Spain beat Argentina to win 2026 Fifa World Cup afta 16 years

Spain na di 2026 World Cup winner, afta beating defending champion Argentina.

Di Spanish beat Lionel Messi side Argentina to lift di trophy for di second time.

Goal by Ferran Torres for di extra time help di Spanish side to win di 2026 Fifa World Cup.

Ferran Torres break di tie for di extra time to give Spain di lead for di 2016 minutes of di World Cup final.

Brilliant shot by Ferran from di middle spot give Spain chance for di World Cup win.

Spain drag defending champions Argentina into extra time for di 2026 Fifa World Cup final.

Di 2022 World Cup winer Argentina face di European champions Spain for front of 82,500 seater venue for New York New Jersey Stadium.

Lionel Messi side struggle to find goal inside Spain net but di Spanish get strong defense wey di Argentine neva fit break into.

Enzo Fernandez red card reduce Argentina to 10-men players as Spain dey fire from evri angles.

Enzo chop di red for di 4 minutes added time, afta di referee show am second yellow card sake of im foul against Spain player Pau Cubarsi wia e send am into di air.

Nico Williams wey be substitute don show Argentina say anytin fit happun, while Mikel Merino dey also press more.

Spain don get plenti shots on target and Argentina goalkeeper Emiliano Martinez.

For di 94 minutes of di extra time, Nico Williams get anoda chance for goal wen e head di ball to di net but Martinez save am to help Argentina from conceding goal.

Afta long time on di pitch, di Spanish side seal di match wit goal by Ferran.

Afta di referee blow di final whistle, tears of joy dey one side and tears of disappointment on di oda side.

Lionel Messi sit on di pitch and look at di scenes around am.

Dis na di last World Cup wey Lionel Messi go play for di Argentina.

Spain add World Cup glory to dia European glory as celebrations dey all ova di pitch.

Spain dominate possession, chances, and evritin for di pitch and na big win for La Roja.

Di Qatar 2022 World Cup no be di only time wey Argentina don carry di cup as dem bin also win am for 1978 and 1986 - but dem lose am for 2026.

Spain also bin also carry di World Cup for 2010, so dat one make am 16 years wey dem neva carry cup.

But now, dem break history to win di World Cup for di second time.

Fifa World Cup awards

Fifa young player award - Pau Cubarsi (Spain)

Golden Glove award - Unai Simon (Spain)

Golden ball award (player of di tournament)- Rodri (Spain)

Spain vs Argentina: Long history

Dis na di second time wey Spain and Argentina dey meet for World Cup.

Di last time na for 1966 during di group stages wia Argentin beat Spain 2-1.

So far, dem don play 16 matches wia both Argentina and Spain don win six times each and draw twice.

Di oda games wey be frendlies include:

Spain 6-1 Argentina (March 2018)

Spain 1-4 Argentina (September 2010)

Spain 2-1 Argentina (November 2009)

Spain 2-1 Argentina (11 October 2006)

Spain 0-2 Argentina (November 1999)

Now, Spain don extend dia win by beating Argentina for 2026 World Cup.