air an dithis a chaidh an cur às an fharpais. Tha Emma an-diugh a’ cluinntinn bhon cheathrar a ràinig a’ chuairt dheireannach. Agus, aig toiseach na mìos, chaidh Rubber Soul, clàr cliùiteach nam Beatles bho mheadhan nan trì ficheadan, ath-fhoillseachadh ann an riochd sònraichte. Tha an clàr-ciùil air fhaicinn mar aon de na clàran as fheàrr agus as buadhaiche ann an eachdraidh ceòl pop is roc. Tha deagh chuimhne aig an neach-ciùil Calum Martainn air nuair a chuala e an clàr airson a’ chiad uair, agus tha e ag innse do dh’Emma carson a bha Rubber Soul cho tarraingeach dha.