Main content
Bydd y rhaglen yma ar gael yn fuan ar ôl cael ei darlledu

Iolo Williams y naturiaethwr sy'n mynd â ni ar daith drwy dirlun Cymru gan ddilyn hen ffordd Rufeinig Sarn Helen. Iolo Williams follows the trail of the Sarn Helen Roman road.

Mae Iolo Williams yn parhau ar daith ryfeddol ar hyd un o lwybrau hynaf Cymru. Yr archeolegydd Rhys Mwyn sydd yn ei arwain ar hyd Sarn Helen, yr hen ffordd Rufeinig sy'n plethu drwy galon y wlad.

Wedi dechrau'r daith yn Nyffryn Conwy, maent bellach wedi cyrraedd Trawscoed, ac yn parhau tuag at y De Orllewin.

Dyma'r drydedd cyfres o Sarn Helen, ac mae'r rhaglenni sydd yn dilyn yn mynd a ni tua tref Caerfyrddin. Mae'r gyfres yn cyfuno hanes, natur a phobl mewn ffordd fywiog a difyr. Wrth gerdded drwy fynyddoedd, dyffrynnoedd a thirweddau eiconig Cymru, mae Iolo a Rhys yn cael cwmni amrywiaeth o westeion, gan gynnwys Dr Leona Huey archeolegydd a darlithydd ym Mhrifysgol Bangor sydd yn taflu goleuni newydd ar straeon y tir a'r cymunedau sydd wedi'u siapio ganddo dros y canrifoedd.

Ar hyd y ffordd, mae Iolo'n rhannu'i wybodaeth a'i angerdd dros fyd natur.

Ond nid taith drwy'r dirwedd yn unig yw hon. Mae hefyd yn daith drwy amser. Gyda Rhys Mwyn a Leona yn datgelu'r hanes archeolegol y tu ôl i'r ffordd enwog, mae Iolo'n holi sut a pham y cafodd y rhwydwaith Rhufeinig ei adeiladu, beth wnaeth y Rhufeiniaid ei gyflwyno i ni yng Nghymru, a sut y cysylltai'r ffyrdd hyn gaerau, aneddiadau a'r arfordir.

Ond yma mae'r criw yn crwydro ardal Trawscoed sydd i'r de o Aberystwyth, ac yn cael cwmni Dr Hywel Griffiths, Darllenydd mewn daearyddiaeth ffisegol ym Mhrifysgol Aberystwyth, ac Elen Trawscoed, sef Elen James , sydd yn Bennaeth Addysg Cyngor Ceredigion ac Elen Lewis sydd yn byw yn fferm Sarnau, ac mae Sarn Helen yn dod trwy eu tir nhw. Fe fydd stori am ysbryd i'w chlywed hefyd!

Dyddiad Rhyddhau:

27 o funudau

Ar y Radio

Dydd Sul16:00

Darllediad

  • Dydd Sul16:00