le Cathy NicDhòmhnaill

Prògram sònraichte a' comharrachadh leth-cheud bliadhna bho chaidh BBC Radio Highland air an èadhar an toiseach - na cuimhneachain, an eachdraidh, agus an dìleab.

Cluinnidh sinn bho chuid de na luchd-obrach a bha ann aig an àm, agus na cuimhneachain a th'aca a bhith ag obair aig an stèisean, agus na prògraman a bha iad a' cruthachadh agus a' craoladh. Eadar naidheachdan, prògraman ciùil, agus aithrisean à diofar sgìrean air feadh na Gàidhealtachd 's na h-Eileanan, 's iomadh craoladh prìseil a chaidh a dhèanamh. Ach cluinnidh sinn cuideachd mun adhbhar a bha e air a thòiseachadh, is mar a thug e buaidh air leasachadh rèidio is craolaidh ann an Gàidhlig agus Beurla.