TOOS, Trump oo sheegay in xabbad joojinta Lubaan iyo Israa'iil saddex toddobaad lagu kordhiyey, iyada oo aan weil xiisadda Iiraan iyo Maraykanka aan xal laga gaarin

Tebin toos ah

1. 3 Daqiiqadood ka horKanini ay Soomaalidu aad u isticmaasho oo la ogaaday inuu hoos u dhigo khataraha kansarka

   Nick James, oo ah xubin ka tirsan golaha wasiirada Ingiriiska oo ku jira sano afartanaad, ayaa bilaabay inuu ka walwalo caafimaadkiisa ka dib markii hooyadii ay u dhimatay kansar kadibna walaalkiis iyo qaraabo kale uu ku dhacay kansarka mindhicirka.

   Wuxuu qaatay go'aan ah in lagu sameeyo baaritaanka hidda-sidaha, kaa oo daaha ka qaaday in uu leeyahay hidde-side cilladaysan, oo la og yahay inuu keeno xaaladda loo yaqaano Lynch syndrome, xaalad si weyn u kordhisa khatarta ah inuu ku dhaco qofka nuuca kansarkaan.

   Si kastaba ha ahaatee, James wuxuu caawimo ka helay ilo aan la filayn markii uu noqday qofkii ugu horreeyay ee iska diiwaangeliya tijaabo caafimaad oo loogu talagalay in lagu go'aamiyo in qaadashada aspirin-ka ay ka hortagi karyo kansarka.

   Qiyaastii 80% dadka qaba Lynch syndrome waxay yeelan doonaan kansarka mindhicirka inta ay nool yihiin.

   Si kastaba ha ahaatee, ilaa hadda arrintaan waa ay anfacday James. "Waxa uu qaadanayey asbiriin iyada oo la kor joogteynayo muddo toban sano ah hadda, ilaa hadda, kuma uusan dhicin wax kansar ah," ayuu yiri John Burn, oo ah borofisar ku takhasusay hidde-sideyaasha kiliinikada ee Jaamacadda Newcastle.

   Sii akhri

2. 26 Daqiiqadood ka horErgeyga Israa'iil u fadhiya Qaramada Midoobe oo sheegay in xabbad-joojintu ahayn 100%

   Ergayga Israa’iil u fadhiya Qaramada Midoobay ayaa sheegay inuusan hubin in xabbad-joojinta cusub ee la kordhiyay ay si buuxda u joojin doonto colaadda u dhaxaysa Israa’iil iyo ururka Xisbullaah ee ay taageerto Iiraan, kaas oo ka dagaallama Lubnaan.

   “Dowladda Lubnaan wax xakameyn ah kuma lahaXisbullaah” ayuu yiri Danny Dannon oo wareysi siiyay CNN.

   “Xisbullaah waxay ridaysaa gantaallo si ay u burburiso xabbad-joojinta, Israa’iilna waa in ay ka jawaabtaa, Mar kasta oo aan aragno hanjabaad, waan inaan tallaabo qaadnaa.”

   Hadalladiisa ayaa imaanaya kadib markii safiirrada Israa’iil iyo Lubnaan ee Mareykanka ay ku kulmeen Aqalka Cad, halkaas oo Trump uu ku dhawaaqay muddo kordhin saddex toddobaad ah oo lagu sameeyay xabbad-joojintii hore ee 10-ka maalmood ahayd.

   “Waxaan rajeynayaa… in ciidanka Lubnaan ay dhab ahaantii awood u yeeshaan inay hirgeliyaan oo ay dhaqan geliyaan xabbad-joojintan," ayuu yiri Danny Dannon

3. Saacad ka horXisbullaah oo noqoneysa caqabadda ugu weyn ee is hortaagi karta heshiiska Lubnaan iyo Israa'iil

   Markii uu Donald Trump ku dhawaaqayey kordhinta xabbad-joojinta Israa’iil iyo Lubnaan waxa uu ku sugnaa miiska Resolute Desk ee ku yaalla xafiiska Oval, waxaana garabkiisa taagnaa madaxweyne ku xigeenkiisa iyo xoghayaha arrimaha dibadda, iyo sidoo kale safiiro ka kala socday Lubnaan iyo Israa’iil

   Dhammaantood waxa ay Madaxweynaha ku amaanayeen tallaabada taariikhda cusub ee uu sameeyey.

   In kasta oo ay arrin muhiim ah tahay, haddana xabbad-joojintu waxay weli u muuqataa isku day lagu joojinayo dagaalladii dib u qarxay markii Trump laftiisa uu Iiraan dagaal ku qaaday, isaga oo ay la jirto Israa’iil.

   Marka laga hadlayo rabitaanka in la gaaro nabad waarta oo u dhexeysa Israa’iil iyo Lubnaan, arrintaasi waa mid qoto ballaaran una baahan in laga fakao in hub ka dhiigis lagu sameeyo ururka Xisbullaah ee ka dagaallama Lubnaan.

   Kooxdan ay taageerto Iiraan muddo dheer waxay ahayd awoodda ugu xooggan ee Lubnaan. Si kastaba ha ahaatee, Maraykanka iyo Israa’iil waxay aaminsan yihiin in hadda ay daciiftay kooxda, kadib markii ay hoos u dhacday awoodda Iiraan sanadihii u dambeeyey, taasina ay abuurtay fursad lagu hub ka dhigi karo Xisbullah.

   Hase yeeshee, si ay dowladdu Lubnaan u sameyso dadaal noocaas ah, waxay u baahan tahay in waxyaabo badan isbeddel xoogan lagu sameeyo, tusaale ahaan in Israa’iil ay ka baxdo dhulka ay hadda haysato iyo in la helo dammaanad lagu joojinayo weerarrada Israa’iil, iyo sidoo kale taageero badan oo ka timaadda Washington si loo xoojiyo ciidamada rasmiga ah ee Lubnaan.

   Xisbullah waxay isu aragtaa inay tahay xoogga keliya ee hubeysan ee si dhab ah uga hortagi kara Israa’iil, waxaana suuragal ah in qorshe Maraykan ah oo ku salaysan cadaadis keliya oo aan lahayn dhiirrigelin uu kiciyo xiisado diimeed oo cusub gudaha Lubnaan, oo aan weligeed si buuxda uga soo kaban dagaalkii sokeeye ee burburka weyn sababay ee socday 15 sano.

4. Saacad ka horXabbad joojinta Israa'iil iyo Lubnaan oo lagu kordhiyay saddex toddobaad

   Madaxweynaha Mareykanka Donald Trump ayaa ku dhawaaqay in xabad joojinta Israa'iil iyo Lubnaan lagu kordhiyay saddex toddobaad.

   Arrintaan ayaa dab socota sida uu ku sheegay Trump qoraal uu soo dhigay Social Truth kulan dhexmaray saraakiisha Israa'iil iyo Lubnaan ee Xafiiska Oval, isaga oo tilmaamay in ay goobjoog ka ahaayeen madaxweyne ku xigeenka JD Vance iyo xoghayaha arrimaha dibadda Marco Rubio.

   "Maraykanku waxa uu la shaqaynayaa Lubnaan si uu uga caawiyo sidii ay isaga difaaci lahayd Xisbullah," ayuu yiri Trump.

   Waxa uu sheegay in ay "sharaf weyn u tahay" in aan ka soo qayb gallo "kulankan taariikhiga ah" waxa uuna sheegay in uu rajaynayo marti galinta ra'iisal wasaaraha Israa'iil Benjamin Netanyahu iyo madaxweynaha Lubnaan Joseph Aoun mustaqbalka.

5. Saacad ka horSubax wanaagsan Akhriste

   Waxaad kusoo dhawaataa tebiteenna tooska ah ee saaka oo halkan innooga bilaaban doonta